巴C光年房

續...
間房好整齊，但其實係將啲唔知點處理嘅野放咗出廳，

執咗兩日一夜都未執完(留意淨係我執)。。。我已經好累。

新床嘅第一晚，我問佢去邊到瞓，佢話去"巴C光年房" 瞓，
小檬好順理成章咁返入去, 一眼都冇留戀過之前嘅床仔!!

以前妹妹喺佢床仔會話張床係佢，

而家就指住巴C床先係佢！床仔係妹妹嘅
真係識轉呔！

 第一晚我同佢喺床度玩，臨瞓前不知幾咁興奮


同獅子一齊大字形

金C雀上身


擰左


擰右

睇返都知佢有幾高興

之後都好快就瞓低，

再跟住話姐姐已經喺上面要瞓教，

要細細聲，唔好嘈，佢就好乖真係唔嘈。。。

都係要我隻手手，好快仲KO埋添, yeah!!!! 

我就爬返落我嘅下格床瞓。。。成晚都冇碌到我下格，最多就係打橫！

第二日我神雞咁早又做"執媽"！ 

我喺屋企好似冇停過執野。
又執到nap時間，我都唔得喇，要眠一眠，臨瞓影咗張床照。。

Mami...hand hand
(Mami: 汪汪)

我後面都有個靚仔架，wakaka～ 

第二晚

都係好快就KO，唔通有啲friend陪佢瞓，會容易啲瞓？

 佢瞓著之後我就試吓返自己房瞓，為免佢碌落地，

我開咗下格床再舖好張被。

今朝起身就見佢咁！！！ 搵到佢嘛？


喺度...


我梳洗換完衫臨返工出門口,
佢就已經自己起咗身開工, 
仲早過我


而家會自己一個喺房, 已經話咗佢知
如果跳或者擒就會整親

床嘅角已經係圓角，上落床嘅邊
不過都要佢自己慢慢領略撞吓先知道，

估唔到一個BB暫吓眼咁快就話自己瞓喇！