妹妹豬扁咀咀

小朋友嘅成長真係好快

眨吓眼而家妹妹豬已經知道咩係做錯事，

居然會扁咀仔。

有我FB嘅朋友可能睇過，

不過呢個妹妹豬嘅成長點滴一定要在此紀錄～

有晚食完飯同妹妹豬玩，佢瞓咗喺sofa撐到我，

於是我話佢撐到我唔啱，教佢同我講sorry

初頭以為佢唔知道我講咩，仲諗住要慢慢教，

點知個咀仔好快就扁哂，跟住個樣好委屈咁！ 

我掛住笑，變左叫佢同爸爸講sorry，佢爸爸一見佢咁，

連自己姓咩都應該唔記得，即刻呵返佢～

跟住我就睇返段片，妹妹豬企喺我隔離，

一聽到話sorry個樣又開始變。。。即刻又錄低佢先

越睇個咀越扁，個樣越委屈，超級慘！ 

我真係忍唔住笑。。。妹妹豬施展佢嘅o爹功～

佢爸爸今次連老婆係邊個都唔知喇。。

即刻攬住個寶貝女啦！！

我從此地位不保..嗚嗚嗚！