BMW兒童交通安全城

收到小檬學校媽媽group話有

BMW嘅BMW兒童交通安全城玩

於是就快手報名喇。。。

呢頭揀左日期問吓老公時間得唔得，都未答，

果頭想揀嘅timeslot已經冇哂=_=

真係一秒也不能遲～

終於confirm到個啱啱我放工時間～

呢日咁啱要學TKD，婆婆同佢學完之後就同埋妹妹即刻上爸爸車，
時間啱啱好嚟接埋我放工！

我地玩嘅時間就係exactly我放工時間，加埋放工時間喺TST塞車，
連埋要早15分鐘去報到，我地大大話話遲咗半個鐘！！！！
我同小檬先落車跑去登記，氣都喘哂去到，
職員話你要玩遲一個session喎。。。
梗係冇問題啦。。有得玩就得！


小朋友首先要上堂學吓交通規則，上咗大約5分鐘


小檬首先做路人甲，由姐姐帶住啲小朋友一齊過馬路


紅燈唔過得，綠燈先過得。。。。


由一歲開始講到而家，我諗小檬應該倒轉都識背。
跟住到小檬玩車車喇

哈哈，佢好慢呀。。。唔知係咪小練習呢~

個個小朋友都爬過佢頭玩咗一兩圈之後，就聽到火警鐘響，
小朋友當然唔知咩事繼續。
職員就開始聯絡管理處，問問情況。
之後就通知我地由於有火警鐘響未知咩事，
基於安全理由，於是要暫停。

其實當時商場所有人好似聽唔到個鐘響咁，一切正常咁。
如果有火警梗係走啦，不過見到商場啲職員揸住啲對講機話好似係誤鳴，
於是我地接返小檬之後，就行開影吓相先
（其他人都係漠視個警鐘）






爸爸個勢就想走，我就話要問吓啲職員點安排，
爸爸話佢地都拎袋走喇。。仲有得點安排喎, 
問下都好吖! 咁辛苦趕到去，
我問職員有冇得補返定點安排，
佢地都未知，於是我留電話，佢地有消息就打比我。

行開唔夠三分鐘，警鐘就停咗，職員就打比我話而家可以返去再玩～
好在有留電話咋～如果比檬爸應該走咗去算

小檬第二輪揀咗銀色車。




呢到嘅哥哥行開咗，小檬都識得停～叻仔


雖然腳動


不過都玩得好開心


全程只係望住哥哥玩嘅妹妹豬好可憐，
於是差不多完嘅時候我問吓啲姐姐，
妹妹豬可唔可以坐吓啲車車影場相，

有得坐吓車車喇～

兩個一黐埋就好冤氣

同場呢個唔使登記，油顏色

舉牌

妹妹終於舉到, 仲搵條頸幫手

越來越浮誇（滴汗）

終於有張賣廣告相（自願性質）

仲可以玩自拍，見到人頭已經好叻 

like咗FB仲有架車車，好實淨架～

my first BMW~