Cova蛋糕

@26／11

小檬爸爸嘅手提電話公司對佢好好，年年都寄張生日咭比佢，仲要有禮物揀，紅酒，cova蛋糕。。。樣樣都唔係cheap野。 

今次我地揀咗Cova蛋糕，尋晚當同小檬慶祝22M個月大。 換咗小檬最鍾意嘅藍莓蛋糕。

影吓相先啦。。。 

比埋蠟燭我地，點埋佢喇！

突然間自己錫我，真sweet!

吹爉燭

呼~

成功喇，咪哂眼！

喺木木玩具練習咗咁耐切開，就比佢試吓啦！！！ 

（其實吹爉燭之前已經比佢試下切）

 

佢一吓就好快咁切落去，再嚟就好似斬燒肉咁。大刀大刀咁斬。。。。 

好在阻止得快，唔係個蛋糕就變成蛋糕碎喇！

呢個蛋糕唔甜，好好食！！多謝數馬窿～ （唔知點解我果時又冇，淨係老公有）

 P.s啲相嘅質素好差。。麻煩有關當局改善一吓

包包人~

我地去honey moon 已經買咗啲麵包超人嘅產品比小檬。

但到佢大個咗啲識啲卡通characteer之後，都冇話對包包人好有興趣

(小檬講唔到四個音嘅名，所以佢自行改叫做包包人） 

呢排攞返啲冬天衫著，有一件包包人衫仔，佢一著就好好鍾意，係咁叫包包人呀。。。包包人呀。 

有一日瞓醒同佢換衫去婆婆屋企，佢居然唔肯除。。喊哂都要著住，於是算啦，唔換喇。（只係件衫袖有啲啲短）著返件外套啦。。。佢都唔肯，話遮住包包人喎！！ 

放工返到屋婆婆話佢連沖涼都唔肯除，好辛苦先氹到佢除，都要放喺則邊見都先安樂。 到第二日，佢去婆婆到瞓教嘅時候又扭要包包人，唔係唔肯瞓！ 

都唔知道點解突然又咁鍾意包包人，立即搵返隻公仔出嚟先。。就攬住好friend喇！！ 

希望下星期interview唔好又扭著包包人喇！！

小檬學生字

小檬學生字，真係由BB開始。由佢一舊飯，比本書佢純粹揭下睇吓到啲ABC海報，真係到到都教吓佢，原來教咗咁耐

到而家，問返佢已經識得好多喇。。喺婆婆到試吓呢張唔知喺邊到拎返嚟嘅ABC海報先。。。

注意：

er。哩。份。池= elephant 

護士姐姐佢自己演譯為醫生姐姐（因為冇教過） 

小檬22個月喇!!

小檬22個月喇!! 

食

都唔明點解佢都唔算食得小，都有一大半碗飯仔，

又生果又餅餅又奶奶，都仲係唔長肉嘅？

呢排好似拉高咗，仲瘦咗添。。。面都冇咗啲肉。
不過都係健康就得，唔理得咁多，亦唔知點理。

如廁
有一日Poo咗，即刻叫佢坐，等佢知道有關係先，
不過好可惜，比埋絕招I PAD都唔得，
又要叫起身

瞓
OK啦，唱吓歌，R吓R吓就瞓，
不過唔可以比爸爸唱，
爸爸一開口唱
就話”唔好呀，唔好呀。。mime唱呀”
 所以夜晚我都係要比佢挾持住瞓教

有時好夜唔肯瞓，試過一點半，勁貪玩，要扭出廳，
有一晚我地喺房同佢戰鬥咗成個鐘，佢喊足咁耐都唔肯收聲，
終於爸爸屈服同佢出去，喺sofa 坐一陣就已經頂唔住瞓咗，
就係唔肯屈服，咁算唔算硬頸呢？

瞓瞓吓有發開口夢，有時話水水，有時話落地地，有時話唔好唔好。
有時6點幾朦朦朧朧又話R呀。。。
呀仔，我好眼瞓架。 

呢個月好扭計
要果樣唔比就即刻喊，大滴大滴跌落嚟，
有時又叫唔好，
叫佢著衫又唔好，

叫吓入去換片又話唔好，
比啲蛋糕佢食又話唔好，好煩！
大個仔咗真係有自己嘅主意，唔再係任你磋圓禁扁喇。

 不過整體嚟講都算係乖嘅，至少叫佢嘅指令都會跟住做，
叫佢叫人都即刻叫，
食緊野叫佢比佢都會比我地或者其他人
（除咗有一次佢飲緊少少檬檬茶就唔肯比爸爸，
因為每次比爸爸都會飲哂佢，冇得比返佢飲)

講野
 聽得多我地講野，而家自己會講啲我地未教過嘅，
攪掂，嚟喇，出去呀，落地地街街呀，開呀，play 呀， 檸開，冚實，
而家已經唔使教佢發音佢先識講，
佢自己知道領略到就會自己講。
好似有一日佢執好玩具會話”攪掂” 真係好好笑。

爸爸叫外母，佢又跟住叫，
我叫婆婆做”媽媽（高音）”，
佢又跟住叫成日聽嘅歌仔，而家會跟住唱，
不過只係一兩個音，或者每句嘅尾

 What is your name?
 My name 英文 xxx .
(講唔到個is不過媽媽會比佢100分。。。wakaka) 

今個月驚喜：
聽收音機講張智霖嘅名，佢話新生趣，估唔到佢已經記得張智霖嘅名，
我仲以為淨係認得佢嘅樣添！

我地同婆婆講話喺樓下惠康買鮮奶同脆脆，買完先返屋企，
跟住見我地未行又著鞋又執野又呢又路.
佢就心急話”去惠康呀。 買奶奶。脆脆呀” 

識玩小明，上上下下左左右右前前後後。。
火車捐山窿，（說得唔清）
之後係"磨刀"

有一晚我話同佢入去瞓好冇呀。。佢話”好呀，傾計呀”，
因為有時我會氹佢入房瞓話不如入去傾計咯 

識自己由A講到Z呀！雖然中間有d甩漏，有時又快得滯，
聽到三個音(W)又自己喺度笑，
不過冇特別教佢又自己識背， 算係咁
(我諗係佢由細聽ABC聽到而家,聽咗咁耐,所以識背)




 過多兩個月就兩歲喇。。。真係好快好快  
你同B be 都要繼續加油呀！！

爸爸媽媽錫哂你地！

B be@24W

@18/11/2013.

原來照結構到今次產檢已經有成個月，

湊住一個有第二個時間過得真係唔經唔覺咁快！ 

今個月情況，去廁所好密，上胎都唔會咁密，真係呢頭去完果頭又想去！唔通真係女係低d嘅關係？！ 尾龍骨開始有d痛！兩邊腰位都係~

今次B be都好乖，好合作，之前照結構話驚個腎太咗啲嘅問題都應該冇事，今次睇好正常醫生話BB嘅size都正常合格

有一日個肚好實，問返醫生又話冇咩，點解會咁呢？

B be 要乖乖呀！

PS 小檬今次喺診所好曳！周圍走，又去斟水機d水，入到去又扭落地！下次真係要考慮下仲帶唔蒂佢去！

不過我諗我都係唔捨得扔低佢架喇！

新生趣~

之前做嘅飛機師劇集，小檬好鍾意。。

可能有飛機啦～

連帶佢嘅主題曲都鍾意埋，相信佢都係唯一嘅一位粉絲 

到今日有時同佢瞓教唱歌，我問佢唱咩好呀，佢就會話新生趣。

我都唔記得哂全首，所以，求其唱一段。

之前發現佢喺我每唱完一句之後，都repeat 我最後一個字

所以我就試吓同佢咁唱。。。

 原來真係記得識唱少少喇~
我最後鍾意就係佢唱嘅「滋味。」！

而家一兩個字就咁開心。。做媽媽真係好容易滿足！

認 ABC & 123

ABC呢首歌真係由出世就聽到而家，

BB果時佢一喊我就播放同唱， 真係倒返轉頭都識唱。 

而家玩呢啲ABC/123字母板，玩咗一排，

已經認得哂啲ABC／123， 有時佢自己仲一路讀一路砌添。

 

123其實已經識咗好耐，講個1字時 仲話蛇蛇，

我初頭都唔知佢講咩， 後來先見到原來1字底係條蛇， 

可能講到厭， 唔講1字喇。。，就講蛇蛇 =_=

Air Jordan 11 to 小檬

表舅父表舅母繼一件Burberry 褸／一件Burberry T shirt／

藍白Jordan 鞋之後又一巨獻～～～～

Air Jordan 11 黑白色波鞋！！！！ 

佢地真係好錫小檬，佢地知檬爸想搵到紅黑Jordan 11比小檬，

返加拿大時睇吓啲mall 有冇， 結果都係冇。 

上次見面，佢同我地講上Ebay同一個買家購買咗對，比咗錢之後比人走數！！！！！！ 

財物兩空！ 真係唔好意思。。。 

點知今次見面已經買咗對比小檬，雖然係黑白色，唔係紅黑，不過都一樣靚！！

size可以話係要快啲著。。因為只係大少少！

著起頓（未發到jordan，淨喺識頓呀頓）

佢超興奮，可能係見我哋d大人咁開心~

與表舅母合照

呢啲鞋仔，我會好好keep好，比B be 著完之後，

再留比小檬啲仔仔女女。到時應該仲經典！

N班大作戰~3rd Interview

今日嘅interview 喺四點，瞓醒晏教出去都唔係好醒目，

因為之前唔肯瞓，瞓得唔多，去到都有d呆=_=

呢間學校interview分兩part, 

一位家長去見校長，一位就陪住小朋友。

我派咗檬爸去見校長，佢一表人材，學識廣博 (擦下鞋先唔係下次唔肯去=p）

應該好過我呢個C9仔去，

但估唔到跟本連一句說話都唔使講，

凈係一排家長坐喺度填問卷.....

問題係大熱嘅問題，學校叫唔好向透露喎。。。

(呢間學校唔鍾意家長講咁多出嚟，所以我唔開學校名喇！）

我就陪住小檬，首先係circle time，唱下歌仔，

小檬仲係有d呆，唔係好投入，不過都有拍下手仔

玩咗十分鐘之後就入房interview

一張枱有四位小朋友，我果張只得三個，

老師攞咗積木比兩位小朋友，第三位就玩住車仔先

老師叫小檬疊高佢,佢疊咗三粒就跌咗，又嚟過。

好快又疊到。好在老師都望到佢疊完

老師又考其他小朋友，

之後砌數字形狀板。

第一。二個都好快砌好，

小檬都砌完，老師都未望過佢一眼，

因為望緊第二個小朋友

佢又拆返，又玩過，

我驚老師以為佢唔識砌，攪咁耐，

唯有話你砌完喇？！話比老師聽啦!!!

到第三個，有兩個都係波浪型，

佢調轉咗，老師都有提佢，

最後就比三個水果，叫佢比條香蕉媽咪食，

再比個蘋果老師，小檬都有做到！

一個老師對三個小朋友（我諗四個仲難）

感覺佢本唔可能咁容易知道小朋友嘅程度

唔知點解感覺唔到呢次interview係考緊小檬。。

反而好似揀緊家長父母多啲。

呢間都算係好學校，我有去佢地嘅家長簡介日

都覺得唔錯嘅。

如果佢收，都有可能考慮會讀。

(真心，不是囂張，因為㨂每間學校, 

都有其他因素考慮) 

In 完食咗個O華田木糠布甸 

好味！

DIY game

有咗B Be之後，夜晚又要去返洗手間，

返到去又瞓唔返添。。。唉

有時就會上吓網(平時都冇咩時間上網喇)

就好快瞓得返。。。

見到有個媽媽分享DIY遊戲比啲小朋友

好好喎。。唔複雜又平

我都簡簡單單試吓先

認顏色

買咗啲手工紙業＄12

攞返玩緊嘅兜要同啲手工紙一樣顏色

之後就一張一張比佢，同佢講呢個係紅色，

叫佢放入同一色兜到

(婆婆做咗助教)

一開始時，我先比一隻色，先放哂一隻色，

然後先再講第二隻色，最後先大兜亂，

叫佢自己入。

其實佢都已經識紅色／白色／黃色，

不過唔係好叻，有時會撈亂，

希望玩咗呢個之後會再有進步。

玩玩吓佢又你班埋啲兄弟嚟一齊玩，果然有情義呀

我又會叫佢比張紅色巴C，比張藍色仔仔

又可以多個玩法~

分長短

喺屋企邏咗啲飲筒，剪開長同短

之後搵兩個器皿比佢裝，我比兩支飲筒佢睇，

一支係長，另一支就係短

（要有比較先會有長短之分架, 所以要show兩支比佢睇）

不停咁講呢支係長，呢支係短。

然後就叫佢攞長嘅入落樽到

短嘅入落另一隻兜

玩得一陣，又要轉吓，叫佢派啲飲筒比啲兄弟。

比支長嘅woody

比支短嘅恐龍

玩咗十分鐘，未係好識，明天再努力，

玩到悶就攞支飲筒嚟飲。。。=_=

之後仲全部一齊飲添。。wakaka

買。唔買。買

第一胎照完結構知道性別之後媽媽們通常就去血拼！

但我呢...有天使嘅心，又想跟魔鬼嘅行動

（天使） 要盡量著返哥哥啲衫 

（魔鬼） 真係做到？ 

（天使） 梗係得啦，BB夾衣打底果啲咪著返啦，冇問題吖。。。 

（魔鬼） 你贏，咁面衫呢？？有人探佢出吓街，都著粉藍色呀？？ 哥哥好多都係粉藍色果喎。 

（天使） 面衫咪買幾件囉，之後買返啲女仔口水肩咪得囉。 

（魔鬼） 真係？啲女仔衫真係好靚果喎。。。你之前行街成日都睇吓架

 （天使） 係。。睇吓咪得囉。。唔係唔買，唔好買咁多，要慳啲使喇！

 （魔鬼） 妹妹著住啲女仔衫實好得意架。。。。 

 以上對話不停咁出現。。。

魔鬼天使不停咁講。。。我要理智啲。。。但又敵不過現實！！ 如果係第一個就有藉口買，第二個如果唔執呀哥啲衫，又唔得。好啦。。。見到真係啱就買一兩件啦（唔好睇少女人嘅一兩件，因為通常最後唔係一兩件） 

某大牌大減價，先買針織外套，我好鍾意BB著呢d外套仔！

再買咗條裙仔！

其他各物品都應該可以用返，不過啲奶樽就應該要買過，因為已經好似好舊，又唔係貴，如果買返TT就可以用返啲3號咀，但係個消毒器就壞咗。連埋婆婆屋企前後壞咗兩個。真係唔應該再買呢個牌子，大家用緊嘅又有咩推薦呢？ 

除咗呢個，真係好似冇野要買。。。

N班大作戰~小小總結

開始咗一段時間，

睇吓啲統計數字先~

已Interview ：2間

收到offer ：2間（有100％！！哈哈，因只係in咗兩間） 

等interview:有5間 

交留位費，暫時一間

留咗第一間比offer 嘅AM班，人人心態都係會買定個保險先。不過我都唔會留咁多間，首先真係要比錢，間間留真係唔掂，未係好心儀的offer都唔會留。 

睇到啲細B家長會話大B有咁多offer就唔好留咁多，我都好同意，如果已經有心儀offer嘅， 我都唔會間間留，但個個家長諗法唔同，講到底都只係想個小朋友有間自己心儀嘅學校收，但其實又係咪啲家長想留咁多嘅呢。。個制度跟本有問題，再加之前啲雙非新聞咁洶湧，住邊區都好似啲驚冇位。唉。。總之就辛苦父母啦

以上只有係我C9仔小小心聲。 

啱啱收到一間學校嘅interview時間，

係

朝早8：40。。。

計埋行車泊車時間應該要6:00至6:30起身，仲要係冬天時間。。

又一次挑戰喇！ 

Tea Buffet ＠ K11 Hyatt

上星期同檬爸食完迪迪尼High Tea 之後，今次係約咗我表姐

我地早咗到，要3：30先可以開始，

即刻影吓相先。

呢到啲餐具好靚呀。。係peter rabbit 架。。

如果呀仔唔係啲胡迪fans，

我實買呢套比佢˜

（E。。可以買比B be 用喎)

未開始先興奮～

別人笑我太瘋癲

我笑他人看不穿~

真係笑到呢~

好鍾意玩餐具

所以通常餐廳嘅都比佢攞嚟玩

我嬌悄嘛？

食物方面，淨係影咗兩張

因為就掛住食。。。

其實我不嬲唔係太好buffet，

自己食得又唔多，又唔係咁多款啱食。但係呢到嘅tea buffet 

又好多嘢我都鍾意食。

又好食喎。。

因為早前朗豪supper card member關係，喺我生日送咗個buffet比我，

我地食咗夜晚，其他麻麻，

淨係又個鵝干好味啲

小檬食粟米

原來有Chinese Tea飲

同表E Ma玩，笑到儍咗

多謝表E ma餐tea! 

之後就去咗樓上蜥蝪B支持表E姨丈

呢間係第一間蜥蝪B嘅音樂店，

由佢一手一腳負責，

呢日仲落場做DJ打碟～ 

果到有得聽住音樂飲住咖啡，

落地玻璃，環境都幾好，

不過就淨係啱啲hea人，

我地呢啲湊住隻坐唔定嘅BB，

真係唔會坐得耐。

 表姨丈話希望小檬大個都鍾意音樂， 

我話佢而家都成日聽ABC架喇

。。哈哈

仲開始識跟住唱添！

新鞋落地

趁未係咁凍，涼涼地，著條短褲仔襯呢一對高筒鞋，型哂！ 

我隻腳好細，所以好鍾意買鞋，因唔係成日要啱款又有size嘅，見到就好想

（藉口。。好似冇咩關係哈哈。。。） 

到小檬我都好鍾意買鞋比佢，舊年夏天喺海港城有間賣童裝減價，果時都唔知呢對應該買咩碼，因為有毛毛邊，要喺冬天著，萬一唔啱著都夏天著又唔得，所以好難預！！ 

好在今季攞出嚟著，就大咗少少，都算好啱架喇！！

yeah。。呢對三間喺香港嘅專門店都冇見過，應該喺日版嚟嘅。。

仲要減咗後百幾蚊，真係開心C！