媽媽放暑假＠Day 1

小檬的暑假只有4個星期，

今年年頭已經出了門，所以都只會留喺香港玩。

於是媽媽就乘機攞咗三日大假，

陪陪小檬放暑假~ 

@ Day 1

第一個節目就係寄信，咁啱有信要寄

食完早餐之後就去郵政局寄信

雖然唔係好夠高

不過都好努力攞郵票

貼郵票

完成

入郵箱

自己寄信完成

跟住就去商場嘅吹氣嘉年華, 妹妹nap緊，媽媽先帶佢玩。。

長滑梯

彈床

木搭森林

以上呢啲全部冇玩

買票前已經帶小檬看過所有遊戲，

我覺特好玩嘅船仔／大型滑梯一概話唔玩！！！ （驚）

於是就係只咗買10張套票，絕對幫媽媽慳家～

佢只有興趣呢個"R"泥車，

（小檬自己作的名,我想因為好似R痕咁）

全個操作過程由哥哥幫手指導

其實都唔簡單，又左右，又前後。

小檬一個根本唔會識自己玩。

結果就係哥哥指示佢跟著步驟

不過小檬也玩得好投入～

妹妹就冇咩可以玩, 如果有，我相信佢喺咩都要玩嘅

仲有啲金幣淨，小檬揀咗呢個彈床玩，

妹妹見到人地除鞋仔，自己又要除埋一份

冇得玩, 妹妹只可以喺出面睇, 你睇佢嘅肉緊

哥哥個樣仲咁風騷

想激C妹妹咩～

最後玩埋呢個沙池

其實只係小檬玩

不過姐姐可能見冇咩人，妹妹咁細唔識玩，

只係掂吓掂吓

就冇話佢，比佢繼續玩

最後比妹妹玩埋呢個麵包超人

玩完呢個場又趕返屋企夾小檬nap，

一個鐘左右就落樓下學跆拳道

套衫好似fit咗啲

我嘅小檬呀~媽媽嘅寶寶
（媽媽突然變成BB mode)

做完熱身之後，

小檬被安排同呢位"有啲高大有啲大隻"嘅哥哥做對手。。哈哈哈

情況就好似大雄同胖虎～
不過小檬一啲都唔驚，其實係唔識驚

Oosh~

學完之後，換好衫就出去同啲舊同事食飯

本來諗住淨係自己出，不過啲舊同事想見吓啲小朋友，

於是就帶埋小朋友，仲有個六歲姐姐一齊玩。

妹妹豬超級熱情，又係捉住姐姐玩，

舊同事相識好多年，我就由初入行嘅𡃁妹仔到而家兩子之母，

時間過得真係快！！

小朋友就自己玩，

大家講返工作時趣事

玩吓講吓又過咗一個晚上~