小檬~向尿片說不

終於寫到介片最後階段!! 鼓掌!!!

小檬介左日片之後，我都唔係好心急佢可以介夜片。

夏天時候瞓晏都有試過介，

可能瞓晏教嘅時間唔長，都冇咩問題。

到夜晚，臨瞓前去多次WeeWee，起身片片都好多時係乾。

有時瞓到半夜佢要wee wee，

都會自己起身叫婆婆或者我哋同佢去。

於是有問過小檬仲使唔使要片片，

雖然佢會起身去WeeWee，不過可能都係驚，都話要。

我好尊重佢呢個決定，唔想比壓力佢。

到前一星期晚臨瞓著片片，佢突然間話唔使著片片喇，自己大個仔喇！

（唔知係咪啲同學仔自己傾計講開呢）

於是就比佢著條學習褲底底試吓，就算瀨，都有條褲仔索吓，

床單下亦有尿墊，唔用整濕床褥。

試咗一星期都冇濕，係有一日起身趕唔切行去廁所，

Wee濕咗啲係褲，我當然冇話佢，亦讚佢已經好叻！！

@3Y9M 

 我終於可以宣佈～ 小檬介片成功 !!!!

從此對尿片說 "不" !!

介片史重溫: 

學習褲仔

小檬介日片成功!!

掛兜

掛兜喇！！！ @ 3Y3M

小檬而家夠高係大人廁所到wee wee（其實僅僅夠） 

話自己大個仔，要用大人果個。
已經唔去細呢個，是就拆咗佢！

(好野，廁所又可以多返啲啲位喇)

回頭睇返最初介片時, 唔知幾時先介到
而家又話介咗

總結一下先：
  
 15M   識點樣poo-poo
16M  認識 vee vee
17M  知道自己poopoo緊
17.5M  拉婆婆去Poo Poo

冬眠一年zzz zzz

29M 兜兜 / 介片褲~準備
零入球
32M  V 。 V  成功自己去Vee
33M  小檬介日片成功!!

成功介片之前
真正喺屋企唔著片嘅時間應該有一至兩星期，
啲sofa呀。。床呀。。舖哂毛巾。
一日應該都濕唔少褲，不過逐日逐日減少。到後期好似成功，
如果濕咗唔會幫佢換即刻，會話去緊攞褲，
等佢知至噏住唔舒服 (不過都係一兩分鐘)
有時都會掛住玩，會去唔切，有時又太急先出聲。
不過好快就識控制啲時間，
有時喺樓下講要去都可以返到屋企先去。

而家瞓晏教已經冇著片，瞓之前去一次，都未試過失手。

夜晚保險啲仲有著，
有時三更半夜都會自己起身話要去廁所，
所以其實可以試吓介埋夜片。

好啦，就今晚開始啦!!! 

介片後落街

做媽媽真係好多開心緊張嘅濕星事想分享。。。

話說呢個星期算做介咗片，就算臨瞓著咗片佢想wee wee都會出聲，

唔會去落片片到。

呢晚放工食完飯落街噤錢就同埋小檬落啦，

咁點呢，著唔著片呢？一陣間咋喎。。應該冇事嘅！

於是就戰戰兢兢咁同佢落去喇！

原來拖住個啱啱介好片嘅小朋友落街係好大壓力架！

佢就懶型咁~ 

雖然臨落之前去咗一次，

不過有時真係估佢唔到架嘛～

噤完錢本來話去吓超級市場，不過媽咪我真係有少少淆，

於是都係走人。其實如果佢要wee都可以去酒樓嘅，

不過我好驚佢趕唔切呀。。

C啦，落樓吓都咁，點樣出去威呀？ 

小檬介日片成功!!

小檬總算叫介日片成功喇！！！

之前喺學校反而未得，可能唔敢同老師講，

排隊去廁所時又冇去到，不過今個星期已經十拿九穩喇！

尤期係屋企，一Wee完就會叫我地去睇，

有朋友嚟更加積極去完叫人睇。

啲親戚朋友都要同佢一齊去睇過先得，唔hea得，

不過個個都咁錫佢，梗喺讚哂佢啦。

佢而家喺街有片都會同我地講要去Wee Wee。不過有時就報假案。

當然我地唔敢唔同佢去，佢肯開聲肯去已經好好。

夜晚仲未介，應該要遲啲先，

不過有晚姐姐話佢朝早好早起身落床自己入廁所仔Wee，

Wee完就上返床瞓。

唔知點解我會問佢點樣Wee Wee，我諗你問我都唔知道點答，

不過佢居然識答喎。。真係笑C我呀。。。哈哈哈哈哈哈

介緊片嘅媽媽們，真係唔可以心急。

心得就唔講得喇，小小都可以分享吓

之前未除片，換片佢講好臭，扮比佢聞吓，

所以大個仔唔可以去落片片到。

返咗學，會容易好多。家校同步好重要，

學校會安排有有規律同佢地去，

初頭小檬都係冇去嘅，而家習慣咗就可以去到。

著住片片，之前都冇咁快諗住著底褲仔，所以冇準備，

不過老師話可以等佢著片片出面有條底褲習慣吓，

於是即刻走去買，如果大家見到啱就可以買定喇！

褲就唔可以著扣鈕款嘅，要像筋褲頭，

等佢可以自己著同除，嚟緊會買褲嘅媽咪留意喇！

我覺得個廁所仔如果有位買得過，起碼而家可以自己行入去

自從買左廁所仔之後，喺屋企不停提住Wee Wee

要去廁所／去青蛙仔到，

呢句說話我都唔知道自己講咗幾多次！！

除褲之後Wee Wee完同我地講就洗手。

有日婆婆話佢仲幫手倒Wee Wee 添，當然越幫越忙啦。。。

介片史重溫: 

V 。 V  33M

零入球 29M

兜兜 29M

拉婆婆去Poo Poo 16.5M

poo poo 小新進展 16M

學習自行如廁 ～ 認識 we we 15.5M

poo poo ~ 15M

V 。 V

特別報告～ 

尋晚小檬終於成功喺屋企青蛙廁所仔去到一次 V V 喇！！！！！

真係好開心呀～ 

上星期學校老師就同我講，今個星期返到學校就會唔著片，

所以要帶定兩套衫，以便濕咗換。

第一日

星期一返學老師打比我話佢肯入面廁所，不過應該冇去到，
結果出嚟十一點嘅就失手。

返到屋企，亦一樣冇著片，結果濕咗兩條褲。

第二日，學校都係濕咗一條褲，連自己對鞋都濕埋。。。
要借學校spare 鞋返嚟

屋企濕左兩條，其間佢自己有話Wee，有同佢入去，不過唔成功。
（肯講已經好好）

第三日，學校好似冇濕（我已經唔記得）

屋企：濕咗一條，跟住成成功Wee到！

（我啱啱返到屋企見證住呢件事）

今日學校情況就未知，不過爸爸話佢頭先都成功Wee到去廁所仔！！！

原來介片真係需要學校幫手，會冇咁痛苦！

雖然仲未係百分百，不過我都已經好開心喇！

放工即刻走去買隻恐龍比佢以示獎勵

（呢排鍾意恐龍）

老師話如果到冬天仲未得就唔會介，驚凍親佢，

希望喺冬天前可以100％ 介到啦！！

零入球

每次小檬VV”緊” 嘅時候都識講比我地知Wee，

即係每次行去廁所嘅時間已經去緊！

入到廁所仔當然咩都完事啦
淨係好似面壁思過咁

攪吓青蛙仔


搣吓個兜（可以證明好實）

所以，現時射入嘅次數係～～～～～～～ 零 ！！

 零入球啲觀眾會悶架，呀仔～

兜兜

好耐之前見到韓國嘅冰鎮小企鵝男孩子尿兜，

不過精品店sales（男人）居然話要洗多個唔煩咩？  

又係喎，因為果時冇工人姐姐幫手，真係洗少一樣得一樣！

呢排再開始介片（放棄咗一排）又見到田鼠B咁叻仔用到兜，

於是又淘一個試吓！

RMB29

我鍾意白色，容易知道污jo

個兜可以拆出嚟洗

用吸盤，好穩陣！
(本來想拆出嚟再加相，原來真係好實！)

暫時未要跌因為尋晚先黐。。哈哈

淘開又淘，小朋友學習褲仔，

日單原單 RMB 7.50@

全部都係小檬啲friend，著起應該好開心～ 

有標籤，質量都OK

佢講我就信，冇深究係咪堅

拉婆婆去Poo Poo

之前爸爸問佢做緊咩，佢就會話poo poo緊。

尋日婆婆同我講，小檬而家會同婆婆講poo poo，
然後拉婆婆去廁所，婆婆就同佢除咗片等佢去。。

好叻呀。。。不過有時就poo得快咗！

繼續努力呀～



自行如廁系列

學習自行如廁1 ～ 準備
poo poo ~

學習自行如廁 ～ 認識 we we
poo poo "小"新進展

poo poo小新進展

前兩晚沖完涼，喺床仔準備瞓教，
老公話佢突然間企埋一二邊，唔郁發緊力。
老公問佢喺到做咩，
佢居然話poo~ poo ~ 

究竟係咪呢??!!

因為小檬慣性在朝早十點咗右PooPoo, so 冇諗過佢係poopoo，
就問佢做咩，其實都好好笑，冇諗過佢會識答，
但係又要問，
但係估唔到佢又識，
呢啲就叫做
"唔問唔知道佢識答"喇 !

果然係誠實小檬～
真係有一舊
於是我地同佢去洗pat

又行前一大步喇

自行如廁系列

學習自行如廁 ～ 認識 we wepoo poo ~
學習自行如廁1 ～ 準備

學習自行如廁 ～ 認識 wee wee

婆婆都有拎個廁所仔比佢坐吓，
但佢點會肯坐定定吖，好似冇咩進展咁

佢已經識咩叫poo poo，
 所以呢排沖涼嘅時候，
我就指住小檬JJ教佢呢度就係wewe，
再問佢，佢就話weewee（都算容易發音）

尋晚同小檬沖涼又溫書，問佢邊到weewee架，佢都識指住JJ，
再問佢有冇weewee呀。。。
weewee啦。。。。

佢就真係weewee咗。。。

好開心呀！

佢好似真係知道咁（定咁啱呢？唔理啦喇，當佢識啦）
之後我就讚佢好叻，好乖，再話呢樣就係weewee喇！

今日叫婆婆再繼續，唔知成績如何？
等我今晚再繼續

距離成功又邁進一"大"步喇!!!
學習如廁poo poo ~
學習自行如廁1 ～ 準備

送上小檬蛋撻頭

poo poo ~

呢兩日小檬好似有兩吓克痴，婆婆話佢唔係好肯食野，我就問婆婆佢有冇poo poo咁

之後我問小檬點樣poo poo架，佢居然識做比我睇。。。
真係笑到我同婆婆C。。。哈哈哈！！

我都唔明點解佢會識。。可能有時佢Ng緊我地就喺則邊話佢可能係poo poo，
就問佢係咪。。不過佢唔識答，估唔到佢今日突然間識poo poo就係ng果時嘅意思!!

大小便之訓練 1

之前在網上看到這篇文章,

歲半已經可以試，現在小檬14M便可做好準備.....

大小便之訓練
part 1 • 如果小孩還不會表達要大小便，或者是還沒準備好，皆不宜訓練大小便。每個小孩的個別性不同，別要求或強迫他（她）。大人會發現訓練得很辛苦，事倍功半。
• 　以下只能作參考用，只在時段的差異。 一般日間小便在一歲半左右，可開始訓練。 一般日間大便在二歲左右可訓練完成。
• 不管親友怎麼告訴你或教你，把它當作是參考，孩子是你的，你最了解。 　
• 一旦孩子會用話語或暗示來告訴你，你就可以訓練了。
• 大人如果發現尿布在二小時未溼時，可訓練小便。 初期，先以一小時自動帶孩子去坐馬桶，解小便。（可作提醒用，因為孩子有時玩得太瘋了，會尿下去來不及講。）　
• 在天氣溫暖時，光屁屁也不會冷的室溫下，來訓練，較為適合。如夏天。
• 如有大小孩為模範或大人表現讓他學習，會學得更快。 小馬桶可放在旁，刺激他想學習的慾望與動機。
• 平時在未大小便訓練時，可讓他習慣坐馬桶。 一般大便訓練先行完成。

夜間小便訓練可能要到４－５歲才會成功。　
• 可愛卡通小內褲可買起來備著，以作為獎賞用。
• 以他喜歡的書中主角為模範，告訴他，某人也是如此的棒或某人也是如此的做，才會這麼棒。 市面上也可買到訓練大小便的分解圖片書籍，念給他聽或給他看。
• 同年齡的小孩可在一起玩，想大小便時，可互相觀摩，互相稱讚，這方法非常好用。
• 在家時即告訴孩子在外面如何上廁所。 外出時，可淮許包尿布（長途旅行），短途出遊可包可不包，端看大人的方便程度。（如百貨公司有洗手間，可不包；郊外不易找洗手間可考慮包，才不致造成困擾）。
• 外出時，不要因怕小孩尿尿而不喝水。
• 以娃娃為主角坐馬桶，讓孩子在一旁觀看，原來大家都一樣的坐馬桶，也讓孩子在一定的時間教娃娃坐馬桶。 然後，讓孩子坐馬桶給娃娃看。 找個他喜歡的娃娃，一起訓練大小便吧。（訓練娃娃不但可讓照顧者熟練技巧並且心理上有充分準備。）　
• 男孩，爸爸教；女孩，媽媽教。 但最好是固定照顧者教，因為可持續訓練且孩子有依賴信任感。
• 不穿連身衣，儘量採取可立即脫下的衣物。不宜穿緊身褲（不好脫，尤其訓練期間，會造成孩子的挫折感。
• 不穿牛仔褲，其硬度會刺激生殖器，小孩會不舒服，一直摸小雞雞。
• 讓孩子習慣不同場合的廁所大小便。
• 查清楚為何孩子不上馬桶的原因，再訓練坐馬桶，否則易事倍功半，不易成功。
• 記得大人是須要有耐心的，保持冷靜，這是過渡期，不要對孩子有訓練的衝動或預期成功的時間表。 孩子是有個別性的，不要互相比較，否則會自討苦吃。 如孩子不小心尿在褲子上，不要責備，先口頭上告知”尿尿了喔！濕濕的褲子穿在屁股上會不舒服，以後要告訴媽媽，我們去廁所尿尿。”
• 睡前一小時儘量少喝水，睡前帶孩子去上廁所。 初期，預期孩子多久會上一次小便，一天內何時是孩子解大便的時間？大人心裏應有個底。
• 天氣冷，搬家，父母分離，出遊，新弟妹出生時，能稍緩訓練，不急

學習自行如廁1 ～ 準備

之前講話已經買咗BB廁所，
係因為有朋友教幼稚園嘅呀嫂叫我早啲買定比佢坐吓，

因為佢地未必咁快適應到呢樣野到時會唔肯坐

買咗呢個Richelle 

而家買比佢就當係玩具咁比佢坐吓。(不過到時會唔會冇咗新鮮感呢？？)

同埋有啲叫放定出嚟等佢知道有呢樣野喺洗手間到。

有三個階段比佢用

反轉就當step咁比佢上坐廁


有個呔盤比佢玩住，其實我麻麻地條毛巾圈墊，好難清潔真係用嘅時候應該唔會用


其實呢方面我都未有準備點教。

但婆婆呢兩日有比佢坐佢，佢當然當係玩啦，

仲申隻手入個dull到玩。。
（第日有C就唔好喇呀檬）

eeeee。。。。醜醜