11.04.2014

小檬家長日

上星期請咗半日假,到小檬學校出席家長日。
時間1:30~1:45,入到學校課室門口等咗大約5分鐘就到我地。

首先見班主任,佢話小檬都好服從老師嘅說話,
不過比較被動,唔多出聲(好難相信)
有啲怕老師(我相信呢個好正常,我細個都怕)
老師話好少聽到佢講野,不過當茶點時,
就同對面個小朋友傾唔停(呢個男仔同我地一齊上校車)
兩個傾到唔記得咗食 =____=
老師都估唔到原來佢咁多野講!

兩腳跳就淨係識原地喎 (冇理由架,喺屋企公園成日跳架?!)
排住出嚟唱歌好似怕醜啲,唔係好肯唱
除咗呢啲其他都好好,各樣發展都唔錯
話佢介片到算快 (不過都有一次喺學校失手,要去換褲)

到英文老師喇,佢話小檬都大部分明白佢講咩,
唔明嘅時候大家用body language都搭夠,所以溝通冇咩問題,
老師都有讚佢上堂好留心,唔會兩頭望。
對於由細我地都同佢講廣東話嘅小檬嚟講,
用咗兩個月時間就可以叫做溝通到(雖然老師同佢講居多)
我都好開心架喇。
可能又有埋姐姐啦,而家佢自己識轉channel 同姐姐用英文溝通。





見完第一家長,整體嚟講都好滿意,
起碼唔會比人投訴打人,爭玩具玩....我最驚喺咁 haha
成績其次, 最重要係鍾意學校生活,同其他小朋友相處得開心,
養成良好嘅學習態度,見到佢有進步,
開開心心遊戲中學習, 我就心滿意足!!

小檬 繼續努力!!

6 則留言:

  1. 傾偈傾到唔記得食野?!

    回覆刪除
  2. 你呢間學校真係好好, 咁主動同家長溝通小朋友個進度

    回覆刪除
    回覆
    1. 係呀。。佢地好著重家校溝通

      刪除
  3. 掛住傾計唔食野XDDDDD笑死ee啦~~!!!!

    回覆刪除