Beach Boy & Beach Baby 新玩具

上星期五，B be100日，請咗日假陪佢。。。地（小檬著數哂）

夜晚食飯又唔使咁趕。

見有時間，又同小檬去沙灘。

Beach Boy again！

又有另一套Outfit~

上次條褲係RB叔叔嘅

今次呢條係佢媽媽唔記得原來已經有條褲係屋企, 佢又走去買！

 所以佢啲衫真係要影低相Keep Record！

呢件日本背心仔，襯埋條藍色褲好正！！

好難先影到張正面，又係見到塊面已經算贏！


佢係冇膽豬，叫佢行出去畢水都話驚，

情願喺度畢沙


叫佢出去玩，就話驚啲沙=_____=


但係你成手沙喎


終於氹到佢出去玩


婆婆同佢掘蟹仔

Little Beach Baby ～

@ B be Carter小背心 H＆M褲仔

係咪曬得滯？扁哂咀嘅？

B be渾身都是肉！！
媽咪係佢身邊即刻顯瘦。。。哈哈
媽咪即刻變返小顏 yeah ~ 

我換左泳衣，諗住同小檬踢吓水，
點知佢話驚驚。。。。唉
唯有自己踢

雖然呢個係一個正式嘅泳灘，啲清潔工人已經好落力，
但係果日好污jo，如果落水就真係冇可能！

小檬行親TOY "R" US都會拎張廣告了解吓行情。
平時冇咩睇嘅我發現有個好好玩嘅吹氣床仔半價˜$249

都應該幾好玩，於是就買咗！

仲要係佢啲friend ~ Woody / Buzz Lightyear

原本舅父個電泵唔見咗，

攪到我地（即係佢爸爸）要用手泵，

泵完散哂！小檬玩得都不知幾開心！

後面仲有個網比佢入波波

所以佢不停咁行嚟行去執波波

除咗條沙灘褲，著吓泳褲仔（多謝蛇仔明媽媽！）
點知個排骨仔，鬆得滯


之後又著返沙灘褲

媽咪唔高，啱啱好坐到

食完奶奶，媽咪抱住佢坐吓先。

一大兩細都夠坐

重可以喺到嘆吓

玩到唔捨得走嘅小檬, 一聽到執野呢，就哇哇喊。。。

雖然係行返屋企，但都諗住沖吓個身啲沙先，

一路行去沖身，一路喊，去到又唔肯沖，
口水鼻涕一齊嚟，成身沙要唔肯自己企，

要攬住我。攪到我都係成身沙！
唔沖喇唔沖喇！同佢著返件衫都話唔好！

我明嘅～ 咁好玩
我唯有氹佢話返屋企開住冷氣先再玩啦（講完我自己都想笑）

一輪混戰之後終於平復!! 

去沙灘玩就真係好開心，另一方面又幾麻煩，
不過有細路嘅父母就梗會想佢地開心而甘願麻煩!!