小檬N班 Sports Day

小檬放復活節長假之前嘅一日，學校舉行咗運動日。

上午唔需要返學，婆婆同佢食好lunch換好衫

就嚟接媽咪放半晝。

到咗運動場附近泊好車，到我同爸爸食晏，

之後就慢慢行去運動場。

運動日服飾係冬季運動裝，不過果日天氣都好熱，

我帶定短袖運動衫，淨換件上衫，繼續著返長褲

（好在醒目有帶，唔係實出哂汗）

而爸爸媽媽都有dressing code架，學校有4間分校，

用唔同顏色代表，我地間就係紅色！

於是我同小檬爸爸就著住唔知幾耐都冇著嘅紅色衫出場喇！

全個衣櫃都冇件紅色衫嘅我地，

我就走去買一件，爸爸就得契仔爸爸公司資助，
唔使買..yeah

媽咪知道唔使買衫比爸爸，幾開心～

梗係啦，小檬爸爸呢件紅色衫係唔會翻著架！

諗到運動日都有可能要從看台影落去影小檬，

我啲器材邊有可能吖。。於是向舅父借。。。

舅父一句，你邊夠力揸機吖？？？ 

係喎 =____=

咁啱運動場喺佢公司附近，又咁啱佢返嘅時間係4點，

我地運動日4:30完， 佢可以先到運動場影兩個鐘，

於是佢就成為是次運動日嘅攝影師喇！！又yeah!! 

 出場喇！！

小朋友先集合好，一班班排好，一齊唱校歌

雖然有舅父嘅相機，不過都影唔到小檬。

因為佢排第四，而周圍嘅同學仔都高過佢圍住咗

 

唱完歌之後，家長們就可以接返小朋友，

個個家長都好開心攬住啲小朋友，

我地都一樣，喺草地到度搵返佢，

好開心攬住，讚佢。。。 

情況就好似選完港姐啲父母去祝賀啲佳麗一樣，

不過其實啲小朋友咩都冇做過 =_______=

而我地亦20分鐘之前先一齊行入嚟...wakaka

我地做父母嘅真係零捨跨張 

未係父母嘅，真係未必會明白我地呢種感受！

大家紛紛家庭合照 

而家已經咁，第時畢業都唔知點算

小檬攞牌呀～ 

其實個個小朋友都有  haha

可能太多自己啲同學仔喺到，

小檬唔係好聚財。。。

竟然～真係大個仔喇

左哨

右哨 


R手指

帶咗頂帽又唔識郁咁 

 媽咪攬住就安心哂

都有見到小檬其他的同學仔，佢地未係好識自己傾計，

不過講起野上嚟都一人一句, 好得意

每日一張遊戲票，學校安排咗一啲遊戲比小朋友同父母一齊玩。

遊戲開始喇。。第一個係傳波波。

好明顯舅父迷戀我（講笑）

如果唔係點解鏡頭唔對住小檬，而對住我？？

終於影返主角

跟住第二個就係運送形狀貼 

jump ~ 

再jump

婆婆都有嚟呀。。。見看台都冇人數限制，

就叫埋婆婆嚟湊吓熱鬧。

婆婆都好乖，著返紅色衫

第三個遊戲，hot potato 

運送薯仔到目的地。

中途跌咗呀。。其實都幾重。

自己跑步

運花花

親子跑步

呢日各分校嘅老師都好用心安排每一個遊戲，
遊戲時間亦會鼓勵小朋友加油，完成亦稱讚小朋友，
充分感受到他們的熱誠。

爸爸都有參加家長老師跑步接力賽。

不過可能太多家長參加喇，抽唔到佢！

如果時間同地點唔夾，我地都冇呢啲靚相

多謝舅父!!