媽媽放暑假＠Day 3 ~ 執玩具 & TST

本來一早plan咗呢日去長洲，不過到放假第三日，

個人已經有啲立，加上作打風前嘅天氣局到好似乎透唔到氣咁，

真係驚熱到頂唔住。

於是朝早留喺屋企執吓間屋先，基本上，屋係冇咩話會執完，

不過今次好徹底咁扔緊啲野。。。

執屋最緊要就執玩具, 而執玩具最大嘅敵人就係小朋友!!

佢地會放低手上，不停咁玩你執出嚟佢原本已經唔係好玩嘅玩具。

仲要係執一樣，玩一樣。連妹妹自己唔玩嘅玩具，

佢都繼續咁玩。瘦田冇人爭，呢個又要果個又要。。。

你都唔知調停好吖。。定繼續執唔好理佢地。

佢地執返啲玩具出嚟嘅速度係以倍數遞增，

你永遠唔會夠佢地快。

你睇, 佢地完全可以演繹到我希望佢地大時可以做到嘅

逆境自強，

遇到咩都要處之泰然！

無論喺咩環境底吓都要堅持自己，

唔好受外界影響~ 

繼續玩玩具

執到咁上吓，又諗吓自己請咗大假weekday條街冇咁多人先哩喺屋企，

唔出去好似唔安樂, 心理好似乎唔係好平衡

於是等妹妹豬瞓醒我地就出咗去。

小檬又喺架車瞓著，今次到我同妹妹行住先～

走咗去搵Wally～ 

where is mami ?  

太陽令到佢咪咪眼。。性感迷人

傻妹見到隻狗仔好開心。

大海呀～ 

開得餅餅未？

再行吓哥哥就起身喇。

行到見到間平日冇可能book到嘅中菜(成日擺酒)

啱啱開門，於是唔理，嚟個early dinner

喺街食得麻麻嘅小檬，食到成碗飯已經算贏！

小檬見到一個就扮一個。

食飯時間，間書局真係冇咩人。。

可以靜靜地睇吓圖書

媽媽講故事真係好好笑。。。

（但我講緊正經野喎）

妹妹行浮誇路線

小檬就要同朋友仔一齊睇書

書局超凍，應該等你唔使打咁耐書釘。

離開書局，食吓雪糕

妹妹豬食雪糕就好豪邁。。哥哥就斯文好多。

點解哥哥你杯大過我杯咁多嘅？

見到商場另一啲wally裝飾

扮Wally 

跟住見到隻狗仔就話

  " 媽咪我扮wally你就扮隻狗啦 "

我已經扮踎喺到，佢仲要話，唔係咁，係爬喺到呀。

終於我話媽咪唔識扮，叫佢扮返。。哈哈

邊個最似？

食完玩完歸家去~