復活4~南丫島

睇新聞得知假期逼爆長洲，

原本都諗住去嘅我地，

唔係取消唔去喎，而係改去南丫島!!
Wakaka!

其實至在有個地方行吓。

今次小檬有個伴讀書僮一齊去，幫吓手。

我地搭三點船

出發喇。。。 

媽咪同小檬開始玩自拍！妹妹就喺後面扭計

好明顯兩位型男係攪佢唔掂5嘅

小檬搭船好有經驗啦！

呆

妹妹豬可能肚餓，喺船扭計，
唯有比餅乾／橙佢食
（姐姐已經準備好一粒粒）

半個鐘好在都容易過...tks!

是日天朗氣清

伴讀書僮

小檬同佢就friend啦，唔使媽咪拖，要人地拖

太高喇。。好在隻手夠長

去到就搵地方比妹妹開餐

我地都食吓tea先

有人湊住小檬, 媽媽就趁機休息吓！

有個書僮真係好好多

對小朋友好細心架

大家有興趣可以預約

杯野飲太高，自己飲唔到

爸爸同書僮輪流服侍小檬

媽咪袖手旁觀 ..haha

食完繼續行吓 

沿路見到呢間好靚嘅舖頭。。

有人好鍾意呢架車，話影相好喎

（佢嘅世界就係影相！）

有間好似日本嘅貓咪cafe

暴走南丫島

再過條山路就到海灘，呢條山路超級多蚊，啲蚊大隻到呢。。

我抱住妹妹，書僮撥住唔好比啲蚊咬妹妹。(書僮真係100分)
爸爸就抱住小檬走快啲

幾經辛苦先行完呢段路到沙灘。。
好舒服呀～

已經黃昏

技癢

原本應該行到另一邊嘅 但仲要50mins，
如果再行，應該要差不多7點幾先到，到時天都黑又多蚊，
於是我決定折返(明智)
沿路返出去搵飯食。
之前一日先食完海鮮，加上兩個大少（係大人果兩位喎）
都唔鍾意剝殼，所以淨係叫左啲蝦，
剝埋比兩位大少。
食完搭船回程妹妹都冇咩扭計

（而家好怕同佢搭車／搭船=___=）

你唔好以為呢日嘅伴讀書僮真係書僮，
其實佢係一個攝影C，仲要係大果隻！

當日好隨意咁都影啲相

以免被偷相，我都加了我blog的水印，
不過攝影係佢～ NT

呢張相好明顯focus錯咗，借我仔女為名。  

tks for the photo ~ NT
http://www.iniley.com/