陽光笑容新一代

其實自第一隻牙仔出嚟之後，就應該養成刷牙仔嘅習慣

可惜，小檬唔鍾意，又唔肯，加上媽咪懶，所以就由得佢。。

開始返學之後都有早晚同佢刷牙，不過佢都係唔肯，

買咗隻mickey牙刷，都係唔多願意，每次都要角力，

本來物式緊小朋友用嘅牙膏都停落嚟。

上星期學校配合衛生署個『陽光笑容新一代 2014-15』計劃, 

派咗本牙齒書仔「學生護齒記錄手冊」

目標 

1. 培養孩子每天起床、睡前用含氟化物兒童牙膏刷牙 

2. 促進家長或家中成年人每晚替孩子補刷牙齒 

3. 減少吃喝次數，培養孩子在上午最多只吃一次茶點

及下午最多只吃一次茶點，養成有規律的飲食習慣 

 在呢本書仔到記錄低刷牙習慣, 

每個星期完成就撕下記錄紙交比老師，在龍虎榜上蓋印給達標的學生。

計劃完成後，老師將根據龍虎榜上的成績，頒發獎狀給學生以示獎勵, 

仲派左隻愛牙守護戰 2卡通光碟一齊睇吓點刷牙仔!

好喇~ 

終於都係學校出手先迫到媽媽同呀仔！

牙刷唔可以挑起佢嘅刷牙有趣，

唯有睇吓有冇牙膏幫到手啦

(我細個都好鍾意果隻獅子果味牙膏架！)

冇上網搵料喇，去到一田，睇吓有邊隻啦，

終於我揀到呢隻!

 佢話食得安全，我就試哂咁多隻味道, 

我揀咗最似嘅提子味。

為免買到返屋企用家唔肯用，都係問吓佢意見先，

好認真，真係要問咗佢先買，而家真係要尊重佢嘅意見！

 叫佢試通常都會話唔好，我就自己試完話，好味呀（食神feel果隻），

跟住叫爸爸試，回應好之後，佢就會好肯試，

OK,   pass!!

小檬鍾意就買得。

呢晚新C坑，好鍾意隻味

上刷刷

下刷刷

愛護牙齒早晚刷

唧完又唧

後來仲叫我比佢食添=___=

第二晚啱啱瞓落床仲自己跑返出嚟話

"我唔記得咗刷牙添！"

總算成功踏出第一步！！