自從愛上食壽司之後，都多咗同佢食，
佢可以食到好多，唔會停！ 佢真係好鍾意壽司。
我開始鍾意之前果啲好有創意嘅燒味壽司，
或者我要自創豬肉壽司／牛肉壽司／雞肉壽司/蔬菜壽司
湯一啖起，兩啖止。水／生果仍舊大愛。
屋企食都Ok算係咁。自己食一時時叻（除壽司外）
有時會食好耐，有時我都頂唔住情餵佢。
食野唔識烏前食，都係食得好論盡
（反而妹妹好叻，識烏前，可能驚秩左啲食物冇得食。。。哈哈）
跑跑跳跳冇難度，喺屋企都有時跳上sofa
（三歲半先嚟跳sofa！最驚妹妹豬跟住做）
著衫冇咩意見，都係我話事，有時都會扭要著某對鞋。
好鍾意畫畫，自己創作lego，
有日瞓晏教冇著片vee濕咗，未ready，
所以夜片仍然未開始介
睇完玩具都係繼續話"下次買比我吖" ~
或者"遲啲買咗新屋先買比我吖"
好少會話而家買，
有時都會想買，我會比佢買樣好細平嘅。
我話如果買太多媽咪就冇錢買奶粉比妹妹，
佢會話唔想妹妹冇奶飲。
有時好味嘅都會叫我試吓
不過嘅唔想食或者唔好食都會叫"媽媽你食吖"
呢兩個月曳左啲，叫佢食飯，一陣先，叫佢沖涼，一陣先，
到除哂衫都可以話唔沖。
煮好晒野食話唔食住，玩多一陣先。。。
要出街時候又話玩多一陣唔肯換衫。
話多兩句又大喊。。。其實係好小事！！
沈寂咗一排嘅獎勵貼紙又要出動返。
好似喺商場話要影啲公仔，自己又話唔影住，
我話唔影就行開，比其他小朋友影，
我話行開左就要再排過，冇得影住
（我要佢知道呢個世界唔係就哂佢）
佢又唔肯，跟住又喊。。都唔知喊咩！
解釋多次之後又冇話再影喇
喺吉吉島幫妹妹買片片，我地話買完先行果邊，
又喺C都唔制，我話咁要自己去好冇（當然唔會）
又話唔好，講多兩講又爆喊。。。
我比佢地冷靜落嚟，慢慢就收聲,
又好似冇事發生咁=___=
星期日晚同佢地契媽返咗我地屋企食外賣，
契媽同佢玩緊puzzle，同我地講多兩句子分咗心，
之後佢同我地講"收聲"
佢其實想叫我地唔好傾住，同佢玩
我同佢解釋佢唔啱，因為咁講係好冇禮貌嘅，
佢就喊，跟住自己呢埋發脾氣，我又解釋佢點解做錯，
過咗一陣就自己同我／爸爸同契媽講sorry。
又唔硬頸得哂
三歲幾好有自己主見，有時唔服從，
我而家會比佢自己揀，同一時間會話佢知後果係咩。
trouble 3真係幾trouble
不過我成日都同自己講，
小檬都算係咁喇。。希望自己唔會太激氣
窩心事
好錫妹妹婆婆話妹妹都叫"唔好咁大聲話佢啦"
婆婆打吓佢手仔就話"你唔好打妹妹啦"
妹妹開唔到，會話"哥哥幫你開好冇？" 冧冧語氣喎
如果聽歌會話妹妹聽完到哥哥。
媽媽扮整親會埋嚟問媽咪有冇事呀？
加多句 I love you。
繼續好錫妹妹
臨出門口我同小檬講我帶妹妹去打針針，
"吓？佢咁細個，會喊果喎"
喺屋企成日話"唔知妹妹打針會唔會喊呢？"
朋友嚟我地屋企之後走，送朋友走，
小檬好緊張拉住妹妹，話
"唔好帶佢走，妹妹係我地屋企嘅"
有時妹妹曳，婆婆話打妹妹
小檬會話"唔好打佢啦" 或者" 唔好咁大聲話佢呀!!"
玩捉迷藏
媽咪你搵我吖
(可以教我點先可以揾佢唔到？)
多左個錫我嘅契媽
都係捉迷藏
之前喺嘉年華影咗張相比雜誌編輯見到，
問準我之後做咗海報。雜誌／7-11都有
當朋友喺地鐵見到我就想帶佢去影張相留念
點知追左好多班地鐵都冇！！
唯有keep雜誌
同爸爸拍拖
探朋友
爸爸暑假帶我睇咗三套戲
唔好話比媽咪知。。。
佢一套都冇份睇呀
第一日返學好乖，爸爸媽媽帶我食tea～
繼續自創積木
乖乖畫畫
三歲半，都有啲禮物，表舅父喺加拿大返黎，
又去完日本，梗係禮物比我同妹妹
新cap帽
新jordan，著咗一次～
新t shirt,哈哈，好薯仔呀
同學仔聚會，這就是我最好朋友的女同學
they are so sweet~
入超級市場
第一時間去睇媽咪最鍾意嘅奶茶雪糕
