人整我又整~幻彩玻璃啫喱

FB見到谷友整咗個幻彩玻璃啫喱好靚。
網上分享嘅食譜


其實仲有you tube  再參考谷友modify版本。

在 YouTube 上觀看「以煮為樂：幻彩硫璃啫喱Broken Glass Jello」 - 
以煮為樂：幻彩硫璃啫喱Broken Glass Jello：

幻彩硫璃啫喱Broken Glass Jello   

果日同小檬爸爸提早食父親節飯時走咗去TW，
行過一田超級市場買咗返屋企試。

預備好啲碗碗碟碟，真係大就拎出嚟，唔理咩野形狀。

好簡單，首先整幾個顏色嘅啫喱"糖"

（即要加魚膠粉，我失敗，因為我唔記得落魚膠粉落啲啫喱度，
所以佢地整出嚟唔夠硬！！）

等幫手....

雪一晚，要雪夠硬先得


然後準備好白色嘅啫喱糖水

小檬無影手攪勻魚膠粉水


將啲七彩顏色嘅啫喱糖切粒放入白色嘅啫喱糖水到

(白色我用咗嘅練奶，
但亦見有人用益力多，維他奶，豆奶，鈣C寶,椰奶...
我諗係白色嘅飲品就得，不過份量我就唔識預）

再放入雪櫃

雪一晚之後就可以將佢一粒粒切開！

好緊張呀~

嘩。。。媽咪有啲失敗呀！！哈哈


而家都好似太多顏色啫喱，太少白色
顏色又好似聚埋一邊

如果再多幾隻顏色就會太多啫喱淨。

我就係以為好簡單，點知都整得唔係咁好，
我果晚其實開始嘅時候都夜，
所以拿拿臨等小檬未瞓同佢整埋，諗住第二有得食,
所以太趕, 白色我用阻練奶，諗住屋企有，點知份量唔夠，
其實唔落咁多都好，唔使咁甜，不過而家好似直情冇味
好在層白色都夠硬, 我求其整咗三隻色

雖然唔太成功，不過最緊用家滿意！！

大啖到差不多當飯咁食

 下次再改進先 ~