又出走 ~Macau 1

B be 早上咗出世，所以，產假就變咗後10個星期，

到而家仲有差不多三個多星期先返工，趁有機會又同小檬出走！！

 （B be 唔好嬲媽媽，遲啲會補返數）

唔記得喺邊到見到澳門酒店金沙城中心「體驗夢工場」

有小檬最鍾意嘅Madagascar~荒失失奇兵 嘅公仔，

(小檬好鍾意睇，其實我都幾鍾意，因為啲動物好得意，劇情都好好笑!  )

趁可以用weekday價錢去同唔使咁多人，於是就決定去喇！

我地book咗Sheraton，一晚酒店連一程船飛，

連upgrade同卡通人物食早餐就＄948/person。

相比weekend啲價錢真係差好遠

酒店喺氹仔，所以揸車放中港城，就搭金光空航，

原來過咗一歲已經要小童船飛，

初頭小檬上船坐定咗都叫落地，不過好在比啲玩具一陣已經眼瞓！ 
好快到落船，一家大細一齊過關,

點知爸爸張ID咭其中一隻角崩咗，海關話有權唔比佢入境。。。

吓，當時我淨喺諗單拖咁仲去唔去呀？？
 好在後來請示咗上司話損毀唔算嚴重，都可以！ 

酒店房，都算好大，

有張大床梗係同小檬大字型碌吓床啦

安頓好之後，澳門朋友P哥哥就帶我地去食lunch，

P哥哥係我工作時認識嘅朋友，雖然而家已經冇工作嘅來往，

不過佢同我依然有聯絡

小檬真係親善大使，一見到哥哥就好friend。

我地唔知去邊又唔知食咩，不過都幾好吖，唔使自己plan，

原來呢間安德魯都有野食，唔錯唔錯！

路環一角

雖然天色不太好，但好在冇落雨

本來諗住三點返到酒店睇parade，但係已經趕唔切，唔使驚，

每日都有，可以聽日睇！

於是就周圍行吓，溶咗嘅金蛋，真係好啱強國人嘅口味

到咗4點-7點, (or 12點- 2點)就可以等啲卡通人物出嚟同我地影相，

其實呢part 免費，唔住呢間酒店都可以影。

每15分鐘有一組卡通人物出嚟同大家影相，可能唔係太多強國人識，

所以唔係好多人，未開始時都影吓先

小檬口中嘅bop bop bop，因為戲中呢隻野一出就唱果首歌

綠色叔叔史力加(小檬自己改嘅) 佢一出嚟小檬就驚到彈開七丈遠，

咁我咪行去影啦，點知佢都唔比我去。。。最終都成功行到去，

不過唔係講笑，我行埋去都有啲淆

跟住係功夫熊貓

佢都唔係咁敢，曬哂手話唔好唔好

佢嘅偶像出場喇！！ 叫佢做加加(madagascar)

偶像真係唔同啲，一啲都唔驚

King Julian

加加幾有動感 

返酒店nap一陣之後就有另一對朋友嚟接我地。佢地係我爸爸嘅朋友，

我地一家都好熟架喇。

佢地帶咗我地去遊客少啲去嘅地方食，有車去會方便啲，食葡國菜。

如果坐出面可以對住個海，好正！

呀加加望住就冇得食

返酒店喇。。。一見到啲酒店廣告牌就話一樣呀

如果仲係二人世界，我地可能坐一陣就去食水蟹粥，

不過帶住小檬，節目就係瞓教教豬

瞓教都要攬住呀獅子瞓....zzz zzz