小檬11個月大喇！！

我們11個月大喇！！

忙到連10個月的進度都未post就已經11個月！

好多點滴都未有時間寫！！
我要加油喇˜

媽媽0錫0錫!!!

我的第一棵聖誕樹

@16/12/2012.

準備好所以佈置飾物之後，就和小檬一起佈置
（其實佢只係行嚟行篙去）

\

你睇佢仲係揸住個遙控

完成。

我的第一棵聖誕樹

Merry X'mas !!

小檬好返校8899喇,多謝大家對佢之前嘅祝福！

在這裡祝各位靚靚媽媽，準媽媽，靚姐姐，型男~

聖誕快樂！！！
和家人過一個開心嘅聖誕節

挑戰

@22/12/2012.

星期六不用上班，小檬的疹已退得7788, 可能吃了薬，
今天他睡到十點半吃過奶後便帶他一同買餸，
很快又眼瞓再睡著。

媽媽便煮午飯給他

今次煮三文魚椰菜字母粉

三文魚及菜都沒有特別打碎，只是用較剪剪碎。

太耐沒有blog他食的進展，自從在十月尾健康院姑娘說他生長線一直在最底線，建議可以由餬仔轉食爛飯

我們就給他吃爛飯仔，及星星或者字母粉（其實都係一樣）

現在煮這些比較容易，因為不需要把它們磨到很爛，
之前要將每樣食材都磨爛變蓉, 因為就算用碎肉機打碎之後,
都仍然要用濾網,真的磨到手軟

這天不知那裡來的勇氣，決定也煮給老公及自己吃。

需知道湊一個B再加煮飯，及煮粉給小檬, 對我來說,難度分是8.5分

簡單的番茄薯仔肉碎湯，
蠔油菜心（菜葉全給小檬吃）

煎豬扒

開心的事，唔好比佢停！
 晚上再蒸排骨，煎雞蛋。



小檬晚上吃肉碎菜心粉


對一個只是偶然煮飯的我，已經好滿意！

溫馨分享:

在吉吉島買的玻璃盒將小份量的食材裝好後，便可以放入雪櫃，很方便。
個人鍾意玻璃較膠耐用及對食物比較好
我媽媽買給我的磨豉醬
用這再加些少豆豉醬來蒸排骨,
好味又容易，媽媽至鍾意！

樹熊。檬

尋日啲疹先開始發出嚟，最先發現係頸，之後係身，
手手腳腳就冇，到今朝，面仔都有！

而家冇發燒都冇咁擔心

好扭計，不停咁媽媽媽媽，播放率達到新高成朝都要我抱住，唔肯落地，做咗樹熊。


知你唔舒服，好快好架喇。。。媽媽今日放半晝，
好快返嚟陪你！！

乖乖呀!!! 

玫瑰疹

謎底終於都解開喇, 原來係出玫瑰疹！



背脊同心口好勁！手手腳腳冇咩

17/12凌晨三點發現佢發燒
17/12 日頭退燒
18/12夜晚，又發燒
19/12 又退燒

19/12夜晚唔肯食奶，瞓到半夜三更仲扭計起身，
以為佢肚餓，點知開左奶又唔肯食。
仲扭計，爸爸抱又唔得，要媽媽抱，咩方法都用整哂。
最後開左mickey 比佢睇，先靜返。
最後係＂劉浩龍"（即睇睇吓瞓著咗，之前細個嘅時候又係試過，唔肯瞓，
到睇睇吓劉浩龍MV先瞓著左。所以，我地稱呢個情形叫"劉浩龍"）

今朝又係扭計，爸爸喺屋企湊佢已經發現身上好多粒粒。
婆婆4點同佢喺樓下兒科醫生睇完，
比我講中,真係出玫瑰疹！！！！

因為我之前都聽過話玫瑰疹d燒係發吓又退吓，退咗燒先會出疹
所以我果日心先會諗！

佢不嬲都好瞓得，好食得，
唔怪之得佢尋晚無端端扭計，又唔肯食我d美食啦

醫生話食住藥，唔使介口，唔使搽嘢，過兩日就會好返。
成身都有，好在面冇乜。

始終有啲唔舒適
冇哂心機的小檬


不過好快好嘅....好快冇事架喇!!

網上資料；
似感冒病徵 退燒留紅疹
發病初期，寶寶通常會持續發燒兩三天，有時體溫更會高達攝氏40度，令許多新手父母擔心不已。幸好，大部分寶寶在發病期間胃口正常，但有部分會出現呼吸道感染病徵，例如咳嗽、流鼻水，令父母誤以為孩子患感冒。有些孩子則會出現沒胃口、脾氣暴躁或輕微腹瀉等情，病徵因人而異。不過，此病最大的特徵是，當小孩高熱稍退時，臉上、頸部及胸口等位置便會出現啡紅色的紅疹，類似熱痱，然後會逐漸擴散至背部及手腳位置。這些紅疹不會令孩子感到痕癢或痛楚，大約兩三天便會自然消褪，不會留下疤痕。

http://happypama.mingpao.com/cfm/health3.cfm?File=20091216/hnea/vob4.txt

兩週年紀念晚飯~ 明閣

兩週年的晚餐，同樣到了明閣。

中午覆診後，逛一逛一田之後就回來小睡
（當然只是小檬睡 ） 

媽媽便準備晚餐給他。
不過，小檬唔識貨，唔肯食！！ 

到明閣唯有試下比啲淨湯米佢食，
唉，連米芝蓮兩星的米粉都唔比面！

唔緊要，碗米粉媽媽食得好滋味！

蛋糕是Tony Wong lycee dome。
白色面皮是荔枝味！ 

我同小檬的合照, 實唔會望爸爸
要萬七咁多張先有 一兩 張OK仲要係唔笑。。。。
影合照還好些，因為小檬會八卦，望實影相的陌生人。
食飯，有大半的時間我地係分開食嘅。

因為小檬唔肯坐定，我們唯有輪流同佢行，
成餐飯有一半時間行嚟行去!!

 

松露竹竿笙湯，和牛盒，蟹盒，菜心, 上湯米粉

最後當然有龍皇披金甲！！（半份）

出年小檬要乖乖坐定定喇!!

結婚@18.12.2010

34w @18.12.2011

小檬10個月3星期

@18.12.2012

媽媽病

昨天覆診，醫生聽過佢個肺好清，耳仔好干淨，喉嚨又冇紅，

可能係啲病毒感染所以發燒喎。

我見小檬有背脊有啲紅色粒粒我都有問係咪玫瑰疹，
但醫生話醫生話玫瑰疹係發燒之後先出，呢啲係熱痱多啲

(唔通前排凍著得太多衫？)

如果星期四都仲未退還燒先再覆診
睇醫生之後，喺樓下一田試吓食BB餐，和風餐
唉，小檬食到牙鬆kong，完全唔like！！
（媽媽試咗啖都覺得麻麻地）
你睇佢個樣

幾經辛苦食到兩三啖，唯有食pudding啦，
點知都係幾啖！！
唉。。。徙哂。

果日退左燒到夜晚又燒返。。。
中午同晏晝又冇燒，夜晚又會興慶啲，
擔心C我喇。。。

尋晚又凍返驚佢凍，著返多啲衫，又驚散唔到熱，又驚佢出熱痱，著得小又驚凍親….
又咁又咁又咁,
媽媽病又發作喇！！！

 

 

 

結婚兩週年

@18.12.2012

時間不等人，日子一天一天的過，
今天已經是結婚兩週年紀念了！

成為了太太之後的數個月，亦成為了準媽媽，
在今年一月，愛兒亦加入了我們這個溫馨的小家庭。

小檬現在已經是10個多月的BB，而且更懂得走路，
停下來的時候，不得不承認時間就這樣悄悄地從身邊溜過！

或許是"歡樂嘅時光過得特別快"
有了小檬之後，我們的家庭真的每天也充滿歡樂，
擁著健康快樂的小檬是我倆所欣慰的！

婚姻的維繫離不開愛，體諒，關懷，愛護，
我每一天也要是個賢妻去愛你，
每一個也要是個良母去愛小檬檬，
要相信自己，
相信你！

兩週年快樂！

病倒了

昨晚我們一齊佈置完聖誕樹之後，已經十二點多

（其實小檬只是負責行來行去）
其實佢都眼瞓，就是不願瞓！
快些夾他入房瞓

媽媽臨睡前，飲了杯美綠
（自從喺街飲過杯美綠恐龍同好立克恐龍之後，

返到屋企都好想飲，可能太耐冇飲喇）
所以三更半夜要去廁所，
誰不知, 這晚遇見很久也沒有出現的小強仔，
立刻叫老公出動，
可能媽媽太驚嚇，把小檬弄醒了。。。
老公立刻拍拍他再睡。
媽媽回來之後，他亦未能入瞓，左擰右擰。
爸爸放在膊頭再拍他也失敗，還越來越扭！！

 超眼瞓的媽媽初時想置身事外，但最後都出手！

爸爸淡淡然說了一句" 係咪熱呀？"

我摸一摸，
吓，老公呢啲唔係叫做熱呀。。。

呢啲應該叫發燒呀！！！！！！！！！！！

用耳探，39.2度，立刻帶他去急症。

一路去醫院的時候，一路拖著小檬的手，發燒一定好辛苦

小檬眼定定望住我，
病在兒身，痛在我心！

到達醫院後，分流護士姐姐探到都是39度幾
（我成驚自己度唔啱位會唔準）

護士姐姐說可以黐定尿袋，

如果稍後需要都唔需要等太耐，
於是就幫佢黐。
（好簡單的一個膠袋及內有棉花,

我初時以為是尿喉。。仲驚小檬會好痛）

好快就見到醫生, 小檬被醫生揭起衫，
還要放那個凍冰冰的聽筒聽，立刻大喊！！

眼淚鼻涕一齊來！

最後更要看喉嚨，那支放進大人口都大的木棒，
放在小檬的口裡，還要申入去。。。
當然是”err”的一聲~~~

哇哇哇哇哇哇哇哇哇哇哇哇哇哇

醫生說發燒可能是傷風感冒，又有可能是尿道炎。

首先食一次退燒藥，再等下小檬尿尿之後就可以走

等的期間，小檬都很扭計，可能眼瞓。。。。。

可憐樣

等到5點多，我們試看看有否尿尿，但都沒有。
這時再度已經是38度多，護士小姐說不如再見醫生，

醫生說不用等吧，不如再約期復診。

於是我們便回家!!

回到家先更換衫衫，之後就拍拍他再瞓。。。

到9點多的時候再探，已經降到37度多。

媽媽亦請了假照顧小檬

我倆各自在自己床” hea” 

到11點多的時候，小檬已經好返好多。

有朋友問是否出牙影響，但又聽過出牙並不會發燒，
只是因為牙癢將任何東西都放入去，
令到有機會有病菌，容易些病。

見到小檬笑返，byebye 飛吻，

樣樣做齊。。不考究喇。。。



明天會去覆診！

ho...ho...ho...

小時候，
每逢聖誕，爸爸就會拎盒聖誕樹出來，

一支一支插入中間stand 先變成一棵聖誕樹，
加埋燈燈， 沒有禮物已經好開心
（我地邊會有聖誕禮物㗎）

所以聖誕樹對一個小朋友的成長是好重要的哦！（咩理論？！）

遲遲也未買聖誕樹，我們也要趕快了！

上兩星期已經在吉吉島看到聖誕樹，但也想有否其他比較靚的，
但看過TST那些之後覺得貴但又唔係特別好靚，都有想過買真的，但又好似好貴

於是算把啦。。

尋日返去吉吉島買。。發覺都唔係咁差，
都唔係"聖誕樹d 膠都幾嗅吓"果種

5尺 $138

買埋裝飾物燈泡便準備就緒。。。

原來除了這是小檬的第一棵聖誕樹之外，也是老公的第一棵聖誕樹，

以後每一年，我們仨也要一起佈置!!

給你一個吻!!

教小檬飛吻只係教左幾次，不過佢都冇咩反應，反而拜拜就會好似快啲識，因為舅父返工，婆婆都會教佢講拜拜。
今日又叫小檬拜拜，再撘多個飛吻，佢居然放隻手仔喺個咀度，雖然有d似偷笑，但媽媽真係好開心呀，

小小的一件事，看在媽媽眼裡是多麼的重要！！

小檬@ 9M

上個月太忙，連9M小檬都未post，
唔怕唔怕...有心唔怕遲!!

@26/10~25/11

hello ˜

夜操

我見啲哥哥都係放架單車喺7仔影打咭相㗎


婆婆話睇唔清楚我點落sofa，
唔緊要，睇連環圖啦

Daddy, Happy Birthday!!


ha..ha..ha.....


游水堂


happy night

o沐咀

擔天..