小檬K1喇~

小檬K1喇～


眨吓眼又開學～
第一日開學日，爸爸媽媽可以陪佢返學，請咗半日假，
返屋企食完午飯就準備出發! 

小檬會話自己大個唔係N班喇，係K1！
不過個口又成日掛住N班，可能佢都好掛住啲老師同同學仔啦，
其實我都好鍾意N班嘅兩位老師，不過升班自然換老師，當然要接受。
同學仔啲感情都好架，出嚟玩過一次，嚟緊都已經約咗再出。
有個同學仔知道小檬轉咗下午冇得一班之後仲眼濕濕添。

開學呢日，我地好準時返到學校，喺門口等入去嘅時候，
見到班主任，我同小檬都好開心，
老師同我地講，今年轉咗教K1，
因為有兩班，唔知會唔會教我地。。

吓？？？？ 係就太好喇。。。
佢話一陣仲有另一個surprise添～～ 吓吓？
唔通我最鍾意嘅NET都跟埋一齊？？？？ 

心情突然緊張起嚟，雖然如果要面對新老師/部分新同學，
我對適應能力超強嘅小檬充信心，
但同時間要適應以英普呢兩種語言教學，
一時間要適應兩樣野，始終有丁點兒擔心。
(其實都唔使擔心吖，相信小檬啦！)

入到課室，普通話老師係我做義工家長時嘅partner，
之前都已經認識，而其他兩位呢..
果然係之前果兩位老師，佢呀媽唔知點解開心到眼濕濕!!
(真係眼淺！媽媽知道有信得過嘅人照顧仔仔，係會咁架喇)
好囉好囉~
有佢地兩個睇住小檬，我真係好放心。

今日分批上堂，小檬一返到去搵返自己學號掛書包


學號同坐位都唔同咗，不過好快自己就搵到


坐低埋玩住玩具先.平時返到課室都係咁


一啲陌生感覺都冇


眼見有個小朋友可能新入校，
仲黐住爸爸媽媽喊，相對小檬就好淡定（雖然人仔細粒）

老師同父母講解一吓書本功課之後，就開始普通話堂，
書包／毛巾／杯子。。日常用品，
老師用普通話講完之後，
小朋友又講一次，好快就記得哂！
小檬N班都已經有上普通話，所以都已經明白啲指示。

好快就食茶點. 小檬自己去拎書包，


自己打開，攞杯同毛巾。


跟住自己出去攞茶點

食完就自己放好杯抹咀仔

等排隊Vee Vee，全部舊生都好自律，唔使老師叫。

上英文老師story time
之前唔肯舉手嘅佢，呢日都有舉

媽咪見到好感動

（太誇張了吧）

唱埋goodbye song就放學喇！
小檬全程都好開心

K1仔～

 要繼續加油！！

媽咪會永遠支持你架！Love you~