Cake Smash 背後

好耐之前同NT哥哥講好要同妹妹豬影cake smash。

本來諗住喺草地影，唔使錢book，

要改時間冇問題，不過妹妹生日嘅時間係寒冬，

而我又覺得要著少啲先好睇 ，outdoor 實在冇可能

於是不如試吓studio。

雖然NT哥哥鍾意影outdoor，不過佢咁nice又咁全能，

有咩難到佢吖！

時間喇。。夾左好耐都夾唔到，

果排又過年多節目，星期六日NT哥哥又爆哂。。

終於有日要去小檬學校觀貨，

於是順便請埋下晝假，趁weekday影

book咗studio就即刻拍左之前放入購物車嘅白色裙仔，

仲有party dress，之前睇中咗好耐諗住買先話冇佢碼，

結果又再揀過款，淨係呢part都纏擾咗我幾晚（需知我每晚得好少時間）

終於都叫攪掂哂妹妹啲outfit

白色紗裙仔rmb39/ 杏色閃閃裙 rmb89/ 皇冠仔 all from TB

日本返嚟之後三日就cake smash，

我地三個配角就返嚟先算！

好在之前淘妹妹的都準時收到～又啱身又靚！！

 如果唔係要再搵衫我就頭痕。

至於我就新C坑，著咗喺日本買嘅衫，

諗起前幾日喺公司附近買嘅紗裙，都襯到吖

襯返個studio，小檬都應該要elegant啲，

趁件西裝縷仔仲啱著就著多幾次！

求其襯件灰色字TEE就變得smart casual啦！

爸爸。。。um。。。er。。。我冇理過佢，

都係著返佢平時果啲襯衫啦！

除左個蛋糕，其他啲道具一概欠奉！

冇時間準備

喺小檬學校返屋企接妹妹，食完lunch 買埋蛋糕就上去。

妹妹好醒，爭取時間瞓咗！ 

Studio好靚

  

我地放好哂啲行裝，NT哥哥睇吓點影

道具部就幫手安排

小檬就周圍走，又驚佢撞到，又驚佢整冧哂啲野。

setup好喇。。請咗小檬試位

所以出左張好chok嘅莫公子

（冇錯，影得咁好都係試嘅！）

將蛋糕放好晒等妹妹埋位喇！

妹妹應該識聽，所以就起咗身。

爭取時間，快啲幫佢換衫就嚟。。。。

一開始我就抱住佢坐，跟住佢先肯坐，慢慢移動。。。

大家都為咗妹妹豬呢輯相爬咗喺到好耐

佢就比個蛋糕吸引住，試食之後就完全忘我。

食得好開心～ 越食越滋味

所以都影得好順利

換衫 休息

跟住到我地一家果啲呢，

呀莫公子就開始扭喇，事關呢邊廂我地影得咁順利，

冇人攪攪陣係因為爸爸比個架電話小檬睇佢鍾意嘅you tube

所以之後嘅家庭照就出現小檬嬲爆爆嘅情況

好在後來跳床令佢開心返

 

好在Cake Smash 算順利，兩個鐘頭時間啱啱好

走得，又開心哂

最後送上型男與索女

（趁未比人投訴刪除之前大家copy低喇！）

完成埋呢個project之後我正式宣佈

休息！