氹氹轉~菊花園

上星期三晚同佢玩氹氹轉，加埋婆婆三個人圍圈圈拖住住手仔，玩得不知幾開心！

前幾晚臨瞓都有同佢唱下，尋晩試下叫佢自己唱，居然記得咯喎！

氹氹轉~菊花園~炒米餅，

糯米糍~媽媽帶我睇「加加」

（佢自己改咗做佢鍾意嘅卡通Madagascar=D)

佢記性真係好好，我唔係一日24小時講住佢都記得！

我諗前後講咗10次，我覺得佢好勁！

（真心，已經唔係純由媽咪角度出發！）

同事提我佢咁叻到時返學可能已經咩都識，會坐唔定！

都有可能，到時見招拆招啦！