N班大作戰~小小總結 2

之前in嘅兩間，已經有咗結果，
1間reject，1間waiting

第1間都預咗架喇，出名難入，又揀家長。

但係第2間結果反而令我意外，因為成個interview過程小檬都算好好，
唯一唔好就係經過個廚房佢行咗去玩咗一吓，
之後先去Miss 果邊做指令。
我見Miss問佢所有野都有答。。。

唉.. 算啦，而家冇得考究點解會唔得都冇意思，
唯有又寄望之後果兩間啦！！

小總結:
已Interview : 5間  
offer: 4 間  (1間唔使in就有offer) 
waiting list 1間 
reject 1 間 

二月尾先有另一間in，
B be你要等哥哥in埋先好出嚟呀。。。
唔係爸爸會好lee hea架！

媽媽，唔好緊張啦。。你睇我幾淡定～

小檬偏食??

小檬出世時雖然唔係好肥，屬於中碼B，

未識行識走嘅時候，都肥過吓架！！！

到而家差不多兩歲仔，扯高咗，就變得偏瘦。

其實婆婆每日都準備咗有肉有菜嘅餸菜比佢食。

份量都OK， 就係唔知點解唔係好生肉，

可能佢坐唔定啦, 食飯又食好耐,

聽朋友講原來食飯超過30分鐘已經算係偏食, 真係唔講唔知!

上個星期個朋友就叫我上去呢個網站做下偏食測試

，check下小檬有無偏食,

http://bit.ly/1fYGP4n

結果係小檬攞3分, 都算有少少偏食

原來保兒加營素仲有朱古力味同埋即開即飲裝，又好似幾方便噃。

網站仲有啲食譜比我地參考，整吓啲唔同嘅甜品美食。等佢唔使咁悶

http://bit.ly/1bY2vdh

作為媽媽，所有比小檬飲同食的東西我都會細心了解清楚。

睇番資料，原來保兒加營素係咁多隻偏食產品中最多人用的，

仲係連續5年全港銷量冠軍, 兒科醫生都有推薦，
有效幫助偏食兒童提升體重及身高， 

追上同齡兒童的成長步伐，同埋加強身體抵抗力。 

營養齊全又可以增強身體防護力 咁我就放心比小檬飲啦。

Cheers!!

爸爸激嬲我。。。

前兩日，小檬爸爸激嬲我, 我真係氣難吓!!!!!

點知佢使出絕招小檬出馬

喺我剛瞓醒嘅情況下，

抱住小檬喺我邊叫小檬同我講。。。

第一吓聽到真係笑咗出嚟

已經嬲唔落喇~ 

到夜晚問返佢，已經唔記得呢兩句野!

經我提點之後再講多一次比我錄低佢先~ 

第二句，唔好嬲"爸爸" 我都講錯哂，

變咗唔好嬲"媽媽"添。。。哈哈

小檬23M喇！！

2歲生日都嚟緊，我篇23M嘅情況，
已經放咗好耐都未出到。。。

@26/12/2013

小檬23M喇！！

食

喺婆婆屋企同佢食飯就好好，不

過一到我地同佢出街呢，

就好快手食完要落地去玩。

我地成日話婆婆儲肥佢等我地放假佢又瘦返

（千其唔好比婆婆到，唔係實激C佢）

呢個月有買咗啲小朋友size 嘅維他奶／朱古力牛奶／比佢試吓飲。

佢都鍾意飲，不過通常唔會比佢飲哂一盒，

（其實已經細盒，仲要冇得飲哂。。哈）

其他零食，都係好細個角落頭，有時我食薯片，扮話好辣，

之後問佢要唔要，佢就會唔要。

瞓：

呢個係近期新問題，佢唔肯瞓，已經玩到十點幾，

話入房食奶瞓教佢都唔肯，

有時都比我氹到佢入房食飲支奶，喺張床同佢唱歌R背脊碌碌去之後，

最後都係要落地地

有一次已經瞌埋咗眼瞓，但突然又叫落地地，

之後好似魔人咁發顛。。。爆喊。

唉。。有時堅持由爸爸抱住佢喊，之後就累到瞓著咗。

有時老公唔想嘈住我，唯有同佢出去sofa，

其實佢已經好眼瞓，所以放喺sofa一陣佢已經瞓著，就係心野要出去。

有時喺婆婆都返屋企，見佢都有啲呆，

就再遊多一個圈車河先返屋企，搖搖吓就好容易瞓，

但有時佢見到明明經過屋企大閘唔入，佢就知，就會叫屋企呀屋企呀

呢排好啲喇。喺床同佢睇吓巧虎，

佢真係好鍾意，之後掃吓掃吓就瞓，

但係佢好鍾意lui落我隻腳到，成個人攬住我隻腳，

總之就要貼住我先肯瞓。

今月驚喜：

•       音樂頒獎典禮見到謝賢會叫旅行(三個小生去旅行)，但做果個節目時佢係無興趣睇
•       做貓屎媽媽會話比我地聽，但係佢又唔係睇果喎。
•       已經記得哂每日做過咩野，夜晚問返佢都答得到大部分
•       去到惠康比錢，佢主動叫EE，個EE開心到好似執到金咁
•       呢排有啲咩唔鍾意佢會話驚，明明睇緊好開心，之後唔想睇就話驚，好蠱惑。
•       記性好好，喺本魚魚書見到海豹，佢識Seal，我都奇怪問點解佢識，佢答我Minnie…basket, 原來隻免費disney VCD裡面Minnie講過Seal, 佢知道呢兩隻樣差不多，就認得。
•      顏色已經認得八八九九~ 紅黃藍綠粉紅紫橙
•      數數目已經去到1-20, 英文都係one 到twenty其實冇特別崔谷，有時同佢瞓數下數下，佢已經記得不過有時6同9會撈亂
•       記得哂我同爸爸，舅父，自己中英文名, 住邊到幾多樓
•        中英文發音都好準，cat。hat。bat。mat。全部都分到。但係舅父就”舅fu”. 巧虎就”巧do” 未改到
•        尋晚買野差不多八點先返到屋企，婆婆話佢叫佢去開門，掛住我，等我返。
•       之前都有扭要睇電話，而家我地會話電話／Ipad 用嚟做野返工，佢就唔會扭要玩

總結: 

今個月識嘅野又突飛猛進, 一日千里. 

繼續加油呀!!

自創歌曲 <提子包> + 靜夜詩 ~更新片~

原來之後upload 錯咗段片，而家整返啱先

聽聞而家香港樂壇青黃不接，淨得一兩位歌手，

(啲新歌手我真係一個都唔識)

小檬得知此消息後，突然自己作曲作詞，
推出第一首作品提子包，
希望為樂壇出一分力

再送埋靜夜詩給大家欣賞！
希望大家多多鼓勵!!!

呢個月開始小檬就有咗唱歌呢個concept（有音域果隻）

有時我會叫佢唱ABC，因為聽得最多，但都唔係好成功

反而有一日佢自己突然開金口自創提子包一曲~

真係笑到我碌低!!

靜夜詩就已經唔玩野，講返啱，仲唔使提水添～

不過開始有啲性格，

唔係即叫即做，叫佢做多次會話唔好=_=

巧虎。十月號

為咗快啲玩下一期（下期有醫生遊戲呀！！）

我決定早啲開十月號巧虎比小檬玩先！

今次嘅主題係家居生活事。

<洗頭。沖涼>

巧虎真係好明白小朋友嘅心態，

知道小朋友係唔鍾意洗頭，雖然唔知係咪個個都係，

但係至少小檬係。

啲貼紙準備咗啲唔同型狀嘅泡泡貼上巧虎爸爸個頭上

之後就可以用咭紙花灑幫巧虎沖走啲泡泡。

你睇佢嘅興奮！

可能佢心諗平時比婆婆整得多，

今次終於可以fei人喇！哈哈

又有教佢，只要洗頭搵對手遮住對眼就唔使驚，

問佢洗頭要點，好快就跟住做

洗完頭仔，就用風筒吹乾個頭仔，

小檬平時一見我地吹頭就驚，會坐上sofa，

呢個紙風筒當然唔會驚啦！

跟住列出一啲小朋友唔可以喺浴室做嘅危險動作，

例如，跑，自己擒入浴缸，自己開水之類。。

<家居生活規律禮貌>

不可大聲呼喊，奔跑。。。

<在家裡的禮貌>

<扮廚師煮餸>

可以用咭紙鑊產炒餸。

<認識動物>

之前啲書嘅動物係卡通，呢到有真動物圖片睇

好在小檬都識，

當然最好就去睇真嘅動物啦。。。

好野。。。等我快啲同佢玩下一期醫生遊戲先

Maternity Photo @ NT Photography 2

雖然當日氣溫都唔低，但係都係空曠大風。

之後再大草地有太陽就好好多。

呢張原意應該係好啲，

但係已經試咗好多次，

小檬已經冇耐性喇。。。所以，算啦！

如果咀仔前返啲會好啲，但我地真係試咗好耐喇

勉強冇幸福！

睇咗啲咁油膩嘅媽媽，

睇返多啲小檬先

有泡泡嘅地方就有小檬嘅開心樣！

小檬，真係好鍾意你笑得咁開心燦爛!!!

呢張已經成為我嘅wall paper喇! 

巧虎。九月號

九月號巧虎

今期講巧虎媽媽生咗個妹妹，
要教巧虎點樣照顧妹妹, 內容真係啱哂我地！！！ 

小檬見到巧虎妹妹~ 小花 不知幾咁開心，
呢到有啲用具，可以用嚟照顧小花，
餵奶啦，食餅乾啦，幫佢抹面，比搖鈴佢玩啦，
唔使教已經自己拎出嚟同小花玩。
雖然係咭紙，但係好實淨


我同佢講，第時就要咁樣照顧B be架喇。
（不過我有啲驚佢當B be 係玩具）


跟住開隻VCD同佢睇，睇到定哂型，
第二次就跟住巧虎跳喇。。

最意想不到嘅係，書本內有一首唐詩，係靜夜詩，

睇咗VCD加本書三四次已經識！ 
但佢好好笑，將疑是"地上霜"

講咗疑是"地鐵" (已經教返佢，佢又特登講錯）

臨瞓時問佢 
(而家成日古靈精怪，
無啦啦又講啲
 "Oh O" 笑C我！)

雖然成日特登講錯,但媽媽好滿意架喇～

有一part 講巧虎自己執野出街，

而家問返小檬佢就會話執紙巾／水壺同餅乾

呢part教小朋友分邊件衫爸爸／媽媽／哥哥／妹妹，
現真實生活小檬都識分我地啲鞋
邊個打邊個，到呢到都一樣OK

之後就係認物品，

媽媽帽帽/爸爸鞋/巧虎足球/小花口水肩

自己要貼返上去

小檬初頭貼個波波貼得唔靚，

佢好有心機咁搣返出嚟再過，

完成~ 

我掛住影相都冇幫佢，個足球佢都貼得咁靚，

希望佢第日啲勞作都係咁就好喇

最令人讚賞嘅係好窩心比咗個袋仔

方便裝返玩完嘅咭咭

如果唔係，又一地都係，唔見哂，冇得再玩喇~ 

1月誕生之BB

係FB見到呢個1月誕生之BB大招募

咁啱NT哥哥有小檬影嘅靚相，

所以就參加喇！

請大家多多支持投小檬一票啦!! Thanks!

http://offerpop.com/FacebookContestEntry.psp?c=518889&u=29225&a=376734382425564&p=1398166877084897&rest=0&id=2581647&rest2=0

聖誕禮物~巧虎

小檬收到嘅聖誕禮物中，

其中一份較為特別嘅就係小檬當過家長指引封面嘅

"巧虎"

睇返巧虎嘅資料先：

"巧虎"是在日本大獲好評的幼兒家庭教養育兒教材，

於本年9月由《智養寶》誠意帶予全港父母！

這套源自日本，

並在日本與台灣等地區受到父母和小朋友熱烈歡迎的育兒教材，

由幼兒學習好伴侶「巧虎」作出生動演繹。

教材內容不但涵蓋「生活認知」與「互動理念」，

還讓1歲以上寶寶輕鬆掌握「生活自理」、「品格禮貌」、

「表達溝通」、「智能啟發」、「語彙表達」等技巧。

透過巧虎作橋樑，陪伴正值探索階段中的寶寶開心成長，

並成為一個有禮、乖巧兼富責任感的好寶寶。

呢個係聖誕特別版，個包裝好靚呀！

聖誕老人袋裝住三期嘅教材

小檬一見到隻老虎仔不知幾開心！

今期有: 

遊戲書+貼紙

生活律動DVD

學習玩具~小花妹妹

Parnting guide 

認知貼紙書

巧虎分寶寶版及幼幼版，

小檬就嚟兩歲，所以已經可以用幼幼版

巧虎喺日本好受小朋友歡迎架，

假期要搵一日同小檬玩下先！

Happy 2014

Happy New Year !!

祝大家新一年~媽媽們開開心心，

BB們健康成長，聰明活潑！

2013小檬回顧：

過咗一歳生日，第一次過農歷新年逗利是

去過太空館／科學館／圖書館/海洋公園／迪士尼（X2)

睇嚟咗香港嘅龍貓，大Duck Duck 

開心過中秋節／萬勝節／聖誕節！

其實仲有好多好多...

而檬媽呢，就又榮升準媽媽喇！

2014年應該係充滿挑戰嘅一年

B be出世，小檬返學，工人姐姐返工

（終於面對現實，請咗喇）

希望一切順利啦！

大家加油！