妹妹豬歲半喇~

妹妹豬歲半喇~ 

真係眨吓眼~ 

食

非常OK，好鍾意食野，好快肚餓，不停食，

抱慣小檬再抱妹妹豬真係發覺重啲。

食野唔要細份，分麵包一定要份大嘅，

細份會唔要。

朝早食完奶，11點幾就食早飯，之後瞓教，

唔知道可唔可將啲時間延遲少少，哥哥返咗學先食，

等婆婆同姐姐可以攪掂哥哥先呢？

生果／湯水／肉類／魚都好鍾意，基本上係食嘅都冇問題，

不過好奇怪，妹妹唔可以食香蕉，

一食咀仔附近就會起紅色粒粒。

瞓

朝早好準時八點左右起身，中午瞓一教, 就到夜晚瞓，

九點半左右就會眼瞓，自己行去同姐姐講奶奶，

有時拎個枕頭仔出嚟撲喺地墊瞓，

姐姐沖好奶就拖住姐姐同我地講bye bye/good night

一教瞓到大天光，媽咪有教好瞓。

講野已經可以一個字一個字跟住，

同佢數得多，一話數123，

就會"uak 衣嶄"（全部高音)

見到電梯會話"噤"

見到食物包裝袋會話"搣"

電視見到四個小生去旅行，會"叫婆婆"

見到frozen/disney廣告會叫"哥哥"

好鍾意我啲一支支護膚品，見到我用護膚品會話"抹抹"成日要搽

呢兩日好鍾意去街，先日自己著鞋，跟住叫bag，

有日自己著哂鞋孭哂袋

唯有叫爸爸同佢落大堂攞信

點知返到屋企門口唔夠喉唔肯入要扯返出去

認啲朋友親戚，記佢地啲名都算叻

好熱情，好鍾意同啲小朋友玩。好鍾意BB，

無論大過自己細個自己嘅都叫BB

 比較起哥哥，妹妹豬容易啲扭計，

一唔啱心水就會扭。。喺屋企有時會趴地(喺街就冇，咪講)

基本上聽得面哂我地講嘅說話。

陌生朋友探我地或者見面，好快就可以一齊玩

warm up 好快。

有得玩完全可以唔黐我地。

朋友抱佢去仲可以bye bye我地～

屋企個個都跟，好平均。

女仔天性鍾意扮靚，一攞衫衫就話靚靚／紮辮仔好乖會坐定定

（比盒夾同橡筋佢玩就得）

紮完就要去照鏡。

喺車會播迪士尼歌聽，

聽得多而家識跟住唱最尾果幾隻字。

自己唱完會叫爸爸唱，媽媽唱，哥哥唱。

聽到歌會自己搖頭／身體擺動好有節奏感（相對哥哥係唔會郁嘅）

行得都算穩，鍾意上落樓梯。去街都鍾意自己行，

不過眼瞓累就會攬住我，就要抱

之前小檬哥哥嘅BB玩具，相對妹妹係少玩咗，

因為已經有哥哥啲玩具。

呢排攞返啲入形狀／手抓板要準備吓

遲啲嘅interview都要做到

（係，好快又嚟，我唔係好想面對）

又係自拍比爸爸系列

影吓尖沙咀碼頭，媽咪話大個可能已經面目全非

 cafe嘆奶

我即刻靚哂！

與混血B妹妹傾下計

一見到大公仔就自己埋位

屋苑識嘅小朋友 

呀妹，我開始要限制你男朋友嘅數量

點解我咁靚？因為成日照鏡囉

落街市買餸，梗係背心短裙啦

有Jordan著

媽媽同事送嘅裙仔，真係好多人錫我架~ 

媽媽好錫我，會比我騎牛牛 

媽咪唔會比電話我，

每次我想攞. 媽媽會話係媽媽嘅。。。

我就會攞返比媽媽，唔會玩

呢日放喺到考我定力！！

我手指仔好痕. 會喺電話周圍郁想掂又唔敢

笑C媽媽

媽媽 陪哥哥開學嘅半天假，返到屋企哥哥nap，

襯天仲光即刻同我落公園玩

媽咪真係好錫我地

我個口開心到未合埋過

   大愛~甜美笑容

見眼唔見眼

我多左個契媽媽，錫到我燶！ 

契媽媽又買新衫~ 型

有條近似嘅裙，媽媽話同我親子裝

（媽媽,你減吓肥先著背心啦

女，我縮得好辛苦架)

女仔梗係鍾意行街買衫第時媽媽多個伴

換條褲仔諗住去公園，點知落雨，唯有行商場！

表舅父買細左對jordan，

哥哥著咗一日就唔啱著，可以比我著喇～

型唔型先？

sleep well my baby~