剪髮前傳

其實喺呢次剪髮之前喺屋企對面到剪左一次

呢間髮型屋成日行過好多玩具睇，我諗喺店主自己收藏。

見佢有啲玩具比小朋友一路玩住剪，佢啲頭髮又長，又冇時間出去，咪試吓囉

冇人，好快開始。

係個婆婆級嘅女人剪, 佢問我點剪，

我話keep返個形，喺咁意剪短少少就得。

小檬都喊緊話唔剪

婆婆唯有好努力同小檬玩前面啲玩具

小檬喊，個EE話你教佢剪頭髮唔使喊吖嘛

（你又知我冇講？我叫佢喊㗎???!!!我已經有少少火）

大家睇唔睇到角落頭嘅頭髮碎？？ 

我就係喺啲頭髮碎裡面拎啲錢幣出嚟比小檬玩

（呀媽真係好偉大呀！！！嗚嗚...）

我真係好不情不願拎啲錢幣比小檬入。。。。。。

我已經有少少火 x 2

跟住我就同佢玩散佢注意力。

點知說時遲那時快 (張相可以證明佢隻手有幾快) 

佢就剷緊小檬後面啲頭髮，可能問，剷有咩咁特別？

因為我一睇佢已經剷到佢一忽忽！！ 

直情係見肉咁滯！！ 

Stop!!!!! 我立刻叫停

我話剷門唔係問題，問題係一忽忽，剷到冇咗，

佢個仔（碌返上上面張相就見到佢個樣）

話我地幾廿歲都唔知咩叫剷青呀？？

我已經有少少火 x 3

我呀媽媽火到嚟埋，我拿拿臨話佢喊哂唔剪喇

後面都叫做遮吓，前面剪埋衰咗真係唔知點算，

雖然頭髮好快長，但我唔想佢有呢個陰影！

(其實係我地會笑佢就真)

都係呀妹姐姐好，肯氹佢又錫佢!!