8.16.2015

小檬K1~開學第二日

原先有諗過請假同婆婆run一次返學時間流程,
後來都係等老公陪,我就慳返日假。

好在暑假已經變成夜瞓,
第二日朝,都瞓晏啲啲, 瞓到9點幾,食
之前返學係7點至7點半起身。
少少早餐,玩吓,婆婆就準備午餐,
預成個鐘食午飯換衫,應該好鬆動,
有朋友教再穩陣呢就著左校服先食飯。
情願再加套圍裙喺面,因為有時叫佢換衫都呢樣果樣。
我見佢地都係咁做,
爸爸話換衫食lunch出門口一切順利。

爸爸同婆婆帶佢落去,都有去我例位影張相同我交差。

不過冇我引佢笑

或者變笑成咁。。。

學車叔叔同EE都冇變,不過啲同學仔就唔同哂啦。

自己上車坐好,一樣笑得咁開心!! 
你睇見到佢,其實湊佢嘅我地都好開心

呢日放學時間正常,婆婆爸爸接,
初時以為佢放學已經會喺校車瞓咗,點知仲好精神,未眼瞓

仲去埋學畫畫,等到我放工返屋企一齊食飯
我feel到佢有少少眼瞓,不過仲頂到,沖埋涼,
再玩學校新派嘅遊戲咭都未眼瞓。

我坐喺地下,因為小檬安排我做學生
最後瞓覺時間居然係10點幾,
成日未瞓過喎。。。

小朋友適應能力真係超強!

9 則留言:

  1. O仔九月一日都開始「上堂」,又是下午班,我都希望佢同小檬一樣好快適應到!

    回覆刪除
    回覆
    1. O仔可能真係要比啲時間,因為佢要瞓多啲,加油呀

      刪除
  2. 其實佢哋宜家大個仔,唔瞓晏覺都頂得住,而且夜晚一落床就瞓唔使勞氣添,宜家我如果傍晚時間有嘢做,間中都會唔畀燒腩仔瞓晏覺,廢事瞓一陣叫醒佢又發晒脾氣咁,不過佢到六點幾七點仲係會有段扭眼瞓時間,失晒理智咁搵嘢來嘈,但忍三個字至半個鐘又會好神奇咁正常返

    回覆刪除
    回覆
    1. 扭緊眼瞓嘅小朋友真係唔講得少
      (不過小檬同妹妹都好少。。。sorry sorry =p)

      刪除
  3. 佢地宜家有得玩可以頂得住唔訓晏覺架啦...小檬咁快就已經適應到下午班嘅時間...叻叻~

    回覆刪除
    回覆
    1. 都係,全日好似瞓少左好多。

      刪除
  4. 放左學仲可以學埋畫畫之後仲未洗訓, 好叻仔~~~

    回覆刪除
  5. 小檬咁勁,第二日返下午班已經適應左,冇得瞓都冇詐型!

    回覆刪除