小檬26M喇! (1)

小檬26M喇！

兩歲之後嘅25M skip咗，今日追返先！

食：

佢好多野唔食, 啲淋patpat小朋友最鍾意嘅野，如蒸蛋,豆腐,魚佢就唔鍾意，

之前食得好地地嘅肉同菜，而家又話唔食，

佢鍾意啲有得咬吓嘅食物，最估唔到嘅係稜魚餅，佢超鍾意食，

於是我就叫婆婆將啲肉同紅蘿蔔或粟米放入去一齊整，

等佢不知不覺咁食咗，點知佢能夠scan返啲肉出嚟，

你真係比佢激到你啤一聲！不過有時都好成功,yeah~

佢好鍾意食粉面，所以有時都煮米線,字母公仔粉,烏冬比佢，

將啲肉碎整湯，等佢食烏冬果時都有啲肉到肚，

不過就唔可以大粒，如果唔係佢又會lur返出嚟（真係好煩）

佢都鍾意食白飯，有時佢食咗粉，佢都會嚟搵我地攞飯食。

都試過當煮咗飯比佢嘅時候，佢話要粉粉。或者煮咗粉粉時佢話要飯飯=___=

或者要比啲甜頭佢佢先肯食，例如食一啖菜菜／肉肉先有魚餅食，

其實咁樣唔好，不過冇辦法，難得佢肯食

當然有諗過你唔食就餓佢，佢到時就咩都食，

不過有老人家喺屋企嘅話又點會餓啲小朋友吖

不過好在佢都好鍾意飲鮮奶，所以都會比佢早晚飲。

水水繼續鍾意飲，而家又鍾意自己用杯杯飲，好似好威咁，

雖然都會飲瀉啲啲，不過水就冇問題啦！

 佢飲完仲會話啲係提子味添

之前好鍾意飲嘅湯，就一時時喇。

麵包都係鍾意，不過有時淨係搣咗啲提子乾嚟食

零食都有比但係真係好少好少，雖然佢會冇啦啦話要，不過我都唔想佢食咁多。

薯片，汽水，會話好辣嘅，佢就唔會lur話要,拎比佢都話唔要唔要,

愛極一時嘅檸檬茶話佢知大人飲嘅, 佢就唔會lur話要

不過佢見都爸爸飲可樂就會叫爸爸飲比佢睇, 叫媽媽食薯片比佢睇

自己進食，都算成功嘅，佢都好肯自己畢（梗係當埋玩嘛）

反而係有時我地嫌煩，如果係米線果啲會餵佢，因為會快啲! 

新買嘅巴C圍裙，拎返啲舊嘅比佢佢都唔用，淨係用呢個

總之食呢方面就真係好煩。