Gen Mami's Blog: 3月 2013

3.31.2013

自己進食 (試驗篇3)

悠閒假期，最好時機訓練一吓小檬自己畢野食

都係我畢比佢，不過就同佢一齊畢，佢自己放入口，
都算係咁啦！（媽咪好容易滿足。。）

呢套ikea 嘅青蛙餐具買咗好耐，而家拎嚟用啱哂，
個盤盤側有啲位比佢隻匙容易啲畢啲食物，平平地算係咁啦

媽媽會不停咁讚佢比鼓勵佢。。哈哈

3.28.2013

小檬14M喇！

@26/03/2013.

小檬14M喇！

又一個月了！
update 一下小檬嘅各樣情況先！

佢自己認得識講：

13M ：媽媽，爸爸，奶奶，mum mum，，波波，貓貓，汪汪，卜（book），po（apple），bear bear, bye, ra bit (rabbit)

14M新加：寶寶（瑞士寶寶），片片, 巴（巴士），伯伯，

婆(po), 啤（士多啤梨）, 包包(麵包)

但只係跟住講：
13M：婆(po), pat pat, pig pig
14M.: 基本上我地講咩佢會學講咩

聽指令:

13M : 踢波波，比(佢好大方），拎野比我，除襪襪, 行慢啲，

攬住，錫錫，拜拜，請請，恭喜發財，

點蟲蟲，give me five，wash your hand, raise up your hand,飛吻(飛咗去耳仔到) 暈低, 僕僕瞓，落sofa，放野入袋, 著鞋

14M: dump垃圾, 熄呔盤, 飛吻（飛返咀咀到）

邊個係小檬？佢會舉起手

一歲時健康院已經叫開始介夜晚果餐奶，有時佢出咗街返嚟冇食都得，其實應該可以，

不過見佢都肯食咪繼續囉，不過份量就少咗喇！

牙仔: 而家有六隻，已經買左牙刷, 諗住出到轉灣位就開始刷牙仔

（原諒懶嘅媽咪）

自己進食:

用手仔就已經好純熟

用匙更就好似冇咩進展，希望復活節假期可以有得訓練吓

用杯飲奶就係失敗嘅

訓練自行如廁：

已經準備好廁所仔, 看過資料話最適合嘅時間係兩歲之後。

點解我會咁早買？下篇blog講吓

體重：冇磅過。。

高度：冇度過。。

（明明屋企有個麵包超人度高又未掛出嚟，我地太懶喇）

健康：2月尾/3月頭傷風感冒，啲菌好勁（連我地都中招）

迫於無奈睇咗兩次醫生

小檬檬乖乖!!

小檬學講嘢 ~eat aunt，估like，零零

尋晚返到婆婆屋企，同小檬玩咗一陣，之後教佢講下嘢：

eat aunt，估like，零零~

3.25.2013

熄呔盤 + dump垃圾

每一次見到佢識聽得明我講嘅野，我都好開心
如果係完全冇教過，冇做過比佢睇嘅, 仲會好驚訝!!

有日佢開咗個麵包超人呔盤（我初頭仲唔識點熄，原來按"start"就開，再按就會熄。佢仲叻過我 (worried)

）

但又行咗去玩第二樣，跟住我同老公講，熄咗佢啦，好嘈又side電，跟住老公聽唔到，
小檬就走去熄咗佢。再試原來佢真係識！！ (thumbs up)

之後就係dump垃圾，我同佢折禮物之後，試吓叫佢拎張花紙碎去垃圾筒dump咗佢，佢真係識！！

真係好開心，完全冇教過，冇做過比佢睇，佢居然明我講咩！！
有請小檬一次過示範!! (applause)

正式看牛

自從小檬識咗點上sofa 之後，佢就好似久唔久要上一上先安樂。。。
星期日仲比我見到佢........

佢........沖行飛撲上去！！！！ (surprise)

爸爸入咗廚房，我入咗房唔使五秒已經聽到佢爬唔到跌咗落地喊。。好在係好細力果隻！
唉。。。之前喺地下自己玩咪好囉，婆婆！！而家先正式看牛呀！！ (I don't want to see)

3.23.2013

cheese ~

一仔媽問我有冇比小檬食芝士，我先醒起自己未post。
我喺吉吉島買呢個芝士

我都有喺BK論壇到見到啲媽媽話其實呢啲芝士好高鹽份

網上資料http://www.baby-kingdom.com/forum.php?mod=viewthread&tid=922940
http://alpha.baby-kingdom.com/forum.php?mod=viewthread&tid=4201448

http://www.baby-kingdom.com/forum.php?mod=viewthread&tid=1330185

原來Baby cheese 唔係解比BB食嘅芝士，
係解好細粒嘅芝士喎。
吓，咁嘅咩？

唔緊要啦，我分開三次比佢食，食唔哂就我食。

咁究竟有冇專係比BB食嘅芝士嘅呢？

3.21.2013

QES Home Coming Day

星期六是媽媽母校QES(伊利沙伯中學) 的Home Coming Day。

QES位於旺角鬧市但又自成一角，校舍要經過一條斜路才到達。
每次返到母校都有一種好溫暖的感覺，

同學們的感情十分好，而不只是限於同屆的同學們
可能由於有不同的學會，所以我們便有機會認識不同屆別的同學
我們還有自己在西貢的school camp,school camp
令不同屆的同學也會打成一遍，
也令我認識了到現在還經常聯絡好像一家人的師兄們好朋友。

影返張相留念

與Wayne Wayne 哥哥。

擺個pose先！

再嚟~

小檬唔呢個pose太嬌悄喇!!! (tongue)

啲舊生就唔同屆別咁比賽籃球/足球, 有老有嫩!

小檬就喺操場走來走去

你係咪要波波呀？

訖吓patpat先！！

那些年。。。

看到一張張很久不見但又很親切的面孔, 諗起以前返學，真係好開心

(雖然有啲都成日見)
可惜有啲同學仔唔得閒返嚟。。

小檬與你

Bu....Jak....!

鏡頭轉到field那邊~

這草地日久失收，太起伏了，

小檬行也行得不穩

哇，好在未跌

什麼來的？小草？

這張相是"放逐"

呢張叫。。。叫咩好呢？

但願你也好像媽媽去到一間可以給你美好回憶的學校

鳴謝攝影大C叔叔

小檬上Sofa

尋晚返到屋企，婆婆問小檬點樣上sofa，
佢二話不說就擒。。。。。。

上到個樣仲好似好勁咁 (laughing)

我一方面好開心，佢已經識。
一方面問婆婆, 點解佢自己冇啦啦擒上去嘅？

婆娑話我教佢架。。。。
我話點解要咁快教佢？如果佢識咗爬上去, 我們更加唔使行開

而家都叫佢自己喺廳玩，我地行入廚房都得。
雖然都會走嚟走去，但好少入房，佢一入我會叫返佢出去。
一識爬sofa 就更加煩 (at wits' end)

婆婆話你慌佢之後遲啲唔識。。。
係，遲啲咪，即係我地可以遲啲先再看牛囉 (worried)

好在佢都叫做識

落sofa (按此進入)

不過都係擔心架。。因為我係媽媽囉 (tongue)

3.20.2013

小檬照鏡

呢晚喺婆婆屋企食飯，小檬如常好乖咁喺網床到玩，
佢有時會喺床邊叫我地，睇住我地食飯。

我啱啱同佢沖完涼，頭上仲貼住個蝴蝶頭髮貼，
佢喺咁指住，於是我就貼喺佢到

佢好驚咪哂眼唔知我整佢啲咩，跟住自己摸到，拎返出嚟！
不過個蝴蝶貼係吉手架，所以佢好唔鍾意！！
E起哂咀, 哈哈！！

婆婆仲拎咗塊鏡比佢照吓。

佢哄到好埋先照，好好笑!

媽咪，我係咪調轉咗呀??

唔知道佢幾時知道鏡入面嘅喺佢嚟嘅呢?

又有禮物喇!!

小檬又有禮物喇!!星期六同咗班舊同學見面。
J EE送咗對好得意嘅螢光黃蟲蟲涼鞋仔比小檬。

幫佢著咗之後可能感覺怪怪咁，佢居然唔肯放對腳落地！！

比少少時間佢適應，得咗。
佢係咁指住對蟲蟲。

行都行到嘅，不過好似冇平時咁瀟灑。

出街就唔會著架喇，好似好危險
又唔係啱學行嘅BB著，應該會去沙灘時著！

希望仲啱著啦！！

3.19.2013

Organix ~ Calfornian Raisins

行過supermarket，見到呢個raisin買咗比小檬食。

見佢細細盒，係organic，試過唔算甜

帶出街, 必要時可氹吓佢

shake shake~~

又可以比佢訓練吓啲手指仔靈活啲。

雖然食零食冇咩益，不過有時開心都好緊要
因為成日話自己肥嘅媽媽都有食珍珍！！ (laughing)

3.18.2013

反瞓

我同小檬爸爸都係唔反瞓嘅人，偏偏小檬就反瞓到飛起

每次瞓咗，過一段時間之後就已經轉身轉身轉身，
由打直，到打橫，仲要快面貼住張嘅木欄，
攣埋一舊, 啲手仔腳仔就喺木欄叉哂出嚟，

有時我瞓瞓吓會申隻腳撐到我，
佢好在自己瞓床仔，如果同我地瞓，我諗我冇教好瞓喇！！
不過有時佢踢到衣櫃，澎澎聲，都會比佢曹醒，有會移返正佢。

呢日去完街未沖涼就瞓咗嘅小檬，仲著住對襪仔

唔知道點解一個post 唔可以有兩個video
食完飯臨走，小檬係咁"pak pak"，初頭都唔知佢叫咩，
又唔係爸爸（pa pa），又唔係baba（巴士）
之後佢指住個唔知係經理定部長嘅叔叔，
啲侍應姐姐EE都覺得係叫佢

我地大家估小檬叫佢"伯伯"
我地好surprise，因為冇教過佢叫"伯伯"呢個名!!

淨係喺婆婆屋企走嘅時候會話同看更伯伯拜拜啦，
但係佢冇叫果喎，淨係叫byebye，估唔到今次自己主動叫。