日本4日3夜親子遊~ Day 4

到最後一日喇。。。要捉緊時間(shopping) 

 今日早咗啲出門口，小檬又充滿力量暴走

今日先見到啲扭蛋蛋

 

係扭唔到麵包超人嘅

my breakfast

由於太早嘅關係，d百貨公司仲未開門，
行咗一陣Big Carema，
買咗啲麵包超人玩具，其實真係唔貴，
不過真係拎唔到,同屋企已經好多玩具，
買咗兩三樣就算 (好多仲要買兩三樣!!!!!)

行左一陣小田急百貨，
呢度先買得最多小朋友物品。

爸爸就同小檬行玩具部。

玩得好開心
(媽咪都買得好開心)

買吓買吓以為好多時間，
點知連食晏嘅時間都冇就要返酒店趕搭車去機場!!!!

唯有整包奶同麵包比小檬

每日都買買買嘅我

都只係兩o急加兩個handcarry返！

勁～

等上車先有啲時間影酒店啲裝飾

成程車我地都瞓到豬咁。。。
到左機場check in喇

過埋關先，之前話會check嘅免稅用品其實都唔會check，

求其比返張紙佢地就得。

搵間餐廳醫肚先

4日都冇咩時間食到嘅牛扒飯，喺呢到食到
-仲要好味添

食完就買手信，我冇咩研究邊樣必買，樣靚又好似好食就買，

 royce朱古力，好多港人買，因為日本買平啲，
我公司同事好鍾意，不過我都係鍾意純淨薯片

 綠茶kitkat好似話說香港冇

(其實我唔知，見特別啲就買)

富士山kit kat cheese味

買完哂都未有得上機走去呢個蚊形kids area 玩
球球叔叔又話好大嘅？

原來T2呢個係細啲嘅。 

終於等到上機，今次都有窗口位。
睇電影。。。米奇妙妙屋。。。食兒童餐。。。
後來有啲扭計，佢話要睇woody

(爸爸之前話飛機有得睇 而家想睇=___=) 

 後來攞咗啲動物園相比佢，再重溫多一次，

都拖到一段時間，差不多landing，

佢又扭過，時間喺夜晚十點幾，飛機出面黑漆漆一片，

咩都搵唔到嚟講，拎咗啲之前準備嘅糖仔比佢食。。

一方面，減輕take off的耳壓不適，

點知差不多最後5分鐘佢爆2喊。。。

我要落車呀 !!!

哈哈哈。。。臨尾都要引我笑！！ 

我話係落飛機呀。。。我明白嘅，

困咗喺到4個鐘都冇行開，（其實應該帶佢去吓廁所）

又眼瞓喇。。。都好正常。
喊左兩三吓，好快我就氹到佢收聲，

周圍啲乘客應該都唔會覺得好煩擾呱。
好快就降落咗。。。。thanks！！  

鬆一口氣～  

落機樣

攞行李，差不多到十一點幾，

至錫我地嘅舅父喺青衣機鐵站等我地車我地返屋企，

結束我地嘅日本遊喇!!