搭lift驚魂

今朝如常同小檬等lift落樓返學，有架"叮"一聲

大家都以為有lift，完來係另一家嘅姐姐返嚟，部lift係上嘅，

於是我地就同姐姐打招呼，小檬叫姐姐。。。

正當我地個頭都係望住姐姐之際，

小檬就自己行入部lift到，而架lift 亦啱啱係時候關門，

我同婆婆飛撲埋去推住兩邊，好在媽咪係快手快腳型，

如果佢爸爸，恐怕十秒後先識郁到隻腳

小檬就變三明治！

又或者如果佢行早多一步而我地又唔為意嘅時候，

就自己喺裡面！

雖然驚魂未定，不過都快啲教育小檬，

媽咪： 記住如果大人未入lift, 可唔可以入去呀？
小檬： 唔可以
媽咪： 咁如果唔小心入咗去，要按咩野呀？
小檬： L9 （L9係會所同遊樂場）=____="
媽咪：唔係，係L1，之後坐喺sofa同搵看更姐姐EE，等媽咪，知唔知道？
小檬：知道

不過媽咪唔會比呢個情況再出現！

真係嚇C媽咪～