小檬成長報告@ 3Y3M

小檬 3Y3M~  


好耐都冇寫小檬嘅成長報告。
過咗三歲，好似已經咩都識嘅佢，
其實喺媽媽口中都一樣大把野講～

食
聖誕病完一輪之後，三歲生日到而家食量都有增加咗，
婆娑話喺屋企食飯都食到好多，
喺街就一時時，唔想食就話飽，不過食雪糕又OK。
湯開始肯飲，不過要講條件，好衰。得一啖起兩啖止。
不過總算係個好開始嘅，喺日本食蝦之後，
返到嚟都肯食，連埋啲炸蝦飯嘅汁就好鍾意，
不過食完碗飯又會話啲蝦唔好食。

牛肉，豬肉都食喇～所以基本上所有肉類（豬牛雞）
魚／蝦，蔬菜都會到肚。
之前喺酒樓飲茶除咗叉包之外就冇咩點心會食，
而家都會食吓半粒牛肉，酥炸魷魚鬚。
酒樓飲茶通常叫飯同麵佢食
水果就不嬲好鍾意唔使講。

瞓
返學夜晚930會準時叫要瞓教，不過有時都攪吓攪吓十點，
小檬偏細粒，夜晚肯飲奶都繼續比佢，
飲完就刷牙仔，之後就瞓，陪瞓角色通常都係我，
講兩吓故事，講兩吓今日回顧(有時就輪到佢講) 
已經瞓著（講緊係我）佢碌吓碌吓就瞓
或者我會話出去換衫返去就瞓咗。

活動能力
之前喺公園唔敢擒果啲而家大部分都肯玩，
跑跑跳跳絕對冇問題。
單腳跳平衡木都OK，見佢喺學校都有玩
小肌肉發展，扣鈕啦，拉拉鍊，冚蓋都做到
不過就未係好純熟    

自理能力
自己著外套(之前已經識著，不過未係好成功，而家純熟咗)
自己著褲仔(只限橡根款)
自己著襪仔(有時要幫吓手）
自己著鞋
自己孭背囊
自己走入去Vee vee
自己poo poo (有時自己拎小廁板坐上去添)
自己食飯（有時會見到婆婆或者自己頂唔住會餵一兩羹）
簡單啲講，已經算可以攪掂好多野，
有時仲幫吓我手拎野，幫吓照顧妹妹。。yeah~ 

keep 住好聽話，不過都會有自己嘅想法安排
例如唔想沖涼住，想玩多一陣，
我會比5分鐘佢，話比佢知鐘嘅針掂到6字就要去沖，
一掂到6字佢自己就會話要沖涼喇。

有一日表舅父買咗盒新玩具比佢，
果晚再開就會好夜，我話唔好開，初時我其實想讓步，
不過後來知道講咗就要堅持，於是都係唔比開，
不過應承佢第朝一瞓醒就比佢開, 佢好聽話，真係無扭開. 
結果，佢第二朝真係瞓醒食完早餐就問我個玩具，
我亦有將呢件事叫佢自己同舅父母講。等佢知道做得好有其他人讚。

好勝心強，有時見到婆婆幫佢做啲佢識嘅事，
我會話比零分lu，佢會即時刻自己做返

整體嚟講，算乖巧（咪講）
媽媽都唔係機使勞氣話佢，
總結乖嘅時間有90巴仙

好開朗, keep住成日都咁開心！
好錫媽媽爸爸，先日話愛媽媽
因為近排學校教(學費真係抵比！)
好錫妹妹，成日錫佢（不過都會爭吓野玩）
而家會話點解我地咁耐未返？ 

講野有大人語氣。
 一喺房叫"哎呀"佢就會沖入嚟問 
"媽咪要有冇事呀??"
爸爸揸車
" 爸爸呀。。你唔好開咁快啦。
你睇住呀。。。睇實啲車呀！"
(語氣浮誇)

"妹仔，唔係咁樣架嘛"
（唔知幾時開開始識改名）

記性超好（唔通又係媽媽眼中特別叻？）
兩歲幾時。。去探朋友，果個停車場喺大約大半年前都去過一次。
佢一到，就同我講，媽咪記唔記得果次喺呢到買咗本恐龍書呀。。。
我O哂咀，因為我唔係太記得，跟住小檬話，
呢。。之後返屋企接妹妹去探Linda個妹妹嘅呢 (要佢提返我)
又好似係喎。。
每星期我地都同唔同朋友親戚食飯，
佢都記得邊個打邊個，咩衫／禮物／玩具係邊個送。
幾時邊個做咗啲咩

認路好叻
經過迴旋處，問係咪婆婆拜年（應該係拜神）果到，
仲要係到咗迴旋處之後，仲有大直路上斜先到，
佢咁都認得果個位。

不過有時又諗我地大人都認到，都記到。
佢記到認到唔出奇，只不過我依然覺得佢係BB咁，
以為佢未有大人嘅能力啫

生活照

擒高擒低冇問題，
係媽媽驚啲大哥哥追追跑跑撞到我

最愛始終sir滑樓

蛇仔明大架光臨

終於肯玩鞦韆喇。

媽咪癡吓坐先

學校果時啱啱教春天，就去公園賞花

睇草

搣紙比較差，喺屋企練習吓

搓成紙波玩

件miki house太細喇，

未去日本前摷咗呢件雞仔雨衣頂住先

我書僮嘅咭片 ~ 型

乖乖自己到功課，因為啲功課好好玩
(下年應該冇咁簡單)

熊貓

大家食咩呀~呀 呀

拆利是後比佢自己揀一份玩具,

自己入舖頭同店員哥哥買，好成功～

幾時都咁愛公園

tea～buffet 

舅父係我好朋友～ 成日同我玩

其實係舅父好鍾意玩 

而家用手掩住口笑，好攪笑

小檬繼續加油～

下次報告要再食多啲野，咩都食架喇！