7.03.2017

新髮型

妹妹豬都算多頭髮,一直都係留長髮,
總覺女孩子長頭髮紮辯仔好靚
前蔭夾起咗之後一直都係留長。 
記得我細個時候,係東菇頭一個,
其實厚厚濃農頭髮眼大大好可愛。
於是想妹妹豬試吓

不過開始懂事嘅妹妹豬,好似已經唔願意短頭髮
不過佢又話肯試吓剪齊蔭,於是趁炎夏來臨試試!
等待中
微孿的長髮

剪完, 完全唔同晒!
啲蔭剛剪完未係太自然,有啲睇唔慣
起,好大把頭髮,都係起啲啲好

我靚唔靚呀?
 

成個大個女咁 

其實都係傻妹妹

得意妹  

剪完第二日仲好睇啲,顯得面仔圓圓,眼碌碌

唔知下次肯唔肯接受真正東菇頭呢?

上星期妹妹豬剪完,就到小檬喇。。今次剪多啲,
佢啲頭髮長得太快喇!!

型唔型呢??

唔知點解明明對眼好大,一笑就細晒=___=
佢啲頭髮太軟,Gel都好快跌返落來。

返學唔Gel有啲薯仔。。哈哈


6.30.2017

妹妹豬@Letterland Party

幼稚園活動真係一浪接一浪!
剛完咗個水果日又另一個活動
好在嘅只係妹妹豬班嘅活動!

Letter Land Party

到學期尾,學晒26個字母,就嚟個Letterland party
得知當天老師會問小朋友想揀咩角色時,
我就同妹妹豬再介紹一下有邊個角色可以打扮吓(冇hardsell架)
妹妹豬就揀咗vicky violet喇
一如以往,小朋友要參與
要幫手做


完成道具


爸爸負責買花,好努力搵到呢個似嘅Violet 花


用個膠樽扮Vase

咁啱妹妹豬個英文,名又有個V字,整大啲突出啲先

costume方面呢,就好辛苦,終於搵到件紫色top同紫色褲,
唔知點解要搵紫色衫時又會咁難搵

日子有工,訓練有素,今次加工時間係前一晚!!=___=
雖然有啲趕又有啲眼瞓,但諗起妹妹豬著住我嘅心機,
拎住我嘅心思,就咩到抵返

登~凳~ 

似唔似呀?調黃邊係絲帶嚟架!

其實有啲似畢業袍=p

每逢有呢啲活動日子,我都盡量送佢地返學,
妹妹豬而家懂事喇,於是同我講

"我要媽咪送我返學"

妹妹豬一句,於是又全家總動員(其實都係我同爸爸)
送佢哋返學


當日喺學校,小朋友扮演自己鍾意嘅角色

catwalk行天橋,
見到妹妹豬都玩得好開心!
當然啦。。滿滿愛!

紅磚屋Red Brick House

悠閒嘅星期日,到咗錦田錦上路的紅磚屋逛逛

紅磚屋


私房菜、花卉、藝術、品味、購物、美食、時裝...有蓋-休閒市集

由屋企揸車過嚟都唔算耐,20分鐘就到。
初次到步,完全唔知道邊到可以泊車
(去之前冇睇過網站介紹)
於是問問路邊賣菜的嬸嬸,

嬸嬸指住個公園仔出面嘅空地
就係可以停車嘅地方泊好車,
 原來停車場在路邊!

喺大門,當然影個到此一遊


啲草已經生滿睇唔到個大門招牌喇


今日著咗兄妹裝呀!

唔同牌子,分開買,都襯到淺藍底白字print

Lunch時候,首先搵地方醫肚! 
紅磚屋內嘅小cafe已經坐滿人,於是走出些少,

見到村口有間士多有野食,就坐低食喇!


叔叔好落力咁推薦佢嘅魚湯米線,
妹妹豬又好鍾意魚湯,當然要試吓啦!
魚湯果然好鮮甜。
我就最欣賞佢嘅雲。好好味,

之後仲買咗盒返屋企食!

通常都係食晒先記得影 =p

沙o爹尤魚/魚蛋


另外推介嘅墨魚筒同樣好鮮味。

店主話自己釣架。。

仲有豬排飯加隻煎蛋,有時簡簡單單都幾好


食飽飽,四圍行吓!

估吓呢間賣咩?

鬼馬嘅妹妹豬


再入返紅磚屋行吓


其實冇咩好特別野行,
都係啲手工藝品,舊物品,花卉、藝術-
休閒行下

環保毛筆

地方好細10分鐘行晒


鍾意飲咖啡,可以喺呢到遊閒吓

鸚鵡

裝修得好靚嘅園藝店

臨走幫嬸嬸買返啲通菜/番薯先。。
頭先幫咗我哋呢班迷途羔羊

凡事懂得感恩。。

6.28.2017

父親節@ 2017

很久不見。。有掛念我們嗎?

先將父親節記錄下先

呢日放工後,趁爸爸出差,於是就帶兩位小朋友買定父親節禮物俾佢。。。
已經不停同小檬妹妹豬講,我哋要比個驚喜爸爸,唔好話比爸爸知呀,
但之後嘅兩天,妹妹已經比咗個驚喜我
爸爸,我哋買咗個背囊比你呀!
哈哈哈
我發覺呢啲驚喜真係唔可以keep咁耐。
於是趁爸爸送婆婆返屋企時,,提早送比佢!

要讚一讚,兩位小朋友真係好有耐性伏左差不多十分鐘喺到等爸爸。
爸爸咁錫佢地,佢地梗係都咁錫爸爸啦
呢位爸爸真係滿分㗎,自小檬出世之後
唔使叫已經自動自覺幫手湊仔,上至教育,下至小朋友大小二便都絕不推辭。
由教導小朋友做人道理做功課到吃喝玩樂,都出心出力!
除咗返工之後,所有時間都係陪住我哋,
我同兩位小朋友又呢位爸爸真係好幸福!
到正日媽媽就再送呢首歌比爸爸

唔好以為小檬睇電視劇學,其實佢係聽到電視劇歌就跟吓唱,
於是我就印啲歌詞比佢跟住唱。估唔到佢又學得幾快喎。。
妹妹豬唔執輸,跟得到口水尾。。。
兩個真係可以一take過碌好首歌。

爸爸, 我們以後漫長歲月,會繼續陪著你走,一世共你同路去~

5.29.2017

學校水果日@K2 & PN

每年學校也會舉辦水果日,今年都唔例外!
第一年小檬扮pear,其實都唔係扮,只係著件TEE係啤梨仔。
學校水果日

第二年小檬扮西瓜仔!
小檬學校水果日@K1

到今年,水果日差不多殺到埋身嘅時候,
我都未諗到同未有時間整,今年仲要一整整兩個!
最後一個星期,入直路!問過兩位主角,要扮咩先真正動手,
唔係攪完一大輪又話唔肯就麻煩!

小檬大個仔喇,太卡通未必適合,
於是買咗件黃色tee比小檬,然後簡單咁加啲v扮菠蘿釘,
再加頂帽仔扮菠蘿葉。






妹妹豬呢,當然要扮可愛嘅水果啦~ 
好快就鎖定目標做士多啤利妹妹!

上身搵咗件紅色TEE
剛好RB叔叔之前俾嘅聖誕節tee係紅色,但身上啲聖誕鹿太礙眼,

於是反轉佢著就算,一日半日,影相冇人發現嘅!
淨紅色好似好悶,

又剪啲綠葉襯托一吓加埋個名就完工!

買咗條紗裙,再剪好啲士多啤梨核,

貼上去就得
  

再埋啲葉~


 完成


士多啤利妹妹菠蘿仔


學校嘅返圖! 
拎埋個菠蘿仔!!

不過妹妹應該被認錯為西瓜!!哈哈哈
係喎。。又幾似喎!
整吓整吓我都唔知自己整咗啲咩!
唔緊要啦。。。(自我安慰中)

5.25.2017

2017 Happy Mother's Day

母親節前一晚,半夜喉嚨痛,
全屋就只有龍角散可以止吓咳!

第二朝,有啲發燒添=___=
見到老公同小檬已經出咗去買花花送比我!
於是頂硬上換返套衫扮吓靚靚

老公安排好哂,搵埋婆婆出去飲茶!
出去之前收吓禮物, 影吓相先


好名貴嘅手鏈呀!!
心心,colorful,i love you 好開心呀~ 
多謝妹妹豬

仲有一束靚花!
有花有葉有絲蝴蝶結!!靚靚
多謝小檬

出到尖沙咀,老公要排停車場,
於是我同婆婆,小朋友先行
行到升降機前面,妹妹豬要我抱,
咁快累??
 啱啱行咋喎,算啦!
母親節可能要黐住媽咪!(咩原因)

行到去酒樓門口,佢話肚仔唔舒服,
出門口之前淨係飲咗杯奶,
我話可能肚餓,好快有野食冇事!

點知轉前頭就 ~ 嘔 !!
噴射式咁嘔出嚟,
我成個右邊身中哂招!!!!
@@
放低佢又嘔咗一次,
我同婆婆即刻安慰佢,幫佢抹身,
通知酒樓弄污jo地下講唔好意思之後,
就安排到位比我哋坐

婆婆同妹妹先入去,再清潔一吓,
叫婆婆立即order個米粉佢食!

小檬喺妹妹嘔嘅時候,掩住鼻好大聲咦咗一聲!
待婆婆照顧緊妹妹時候,我就叫小檬坐埋一邊當幫忙

我先將衫簡單清潔之後,行落樓吓搵衫買!
檬就幫助我拎住手袋,跟住我行。
一路行一道解釋比佢知妹妹唔舒適先會嘔,
佢都唔想,唔可以嫌棄妹妹臭,發生事情應該冷靜睇吓有咩野可以幫忙
(其實佢唔使做任何野乖乖坐定。已經係好大嘅幫

入咗間價錢相宜嘅連鎖店,一身臭味嘅我唔敢大遙大擺咁周圍睇,
好在都冇咩人發現,求其揀咗條裙入面試身室著完之後,跟住比錢,
係,直接著住比錢!型!
跟手買套比妹妹豬。
上返酒樓,妹妹豬已經食緊野,
好似咩事都冇發生咁!
結論係妹妹豬唔可以空肚食早餐,飲咗牛奶都唔得,
唔可以空肚坐車點都要有啲野到肚
而頭先嫌妹妹臭嘅小檬返到去,
都有即刻問返妹妹有冇事,算佢啦

我雖然換晒衫,仍然有種揮之不去嘅味道喺到,呢餐茶,好明顯飲得唔暢快!
不過見到妹妹冇事又開心返,我要自我調節心情


飲完茶就拿拿臨返屋企沖涼!
做媽媽嘅,無論邊日咩日子都好,都係要照顧小朋友,冇得偷懶
遇到小朋友唔舒服,亦第一個企出嚟
(包括都係媽媽嘅婆婆)

眨下眼又到晚餐時間,老公已經諗好安排主理(佢)最鍾意嘅打邊爐
(避開人群,難得小朋友又好鍾意食)

見老公同婆婆安排緊,我就同小朋友放下電!
(我叫婆婆一齊架。。不過佢喺都要幫爸爸咋!)

母親節都想小朋友有得玩開心吓



雖然母親節過咗,
我同兩個鬼馬嘅小朋友
祝所有媽媽日日都咁快樂!