6.26.2014

小檬29months喇!!

今日29M喇!! 

準備返工嘅媽媽見到啱啱起身嘅佢,眼仔突然腫哂,
結果媽媽請假同佢睇醫生! 
我諗呢個係苦肉計。。。


食:
食物種類多咗,唔鍾意都係會唔食,不過起碼肯試,
我已經好開心。之前唔食嘅肉肉,而家都食喇,有時都會話唔食(都唔明點解)
不過引誘佢都會肯食落肚。
出街一大碗上海麵都可以差少少自己食哂
之前佢唔係好肯食野,於是婆婆都會出手餵佢,不過我又想佢自己畢多啲。
如果佢自己畢唔食我都會好擔心,好矛盾,不過而家情況應該有改善,
於是唯有叫婆婆盡量比佢自己食啦。

飲水:
已經可以自己用杯杯飲,方便返學之後食茶點。轉杯過程好簡單,
就係等佢知道如果唔揸好飲就會漏,漏濕自己。我諗道理同介片一樣!

瞓:
自從有左巴C床之後,都係自己瞓,
weekday就婆婆瞓下面,放假就自己瞓架喇。
瞓之前都要我同佢講吓故事,睇吓書。有時就要吓婆婆,要吓爸爸,
不過都以我為正選, 佢地係後備.
當果日我冇被點燈,其實內心暗暗高興,
可以出嚟做吓自己野,睇吓B be(再係咁比佢霸住我驚B be唔認得我喇)
不過有時最後都要我入返去收場

由於佢超級反瞓, 平時都有碌落婆婆度,婆婆抱返佢返去瞓佢都唔醒!
冇人喺下格床嘅時候, 就拎啲cushion同被墊住條木邊,
驚佢撞到,反而自己瞓又冇試過自己碌落床!!

自行如廁:
可以話係一半一半啦。。。
poopoo會叫,話要去廁所果到,
佢會自己坐喺到poopoo. 都算成功嘅
有時唔夠快,即係ing先講,好多時都會已經有一兩舊喺片,
去到廁所去埋後半。如果唔著片就仲大鑊,會跌咗舊金落地,
婆婆話試過佢自己唔知仲hi到!!!

VV呢,又係ing先講,跟本冇可能去到廁所。如果冇著片喇,
瀨咗等佢唔舒服,佢都係未可以喺事前講, 佢V 咗唔會同佢換褲住,
等佢唔舒服。尋晚一連三次,都最後我地話冇褲換要佢企喺到等條褲乾。。。
佢黐住又唔舒服,行嘅時候將兩隻腳撐開,好好笑。

唯一叻就係朝早就可以去到落廁所。佢每次都招招積積自己讚自己好叻。
我都知呢場仗好漫長,唔知要經歷幾耐先介到呢???

小檬語錄
企喺sofa望出窗台講:"爸爸媽媽咁夜都未返嘅。。。”
喺樓下公園玩完,上到嚟自己同婆婆講:”頭先有個細路女同個哥哥撞到個頭好痛之後喊呀”  
成件事清楚表達到又啱
poopoo咗落地喺廁所沖緊,聽到我返嚟,好緊張同婆婆講: “媽媽返嚟喇。。點算呀?”
同佢瞓教,佢突然同我講:”爸爸媽媽瞓大房,婆婆軒軒瞓呢度” 
於是叫我返去瞓,軒軒自己瞓

拍拍呀妹個頭話:”你乖乖地呀吓”

識得用個”佢”字,我叫房叫出面爸爸攞個電話比我,
佢聽唔清楚入面嚟問咩事,小檬話:”攞個電話比”佢”呀”

“爸爸,呢首係軒軒最鍾意聽果首ABC呀”

妹妹喺車度喊,我同妹妹講,就到喇,唔好喊呀。。到咗之後
佢拍拍妹妹話:”妹妹到喇,唔好喊喇”

已經可以打電話返屋企同佢傾,好似大人咁溝通,同自己個仔傾電話感覺好有趣!

好耐冇返過婆婆屋企,玩魚缸玩得好開心


我自己爬喇!

reading time

吹bubble。。哈哈

瀨濕咗罰企,罰都咁開心

與媽咪妹妹自拍比出差嘅爸爸


食雪條(影完食得一啖就沒收)

曳仔爬上妹妹high chair

多謝GG母母嘅袋仔

起身自己開工。。。早過我

用水樽碌保齡球。。。

好玩又唔使錢

world cup kids

又要影

呢個糖叫hawaii(其實佢想講kawaii)

15 則留言:

  1. 好開心見到小檬一天一天地成長, 覺得佢好懂事

    回覆刪除
  2. 同自己個仔傾電話~ 好amazing呀~ 期待呀~

    回覆刪除
  3. 小檬真係一個happy boy, 俾人罰都仲咁開心, 哈哈~

    回覆刪除
    回覆
    1. 其實都有試過喊,不過好快又笑返

      刪除
  4. 用水杯--> 如果唔揸好飲就會漏,漏濕自己 --> 咁係咪即係唔好俾佢用BIB, 等佢自己衫濕左咁呀?

    回覆刪除
    回覆
    1. 如果覺得佢自己可以控制得好隻杯可以試下唔用,等佢知道其實飲得唔好係會漏=p

      刪除
  5. 佢肯自己訓真係要讚呀,我都好想好想個女可以自己訓..唉!哈哈,係呀,遲下個女真係吾認得你啦!

    回覆刪除
    回覆
    1. 係呀。。我而家覺得佢都唔係咁認得我喇@@

      刪除
  6. 時間太快,小檬話咁快就29個月大。明明好似無幾耐之前,先見你blog過在公司流啡。驚到喊呀。

    回覆刪除
    回覆
    1. 果次真係記憶猶新,好好好好驚

      刪除
  7. 小檬真係好懂事,可唔可以過兩招畀包包呀!

    回覆刪除
  8. 嘩,小檬又靚仔又乖,真係人見人愛,HAPPY 29 MTH呀 ^^

    回覆刪除