新床落地

自從有咗B be 之後間屋好似未整齊過。

大肚又執唔到屋，多個BB啲野又預越來越多，

再多個咗工人姐姐。。。細房長期混亂狀態！ 

初頭有諗過B be未出世都照整，不過都係算喇，

又唔係唔整瞓唔到，混亂啲啫。

滿月之後，開始搵裝修公司，

揀色批圖。。用咗大約一個月

早一日拆定張櫃床。其實好新淨，

希望拆床叔叔都可以拎去賣唔好徙！ 

安床當日，本來應該安排B be同呀哥哥返去婆婆屋企，

唔知道點解到最後都覺得比小檬睇DVD已經可以留住佢唔郁，

就繼續留喺屋企喇。送傢C叔叔嚟咗之後我地就喺房，

呢啲特別時候先有I PAD睇（平時冇架）

小檬真係可以坐定定，仲喺咁要呀妹睇.....

整間房都咁大工程

玩吓食吓瞓埋，大約三四個鐘，

起身就有張新床喇！！！

下格拉出嚟婆婆瞓

書檯仔，不過暫時都未使用住。

打掃乾淨之後，就執房喇。。

大大話話都咗兩日先執好！！

新床落地, 請隨便參觀!!!

(before)

揀咗簡單灰白色，加埋colorful 床單就啱啱好！

底吓兩格樓梯裡面裝衫架，好深，裝到好多

上面兩隔入面就係掛衫，啲衫咁短，底又可以放吓啲床單

底床仲有三隔櫃桶，放哂啲仲有位！！ 

底床入面仲可以放野。。。開心C我，真係好多野要放架

可能要留返啲位比B be，不過想B be啲野盡量放我地房，

分返開，唔係會好亂

有請主角~ 好開心呀!!!

成間房都係自己鍾意嘅玩具

(如果我細個果時都係咁就好喇.我都係得下格床放吓公仔咋)

好多謝媽咪啲朋友同事EE姐姐哥哥們咁錫我！

當然仲有書書

(多謝豹EE大量供應書書,佢仔仔啱啱小學，剛好接哂啲幼兒書）

仲有好多公仔

唔知成間房有幾多隻woody或者巴C呢？？

一直沈底嘅電子相架終於有用武之日喇!!!! 

當然仲要多謝最錫小檬(同最錫B be) 嘅爸爸媽咪啦！！！

爸爸前所以未咁有，好有條理去執小檬啲書同玩具架!!!

(雖然最後要我返執！)

小檬瞓得慣唔慣？？

留意下篇。。。