半天假~ 妹妹豬打針針+ 送小檬上校車

今朝同妹妹豬去健康院打針針

媽咪幫我著咗牛仔裙襯Jordan，仲有對波點襪
用個袋仔highlight一吓

好準時到，好快就磅重，
數字好好意頭，8.88kgs，大約20磅，
比我想像中輕，護士話可能我地兩個骨架都唔係大，

所以都係精緻啲（呢個terms好大體！）

要等梗係自拍啦，而家自拍會笑

發展評估冇問題啦，護士講要識嘅全部已經做到。

仲讚佢乖乖坐喺媽咪大脾添～

又係叫我改用杯食奶，

唉。。。其實夜晚臨瞓揸住奶樽啜應該好疏干至係，

佢話會食得少啲喎，用哂啲力啜，

哥哥都未介用奶樽，都係瞓喺到啜，咁今晚試吓用杯飲啦！ 

如圖~ 
等候防疫注射

好快就叫名打針針喇
一歲時都好似任你舞，

歲半要夾住佢好似好難，
好彩姑娘腰間有隻三眼匙扣

比佢睇吓分吓心，姑娘話得喇！

吓？ 未喊喎？！ 
邊個話BB打針一定喊架？
打完真係叫一聲都冇，無聲無色～

妹妹豬真係好叻呀～ 
姑娘手勢都應記一功

唔係扁咀，只係食緊餅餅

原本準備好啲餅等佢喊果時食，

而家變先獎勵餅餅！

今次超級快手完成，媽咪個心都飛緊返去小檬哥哥到，

因為可以趕到送小檬上校車呀！

妹妹搭車已經瞓著，就湊佢返屋企瞓教教豬。

呢日婆婆冇煮飯，落咗樓吓食。

小檬見到我不知幾開心

K1第一次送小檬上校車～

1

2

3

咁難得影多幾張

以前每日都做嘅事情，
而家變得難得，要紀錄低

上返黎仲餵到妹妹食粉粉添（其實佢自己食！）

半天假，

陪到兩隻豬仔，在職媽媽的快樂～