小學派位

近日鬧得火熱話題小學派位，雖然未要親身面對，
但我家都感同身受，因為契仔契女就正是小學派位階段。

契女幸運第一輪已經入到心儀好學校！
契仔就不太理想，爸爸正在努力中！

眼見契仔女爸爸嘅一番感慨，就知道呢關一啲都唔容易過！
爸爸還說終於忍不住。。。眼見這位由細玩大嘅C兄，
突然崩潰，與他情同兄妹嘅我都感到不是味兒！

針唔吉到肉唔知痛，旁人總不明白苦主心情。
”叻仔讀邊間都得，間間出狀元”
這些好說話應該沒有太多人會聽得入耳。

他們兩位都不是怪獸家長，不是要求讀書什麼名校，
不過契仔派到嘅學校太偏遠，
不便婆婆公公接送。因此煩惱。。。
(公公婆婆好堅，沒有工人姐姐湊兩個龍鳳B)

我家的小孩一個2歲多，一個4個月都未夠，
好似唔係好關我地事，其實好快就燒到嚟。。。
突然間，都覺得自己對教育呢part下得太少苦功，
了解得太少
(所以從來不見我有post學校排行榜..etc那些資料，
總有更強的家長已經分享）

經歷過N班interview也好像好大件事嘅時候,
應該想像到我地將來要接受嘅挑戰，承受嘅壓力有幾大！
當你預料到將來會面對的問題時, 
開始明白怪獸家長都係被迫成的....