10.28.2016

化妝舞會

一年一度學校化妝舞會又嚟喇~雖然預早通知,
不過每日問小檬同妹妹豬想扮嘅角色都唔同!
我都唔知邊個先真~ 諗法轉完未~
有日終於揀定
(其實係我叫佢地決定. 唔定冇時間喇!)
我就睇住個角色打扮去搵衫!

小檬
其實都有現成成套買,
不過唔知道點解我又唔買。。係要自己整吓野
首先整左最容易的劍先!
用紙皮界好形狀就可以再print紙貼上就得

自己事自己做(點都要做少少)


完成(第一樣...)
呢邊好靚仔


另一邊要剪貼(冇左邊刀圖片)


度位整頭巾


頭巾~完成!


 加工前

自己冇啡色鞋唯有著我對玩吓

再去SSP買啲布加工。

好在可以食飯時落去

開工!!!



漏咗幾粒鈕,加返
背心~完成


裁好啡色布,聯好布條先,再縫上去!
褲~完成


完成埋白色衫交叉
大工告成!

全個過程其都都唔難,每晚整啲整啲
係花啲時間心機一針一針聯
(如果婆婆用衣車就快啲,不過見幾(百)針就算!)

至於妹妹豬呢件現成買
著起第一眼望到自己著條紗長裙,
哇好靚呀~~個樣幾冧


冇加工,只係減工
因為條裙太長,挑短咗(婆婆代勞~)
出面啲紗要剪啲!
膊頭帶太長,要縫短啲。隻翅膀帶太長,又要縫短啲!

成個星期針不離手

登凳~ Jake and tinker bell

兩兄妹造型應該有啲聯繫

call me Jake~

呢個造型 我就好滿意,都算神似啦。。
唯一美中不足嘅就係對boot,
冇啡色boot(對martin仔唔啱,著唔係埋Martin仲型仔!)
本來諗住縫塊啡色布當係boot,不過又好似好怪咁,都係算喇!


Hi~ Tinker Bell


翅膀短咗先啱啱好,唔係跌落嚟
本來有個頭花襯架,不過太緊,姐姐幫手將佢變成頭飾

呢日化妝舞會,爸爸特燈晨咁早起身趕返嚟,
接佢地接我犧牲少少lunch時間
為咗送佢地返學!

爸爸媽媽送返學校好開心

睇返相,原來佢地笑得咁可愛

真係好可愛。。~ 
(原諒每個媽媽都覺得自己小朋友可愛~)

我個寶貝女~

我個寶貝仔~

慈母手中線~ 化妝舞會前密密縫
一雙手沒有美甲。。但有愛

只望你們幸福快樂!!!! 

10.27.2016

農場鮮奶@錦田

星期六出咗街,返到屋企成個散晒。。星期日早上,
又係未有plan嘅我哋。。諗住咁累,不如去啲近近哋食吓野就算!
於是又搵,搵搵吓諗起唔知邊啲地方有新鮮奶飲,於是出發!!

菇告話行大帽山一落山就到。。。於是照跟!

上山~ 好高呀。。。


蠢咗,應該停一停,睇吓風景!

對上一次上大帽山
係廿多歲時, 中秋節同埋哥哥啲朋友
突然間夜媽媽11,12點去燒野食
(果時我媽媽同爸爸都有去,成家都好爛玩!)

落山之後好快就到,路牌指示都算清晰!


啲路好窄,剛足夠一架車過



有對頭車就麻煩,要讓車!

好在入去時冇車


入到去自己搵位泊車,啱啱好有位!



{農場鮮奶有限公司}




一入去見到羊仔已經話要餵羊




天氣好好有枱可以坐出面~ 
爸爸去買野食先。。
牛奶到喇!!


平時都好鍾意飲牛奶嘅佢地



飲得好開心!


妹妹太陶醉

小檬賣吓廣告先


好好味啊。。

平時飲奶會肚痾嘅我,諗緊博唔博
咁難得入到嚟,點都要試吓啦!


飲完到返到屋企都冇事,非常難得


妹妹豬就係見到呢隻大烏龜驚。。。



馳名嘅餐蛋麵呀!!又真係幾好食喎!!



不過妹妹豬可能比烏龜嚇親

連平時好少食但又鍾意嘅公仔麵都唔肯食。。
驚到話要走!!

後來都食咗幾啖就唔食。突然間好多人嚟,

原來會有旅行團嚟參觀,啲檯開唔夠坐,
本來仲想食墩奶/茶葉蛋

見咁多人都唔食喇~

買左啲草就去餵羊



$3一束



雖然唔係淨係我哋餵,啲羊仔好似都好肚餓

你叫咩名呀?

快啲嚟食啦


似掃地多啲




再出去行吓~ 乳牛石!


到此一遊

沿路行咗入去 話有個蝴蝶園

扮行山



有個小朋友扭計


扮花=D


靚草


小檬見到呢個好驚...   
蜘蛛網呀。。

跟住又好興奮

又變咗兩個淘氣小寶寶

正經啲啦妹~

eeeeeee~ 

到喇生態園


可以話係冇野睇,又好多蚊,影咗兩張相就走。

沿路行咗15分鐘返去就走喇~
下次一定要試埋啲燉奶!