妹妹豬三歲喇!!

妹妹豬三歲喇～

仍然記得當初的猶豫不決，

現在你已經是位三歲嘅小女孩！

不再是小BB，是一個有自己性格思想的小女孩。
懂得很多事情，心思細密
相信是女孩子的特質吧！

你活潑可愛精靈鬼馬經常令我們發笑. 
和哥哥一樣愛笑愛玩時時刻刻都快樂
小女孩比男孩更爹，更令人窩心
拖著你小手睡，依然是媽媽最甜蜜的時候

trouble two 的你雖比哥哥trouble些少（不比較）
但很多時候最後都懂得道歉，知道自己不對
算是很生性了

感激小檬哥哥對你的愛護，令你也感到哥哥的那種愛，
很多事情很記掛著哥哥。
感恩你和哥哥相處融洽，互相關懷，
媽媽停下來看著, 感動不已

小手已經懂得很多，自己的路開始要自己行，
你遇到的困難, 開始要學習自己解決，
媽媽會細心傾聽，從旁教導，在旁提醒
不會全為你遮風擋雨，
因這不是令你成長的好辦法
不要說媽媽的不是，世上所有的媽媽都只為自己孩子好
希望你真明白媽媽對你的愛，理解媽媽為你們做的一切！

祝我精靈活潑, 可愛動人的妹妹豬
生日快樂！

妹妹豬兩歲喇！！
妹妹豬一歲喇！！

小檬5歲喇!!

小檬5歲喇！！

小檬, 這5年的光景過得快樂嗎？媽媽我，就非常快樂！

只要能和你過每一天，都是快樂的！

乖巧聰明，活潑開朗, 好動但不頑皮，

學習能力高，記憶力好，觀察力強，

統統令我鼓舞!!

切記不要只看到自己的好處，

要知道自己的缺點也一一改善！

愛錫妹妹家人，同學仔中的友善大使，難怪家人朋友都愛錫你！

稍後的遊戲開始了，來年將會面對一連串的挑戰，

媽媽爸爸一定會和你一同面對，一同經歷。

結果不是最重要，最重要是過程中學懂正確的學習態度，

正向思維。

請繼續用身感受生命，用心感受生活~

Happy Birthday to my dearest 小檬~ 

繼續在你背後，默默守護你的媽媽

小檬4歲喇！！

小檬三歲喇！

小檬兩歲喇!!

小檬檬1歲喇！！

小檬。第一個獎項

今年學校增設五個獎項，

學術，體能，紀律，音樂，美術。

散學禮就會頒

當知道有呢幾個獎之後，做媽媽嘅就開始諗，

究竟小檬會唔會得其中一項？

體能~

冇咩可能，細細粒，唔夠啲高大同學仔跑跑跳跳

音樂~

K1下學期先開始識跟住唱吓，雖然做到performance司儀，

不過我諗係因為佢啲普通話好。

美術~

畫畫都幾好，不過啲勞作就仲係麻麻，

整架的士變咗壽司=___=

最有機會就係紀律同學術

紀律~

我都相信佢喺學校好乖，因為咁多次見家長老師都係咁講，

老師都會話冇野好講，小檬太乖，根本冇野要講！

學術~

小檬都幾叻吖（自己覺得，哈哈）

成個學期都冇咩點溫習，小檬都好似跟到，

係有啲字仲未認到啫，不過見佢好似識就算

係前排啲字咭返咗咁耐都冇玩過，先貼吓出嚟，

哈哈，真係靠食老本。

另一方面我總相信其他同學仔一定有啲更加叻, 所以都係一半一半

到尋日即將揭曉有冇獎嘅時候。。。做媽咪嘅有啲緊張，

一方面好想小檬得獎（好容易理解啦）

另一方面又怕咁快就得獎會唔會好大壓力呀?？

（其實小朋友未識，係家長自己有壓力）

一開始就拎獎，下年冇咁點呢？？

會唔會更加失落呀？？

K1已經咁多野諗，幾時得嚟大？？？

媽咪又開始思閣失調！！！

 媽媽以為會出通告通知又或者家長園地有相睇。。。

差不多時間就不停

F5

。

F5

。

F5

。

F5

。

F5

。

" Award of Outstanding Discipline "

終於真係如我所料

好開心呀！！！

全班得五個獎有一個，已經好叻叻

都唔算係豬肉獎吖

雖然媽咪有啲想佢攞學術獎，

不過攞唔到學術獎，都唔算失望

自己放幾多時間教佢谷佢

自己心中有數！

我都覺得佢未係叻到全班第一，

不過頭五位都有嘅 =p

而且紀律都好重要架！

學術幾時都可以追，

但品行紀律自細就要好好培養！

(自我安慰中)

小檬其實都未係好識咩叫攞獎，只係知道唔係個個有，

我就話俾佢知道呢個獎係話佢係學校好乖，

老師校長都讚佢聽老師話，所以比佢，媽咪就會獎勵佢有份禮物！

咁叻仔，點都要獎勵一吓啦！！！

小檬, I''m proud of you!!

K2繼續努力

Happy Mother's Day

從小檬呱呱落地的一刻開始，我就當上了媽媽。

沒有上課程／沒有買天書／沒有看秘笈，

只懂每天學習，

學習如何當個好媽媽。

到最後發現原來不用學，

只要有愛，

便是一個好媽媽!!

又到最後發現原來我並不需要當一個好媽媽，

我只想當一個好好好好~好愛你們的媽媽~ 

祝所有媽媽們母親節快樂!!

小檬4歲喇！！

小檬4歲喇！！

從你呱呱落地到今天已經4年了

感恩你繼續愛笑愛玩，繼續乖巧，

只有晚上半點的terrible，幸好暫時已改善。

雖然你也有頑皮的時候，不過總算聽教聽話，

是個經常討人歡喜的小男孩，

怪不得身邊的親戚朋友也痛o錫你！

這年的成長很快，更加獨立，更加懂事，

可是這個社會，這香港，這世界比起媽媽的小時候更加複雜，

更加令人多預測不到的將來，

你要學懂明辨是非，堅持自己，不可隨波逐流。

媽媽會錫你,會愛你，但並不能永遠在你身邊保護你，

開始要學懂保護自己這才是最重要！

現在的你很有大哥哥的風範，隨著妹妹長大，

生活上亦會多了小爭執，

不過尚算相處融洽，一起時也相親相愛。

緊記妹妹豬是你一生的好手足，無論如何也要愛錫妹妹豬!!

感恩你的學習能力很高，記憶力好，觀察力很強，

在我眼中是個很聰明的小孩，偶爾也會認叻，

做媽媽的，也要好好的教育你不是每件事也是自己最叻最好，

學懂接受失敗同樣重要，將來才可以有更多的成功。

現在的你開始懂得更多，

請繼續用身感受生命，用心感受生活~

當媽媽的永遠在你背後，默默守護你!

Happy Birthday to my dearest 小檬~ 

Specially thanks Uncle KK for the photos~ 

相愛10年

頭幾年拍拖都有記吓一齊咗幾多年，雖然除夕好容易記，

不過結婚之後一直都冇咩特別慶祝。。。

而我成日都唔記得一齊咗幾耐=p

尋日心血來潮想問老公我哋拍拖到而家幾耐，不過都冇開口。

點知到夜晚老公叫我開信箱，話上海有朋友寄野比佢，叫我幫佢睇吓。

一睇信箱原本係棉花糖公司寄嚟嘅。。。

呢個棉花糖廣告成日係飛卜彈出嚟，我都有諗過整，

不過最後都係懶。估唔到老公整比我

原本我哋已經相愛10年 

老公今次揀相好有心思，由每個階段都有張相

拍拖，影結婚相，結婚，生仔，生女，一家四口一齊

盒內有揀咗相嘅真身對照

變成棉花糖嘅我哋，都冇咩走樣喎。。

比起其他由十幾廿歲已經一齊嘅人，10年唔係一個好長嘅時間，

可能我呢10年真係年年都精彩

.所以我覺得好長~

感謝你在這10年陪我走過人生的每一個的重要時刻！

 

感激我遇見你～

妹妹豬@ Baby Mo 成長日記

小檬一歲的時候，媽媽投稿雜誌的成長日記，

送給小檬的一歲禮物，待長大回味一吓，留個紀念。

當妹妹豬差不多一歲的時候，我亦開始準備，

待Cake Smash的相片完成之後，便投稿到雜誌。

同哥哥一樣，成為

今。月。之。B。

刊登的相片數量不多，揀相是最困難的一項。

所有相片都是出自己NT哥哥及KK叔叔。

全身照@ KKK叔叔

my little Sunshine ~ 優雅的妹妹豬

@NT 

陪我成長的哥哥 @NT

一樣的學行相，一樣來自己KK叔叔

  

Turning ONE Cake Smash~ @NT

我們這一家 & 睡公主 @NT

媽媽話~

有限的數十個字，就要表達我對妹妹豬的一切感受，

實在不容易~

希望妹妹豬都感受到這份愛. 

妹妹豬~ 送給你!! 

回顧:

小檬雜誌成長日記

湊仔事

有兩件湊仔事想分享吓，不過唔係關於我湊仔，係人地湊仔嘅：

第一件

同小檬妹妹豬行書局，有啲木製嘅大型玩具可以比啲小朋友玩，

佢地就梗係行埋去玩啦。。。

有個大約歲幾嘅小朋友玩緊間大屋，小檬同妹妹豬就玩隔離嘅廚房喇。

唔係想講啲小朋友有衝突，而係呢位小朋友嘅媽咪著住件超低胸嘅背心，

烏低身同個小朋友玩，仲要係好偉大果種，其實有冇理過其他人感受嘅呢？

有冇諗過你想露，唔係個個想睇嘅呢？

點解明知係要湊仔，又要著件咁低胸嘅衫呢？？不過作為女人見到都唔知點咁，

我當然明白人地著咩有佢地嘅自由，我梗係冇出聲，亦唔關我事，

所以喺自己嘅天地同大家分享吓～

第二件

尋日落咗會所泳池游水，玩完先同妹妹上屋企沖涼，

小檬就同舅父繼續玩水，我地攞咗好多沙灘玩具落去玩，

有兩個兩歲多嘅小朋友（可能係twins兄弟）想攞啲玩具一齊玩，

佢地未係好識講，小檬冇話唔比佢地玩，好似冇咩所謂咁繼續自己玩，

但係佢地媽媽就唔比佢地攞，話係人地嘅，果兩小朋友開始扭，

媽咪都拉佢地唔住，

舅父應該唔識handle呢啲情況，我離遠見到，

就抱住妹妹行返去，就話不如大家一齊玩啦，小檬都要同小朋友一齊玩喎。。。

跟住果兩個小朋友梗係唔客氣啦，佢地媽咪就淡淡然咁話，咁你地玩啦。。

唔好話唔該多謝，連一眼都冇望過我，冇理過我呢個無謂人，

呢兩位小朋友未識唔該我唔緊要，我借比小朋友玩亦唔係要你講句唔該，

不過我真係唔明白點解有啲人可以咁冇禮貌。

其實我都有啲慶，點解我要對呢啲人好？？

算！！！我只係要做我認為啱做嘅野！

身教好緊要，不過無論小檬睇唔睇到，知唔知道我都會咁做。

而呢啲家長，佢第時見到自己小朋友冇禮貌，應該知道點解！

繼續相親相愛

小檬已經當了哥哥一年多，究竟這年多兩兄妹的相處係點嘅呢？

而當初好錫妹妹嘅小檬，又keep唔keep到呢團火呢？

妹妹初生到未識喺high chair嘅階段，
小檬會幫手餵奶拍拍瞓教，錫錫妹妹。

衝突最多就係嘈醒對方。
不過都係小檬玩得大聲嘈到佢, 因為妹妹少少聲就醒
小檬好瞓得, 瞓左話之你果隻!

妹妹爬行階段呢，都繼續係錫錫同攬攬。

妹妹都仲係一舊飯，冇咩交流。

就係最驚妹妹爬緊小檬踩到佢。。好在都未試過，

因為我地都係人釘人戰術，唔會淨係得佢兩個獨處。

妹妹大啲識扶住學行喇。。。小檬都好容易行嚟行去撞到妹妹。

互動就多左好多。小檬好鍾意攬住企喺到嘅妹妹，
有時會用手cool頸，好容易出現捽角情況

呢個階段妹妹識用手去攞小檬啲玩具，小檬都會好緊張話妹妹唔準攞，

我地唯有美化件事，好似話你砌個lego車咁靚，

妹妹想睇吓, 咁樣小檬就會樂意比妹妹睇

妹妹而家識行識走喇，明明好多玩具喺面前都唔玩，

要玩哥哥果啲，哥哥玩咩，佢就想玩咩。

唔爭好似唔安樂，妹妹仲係一舊飯階段
我都會叫小檬比妹妹玩，
大啲就改變策略, 
我唔可以比妹妹覺得，哥哥咩都會讓佢，
所有人都要讓佢

妹妹可能學左，一爭就得，一爭就有
都咁高咁大喇
要公平，一視同仁！

現實好殘酷, 唔係細就一定被人讓!!!!

(不過我都會睇情況，例如一齊去到公園玩滑梯，
如果一齊到, 出於愛心就可以大譲細！)

但妹妹出手爭我就唔使小檬讓，

唔想妹妹霸道，但同時要話比小檬知，妹妹唔啱，

如果玩具係共同擁有
冷靜返會主動叫小檬同妹妹一齊玩

分享先會更好玩

如果玩具係妹妹嘅，小檬就要問準妹妹比唔比佢玩

小檬會好認真問妹妹，可唔可以比我玩，

妹妹永遠都點頭"唔"一聲

妹妹唔想嘅都要尊重返妹妹

因為玩具係佢嘅，所以佢有權比定唔比

我都唔知咁諗啱唔啱架，

不過純粹自己覺得呢個方法啱自己嘅小朋友

因為小檬都肯聽我地講

                                                                                                                             

大部分時間都會一齊玩，唔會自己霸住

哥哥唔會淨係自己玩，會同妹妹有互動

妹妹成日都比佢氹到好開心

見到佢地一齊玩，媽媽自然好開心

有好野，小檬一定同妹妹分享

唔會自私, 唔知大啲會唔會都繼續呢?

影相排排企

cool頸黨

比哥哥訓練得多，企得穩咗! 

總有投訴嘅時候 

 熱情吃不消

 糖癡豆

 大唔一定比細叻, 

細嘅都可以好叻豬，餵返哥哥

兩個坐埋  

就咩都玩得一餐 

食，要一齊食

笑~ 

要一齊笑

小檬真係好錫妹妹，試過有兩次啲親戚朋友講笑話抱走妹妹喇。。
小檬以為真，即時刻喊咗出嚟！！
果刻知道佢真係好錫呢個妹妹。

希望你兩兄妹要繼續相親相愛呀～

妹妹豬一歲喇！！

@19.02.2015  大年初一

妹妹豬一歲喇！！

雖然你是媽媽第二個小孩，但對你的愛一點也沒有比哥哥少。
相反，會更加對你著緊，不想因為你是第二個而變得忽略了你

你成長的每一步，依然令我們興奮，你的笑容，依然融化我們的心

湊一位小孩忙碌，兩位更不知道時間何時溜走, 雖然比只湊哥哥辛苦，
但每天看到我心愛的女兒，心裡總是甜甜的!

感恩哥哥非常愛錫你，你也要和哥哥好好相處，
不可以因為自己是妹妹, 是女孩而恃寵生驕，
媽媽不喜歡有公主病的女孩呀!

感謝上天給予你的到來，為我們幸福的家畫上一個完滿的句號

祝我的妹妹豬生日快樂˜

小檬三歲喇！

小檬3歲喇！

不經不覺間，你已經由一個剛從媽媽肚裡出來的BB
變成一個有自己性格思想的小孩。

你天真開朗的性格真的為我們帶來很多的歡樂,
愛笑愛玩令你時時刻刻都快樂,
trouble two 的你只有半點的trouble，
直到到現在依然乖巧，真的很感恩!

你開始了學校生涯，離開父母獨自到學校上課，
怎樣也想不到你第一天竟可以乖乖的不哭自己乘坐校車回到學校，
媽媽實在以你為傲！
看到你的校園生活那麼愉快，媽媽也感到高興！
現在你學懂的事情說話，不只是從我們身上學到，
與你談話，實在有很大的驚喜！

今年，你更成為哥哥，兼備起照顧妹妹的責任。
媽媽亦很感激你這樣愛錫妹妹，雖然你偶然也會推開妹妹，
不過講解後也會知錯道歉。
記著成長路上要互相扶持呀！

雖然媽媽未能所有時間和你一起，希望你也珍惜與我一起,
與我們一家的每分每刻!! 

Happy Birthday to my dearest 小檬!!

永遠愛你的媽媽

小檬兩歲喇!
小檬檬一歲喇!

Especially thanks for NT photography 

最珍貴的禮物

還記得當初猶豫是否應該再生第二位小朋友，

眨眼間，妹妹已經扶著企了。

坦白說，想要B be的時候也沒有太多的計劃，

只覺得好像兩個小孩比一個好，於是便試試。


感恩很快有了B be。雖然也殺我們一個措手不及

之後的安排也需要些時間才能安定下來，

但現在總算不是太差

B be 出世的時候，小檬剛到了聞風喪膽嘅trouble two，

很感恩小檬沒有trouble, 亦很錫B be! 

現在還有兩個月就到三歲的小檬，

這大半年間成長很快

由BB轉變成小朋友，更有自己的想法，更有自己的性格

B be的出現，如果處理得不好，很容易令小檬和B be 關係變差

幸好初生時,小檬已經很錫B be


到這個幾月B be 懂得與人互動

兩位小朋友碰上的時候，

總令我更加覺得我們的決定沒有錯！

看著你們，心裡有一種說不出的開心和感動。

一起生活

一起吃

一起玩耍

一起學習

(玩具反斗城catalogue)

一起分享

一起開心過節日

一起渡過特別時刻

兩位小朋友在我來說亦令我可以分散注意力，

無論好與壞，也不會過份緊張。

湊一個小朋友時間過得快，湊兩個更不知道時間往那裡溜走。

令C9的媽咪更C9 

盡管媽媽未能整天一手一腳湊你們
但愛你們的心是不會改變

媽媽會時刻緊記公平對待

將來有更多的事情由哥哥和妹妹互相扶持。

有人說，兄弟姊妹也有可能不和

也不一定相親相愛


但，凡事總應該由正面出發

將來的事，又有誰可以料到

看著你們每日成長

媽媽已經心滿意足

可愛妹妹傍總有個傻哥哥

當哥哥的，記著要保護妹妹

這世界上，唯獨是親人是沒有可以替代的

一個陪著你成長的伴,是過後怎樣也不能尋找到的。

雖然長大後可能各走各路

但都希望你們各自各精彩

到最後要記住兄妹每天快樂成長的點滴

這是爸爸媽媽送給你們最珍貴的一份禮物

珍惜兄妹的緣份, 永遠相親相愛!!