12.31.2015

相愛10年

頭幾年拍拖都有記吓一齊咗幾多年,雖然除夕好容易記,
不過結婚之後一直都冇咩特別慶祝。。。
而我成日都唔記得一齊咗幾耐=p

尋日心血來潮想問老公我哋拍拖到而家幾耐,不過都冇開口。
點知到夜晚老公叫我開信箱,話上海有朋友寄野比佢,叫我幫佢睇吓。
一睇信箱原本係棉花糖公司寄嚟嘅。。。

呢個棉花糖廣告成日係飛卜彈出嚟,我都有諗過整,
不過最後都係懶。估唔到老公整比我

原本我哋已經相愛10年 

老公今次揀相好有心思,由每個階段都有張相
拍拖,影結婚相,結婚,生仔,生女,一家四口一齊
盒內有揀咗相嘅真身對照

變成棉花糖嘅我哋,都冇咩走樣喎。。

比起其他由十幾廿歲已經一齊嘅人,10年唔係一個好長嘅時間,
可能我呢10年真係年年都精彩
.所以我覺得好長~

感謝你在這10年陪我走過人生的每一個的重要時刻!
 
感激我遇見你~

12.30.2015

聖誕快樂!!

呢排有風使盡,不停同小檬講聖誕老人夜晚會爬入嚟,
所以要自己瞓教同醒咗要去We We唔使喊
(佢有時急醒又唔想起身去廁所就會喊),
so far 真係有改善,於是隻襪入面份禮物當然唔慳得啦。
夜晚已經放好咗喇。。。

第二朝起身,叫佢地睇吓
妹妹好鍾意呢隻班尼
(唔。。。係個樣唔係咁可愛,不過都有教育意義嘅)

小檬呢就買咗三架tsum tsum車(近期愛上)

開心到佢地呢

本來諗住行吓對面個山,點知小檬瞓晏咗,
而表舅父哋遲咗 =_= 於是就臨時plan B
揀個最容易, 小朋友又最鍾意嘅活動
去公園

今日呢件啲顏色都好聖誕
舊年都有著。。今年啱身啲

又坐喺到影張相先



妹妹同空氣對話,個酒粒深到呢

呢條舊年嘅裙仔都短喇。。。
好鍾意見到啲裙仔短短,好可愛~

玩完一大餐,就食個early dinner,講都唔信,
我哋呢個時候都未知食咩。。冇book過餐廳
哈哈哈哈

食中餐,應該冇人爭啦,於是就去呢間唔多人去,
相信一定有位中餐walk in,果然6點都未夠就有位

呢隻鹿仔就啱啱瞓醒

釣小檬? 

有啲鍾意湊仔或者鍾意湊你個仔
嘅親戚朋友真係好緊要,
你睇吓我前面呢兩個幾忙。。

我哋就把握時間輪流食

食中餐冇咩聖誕氣氛?等我哋自己製造啦~ 



聖誕快樂!! 

Christmas Party & 平安夜

平安夜, 媽咪仲要返工(好在放4點)
Lunch 約埋班同事開party,
有得玩,梗係要於埋小朋友啦!

婆婆幫我預備炸豬扒,
爸爸一早就要幫我湊住啲小朋友去婆婆屋企攞,
跟住就上嚟。。( 真係辛苦哂檬爸!)

妹妹豬出嚟時已經瞓咗,爸爸同佢喺車瞓多一陣先。
小檬出場先
媽咪好掛住你呀~ wakaka
呢件聖誕鹿冷衫,同事留比佢架。。
好有聖誕氣氛!!

小檬當然要準備個聖誕老人袋放禮物。。。

小檬啲fans輪住送禮物,


禮物真係連個袋都裝唔哂! 

 

老闆,簽埋名先好走喎

Yeah~  

再yeah~   

妹妹豬瞓醒喇。。不過未瞓夠,又多人,開始識怕醜,

小檬幫手抽獎

今次我哋嘅主題喺海洋呀。。 
抽到支海洋...洗面膏

另一組同事要出去食,錯過咗同妹妹豬合照。。
媽咪唯有改圖滿足佢。。哈哈
夜晚冇出去,返咗去婆婆屋企打邊爐
好平安咁渡過~ 

冬至及聖誕前夕

放完聖誕假喇~ 假期永遠是美好的
冬至當日,公司有半日假,趁兩位小朋友仲未Nap完,
食完Lunch喺商場行吓就出事!!
之前契媽媽介紹呢個牌子嘅lotion比我試,
我都有猶豫做化妝牌子嘅護膚品係咪好?
點知皮膚超乾嘅我一試愛上,
今次有啲時間於是坐落啲化妝counter再試其他
乖乖再奉獻大出血!!

好在咁上下時間老公同小朋友出到嚟拯救咗我! 

一拖二

尖尖的帽子....
(小檬學校普通話聖誕歌)
 

本來結婚週年紀念已經諗住嚟呢到影,後來唔夠時間。

小檬: 妹妹,咁笑架~

 妹妹豬 : hi~  O la fu
原來兩兄妹好襯

 合照一人望一邊係好正常嘅

Tsum Tsum 

比我想像中細好多,小好多野影

冒險樂園太危險。。。所以只會遠觀 

仲有時間,檬爸又提議HIGH TEA~

HIGH TEA我真係唔係太有研究,只求有得坐吓飲吓食吓就得~
呢間都唔錯,個muffin好好味,其他都唔錯!!

食家妹妹豬好興奮~

小檬都好支持。。因為佢有得坐喺到玩

 食完行吓就食冬至飯~一家屋企人食吓玩吓
今年冬至好暖,唔知過年係咪就真係會凍呢?!

聖誕前夕,約咗聖誕會飛嘅NT哥哥,食飽飽收完禮物,諗起佢生日唔喺香港,
於是叫佢坐低比個驚喜佢~

雖然早咗啲,不過都叫一齊食吓蛋糕啦!
切蛋糕呢啲重任梗係留比小檬啦。。妹妹豬就負責等食!  

Happy Birthday To our dear NT~ 

12.24.2015

Happy Holiday!!!

各位好,我係聖誕妹妹豬~ 

祝大家聖誕節玩得好似我咁開心 ~

一家人平平安安 
  
聖誕快樂!!
Happy Holiday!!