Baby G 寫真 ~ 1

<Only for Blog 友>
如果你睇到呢篇baby G嘅肉照,就即係已經add 左你了!

Baby G 喺17日人仔嘅時候，小學同學TC (freelance 攝影師) 幫同佢影左輯相~
十分喜愛!!!!!!!!!!!!!!!!

好平靜....






Baby G 啲毛毛幾勁!

好似post card.....但主角變成Baby G



第二個埸景~

得戚樣~


瞓著都識笑~




懶洋洋~


好chok~




呢張好似充滿好奇!


待續...

Baby G Blog 私有化

各位Blog友仔 ~~~

Baby G 陸陸續續開始新一頁~ 

為保障少少私隱.........

所以, 將 Baby G 嘅blog 私有化  。。。。

  如果大家有興趣想繼續分享佢嘅成長~

麻煩留個言話我知吖~~~~~~ 

(只add有寫blog嘅朋友

)

Baby G 滿月點滴

生咗baby G先安排訂彌月酒席，雖然只係兩圍，
 但好在㫓開嘅洒店中菜都可以比房我地，
始終有個private area 好d！

由於只係簡單兩家人食飯，所以冇諗過搵decoration 公司，
不過都需要一個簡單嘅backdrop,
多謝Cherish decoration 嘅Ron EE 送給我地嘅backdrop!!!

So Nice!!!!!

咁高興，又點少得一個蛋糕呢。。。。
我揾左Kitchen B 幫我做呢個蛋糕

http://kitchenbbysam.blogspot.com/

佢嘅蛋糕真係做得好精緻！！

又好好味!

後面嘅盒都好靚，我已經keep 好，留比Baby G 裝玩具~

呢個topping唔捨得扔，拎左返嚟屋企!


同bb去街真係好麻煩，Baby G一扭起上黎大哭好煩！

滿月當日中午到咗99度，之後返左娘家婆婆度，比左支奶食先出去,所以去到，仲瞓得好淋，冇大哭，
我好驚佢會用呢招,好在當日佢都好乖，瞓下醒下!

冇諗過擺滿月都咁累，又要招呼人，又要影相，又要安排酒店起菜，
到食飯先坐低休息下，又要換片餵奶，
同結婚一樣，唔知食出個乜！結婚都有兄弟姊妹幫下手，
呢度都係我地攪掂哂！

我個樣頭髮都亂哂,唔怪得會變成C9!經過一日，
我地返到屋企真係散哂!!

細心記下Baby G 的。。。 1

BB真係大得好快，大個咗個樣又會變.

所以雖然好累，都要多啲望吓佢，影吓佢個樣，好好記住!

Baby G一對眼都好大，似乎似爸爸多啲，因為我對眼好似圓啲.
而家睇好似係單眼皮，但其實細心睇係內雙，有人話之後大個會睇到多啲!

佢對黑眼珠，佔左大半.....!



佢啲眼睫毛長到呢。。。。。仲要係孿孿㗎，真係羨慕死我喇
(雖然我都長，但係唔夠孿！)

尋日去健康院，比兒科醫生讚佢啲皮膚好靚，
我冇諗過會比人讚，好開心！！

(如果係我仲開心)
醫生話佢皮膚白白，又冇咩粒粒，(其實都有一粒半粒)
佢話好多BB都會有油脂粒, 自己會退!

其實我大肚時都有介口，盡量盡量冇食啲有毒嘅食物，
不過一舊燒鵝。一兩隻蝦，蝦餃我都有食，唔係介得咁清。
我覺得BB天生係點就點,不過我做到嘅都盡力去做!
唔想有問題先怪自己!

懷孕後期我冇特別食好多人都有食嘅白蓮鬚清胎毒，
我問過中/西醫都話冇咩清胎毒, 其實民間智慧都可一試,不過我懶...
只係食吓腐竹白果糖水。。芝麻餬。。。杏仁糊／茶。。。

我同事聽護士長朋友講話食多啲杏仁皮膚會白凈啲！！
所以我就買左有機杏仁粉，加入媽媽奶裡面飲
(有機安全啲)
同埋杏仁好似有小毒,唔可以食太多，
不過我跟包裝上嘅份量應該冇問題，所以大家要問清楚!

待續...

Baby G 滿月了!

26/02/2012

滿月喇！！

喺超忙嘅時間裡面，時間走得仲快~ 

而家好興百日宴，但係我地都係攪左最傳統嘅滿月！

百日宴可以等BB大個啲，硬淨啲先見大家，但係我地想跟番傳統，
又唔想隔咁耐先攪，想快啲同大家分享呢份喜悅！

早上去左嫲嫲屋企拜神，食完午飯之後，
就返去我家拜公公，即係我爸爸，相信爸爸見到Babg G都相當開心

之後小休一會, 裝身之後就去酒店

Baby G 型仔嘛??
Ivy EE送嘅Adidas 鞋仔大咗少少,但都可以著去威下!


媽咪湊 G C9 Look!

我地5:30到達 , 襯未有人到, 影下相先!
不過同bb影相好難,好難得呢張佢咁精靈

之後陸陸續續有人到
影張合照先!

我地訂咗個生日蛋糕比Baby G

呢個係Baby G嘅表哥仔,而家1歲多d,第日可以一齊玩!



我地只係少少地自己家人食飯，所以只係2圍
最後大合照~


禮成!!!!

 我地返到屋企,散哂!!!

湊G~餵奶

新手媽咪除左換片／沖涼之外，仲有餵奶

餵奶

有咗baby G之後都諗住餵人奶,所以都有去聽下講座,
而且喺仁安時實戰都有姑娘再教下,所以返到屋企都餵得ok.

不過,都有好多困難!!

大部份BB鍾意食食吓瞓覺，Baby G 都唔例外！
所以要成日睇住佢有冇食緊， 有時佢只係咀郁郁， 根本冇啜
當佢一瞓或冇食喺度嘆奶時，就要叫喊醒佢,彈佢耳仔。。腳仔，
而家佢好頑強，咁都繼續瞓，我就攝隻手入去件衫到，或者用濕棉花凍佢！！
 (好變態呀....哈哈！)
或者掃掃風，等佢醒醒，
雖然人奶唔係好多風，不過姑娘話掃吓等佢舒服啲,
如果佢醒返而佢肯，我會再比佢食

而且每次食都要成大半個鐘，佢地食得15-20分鐘又唔得，
起碼要食到半個鐘怎至一個鐘
因為要佢食到前乳同後乳 如果只係前乳會唔足夠飽，
到時好快又呱呱嘈！！！！

人奶B好快叫肚餓，大部分人會覺得因為唔夠奶...
但係其實人奶好易消化，所以佢好快就叫肚餓！！
不過有時我都會等佢喊一陣先比佢食，等佢食得快啲!

雖然我都算夠奶,但我都有補奶粉,有時夜晚太累,老公就餵奶粉
. 好在佢兩樣都肯食, (我用TT奶樽)

有時食到咁上下，佢唔想食，就會用條利仔頂返出嚟,
跟住沐埋個咀再加縐眉

如下:

比佢激死!

所以坐月大部份時間都係餵奶...
 餵人奶預咗係辛苦,尤其係初初返黎果一星期,媽咪本身已經好累
,又要個零鐘餵一次,又換片...
真係累到人都顛(遲d再分享)

不過見到佢食得好,食食吓好舒服咁瞓著個可愛樣,就咩都冇所謂!

而且, 要珍惜可以抱住BB嘅時間!!

湊G

作為新手媽咪的我, 之前都有睇好多資料雜誌點湊BB,
但埋牙實戰,好似又係另一回事!!

換片
Baby G 一換親片,大部份時間都會大喊!
梗係啦~凍冰冰要除人條褲，用凍凍棉抹pat pat!!
所以，換片的地方&其他所有物品一定要好就手,
為嘅就係一個字，快！！ 

(尤其三更半夜好眼瞓果時！)
本來諗住喺我地床換，但係發覺太低，
我地要烏低身體會好辛苦！
所以最後拎左BB房的貯物箱到我地窗台，位置就啱啱好。

Minimoto 換片墊:
呢快換片墊好好用，我買左硬身，好方便一要換片時放BB喺到
我放左條毛巾，當除o左片片，即刻放喺BB pat pat 墊住，以防BB突襲！



Soft Touch 清潔棉:

我冇用濕紙巾，唔使用噤多化學野驚BB敏感, 
用水濕好棉，放喺盒到備用，但係有時都會即刻用熱水整，等BB pat pat唔使噤凍

pat pat 膏:
我買左同Mustela &amp; Biolene，我覺得Biolene抑制份量好似仲容易d，用完我都會再買Biolene

片片:
我餵人奶，要知一日有冇7快濕片，所以放好7快出嚟，用完就知合格！
（本來最初每日都有mark 低每日大小嘅次數，但之後實在太忙同太累。。。同次數實在太密，所以最終放棄！)

Baby G 一出世就用Hiuggies 嘅0碼，佢唔係大碼B，所以啱啱好，但用完轉左merries 嘅新生兒，比0碼大小小，不過都可以。
兩隻都冇咩漏尿嘅情況，不過夜晚太耐冇換，都有小小～

心心盤:
係用黎裝住啲dirty嘅片片同棉，唔用混亂嘅時候亂咁扔!

(呢個裝野嘅盒係朋友送嘅BB衫嘅禮盒～)

BB嘅物品太細小，用一格格嚟裝就最好


沖涼
我對手仲痛（懷孕賀爾蒙影響。。。）
所以而家Baby G 沖涼都係由婆婆幫手,而且我都唔係咁敢幫佢沖～

Baby G 沖涼都算冷靜,都係除衫果刻喊o下...
佢都算鍾意沖涼! 除哂衫仲可以將個拳頭放哂入個口度日! 

沖涼又係要快，雖然開左暖爐，但都唔想佢凍親，
沖涼物品都係搵左個朋友送禮嘅盒裝好

沖涼液: Mustela  唔使過水，都OK

Body Lotion :   用左唔多次，因為Baby G 沖完涼又喊過，
我都唔想見到佢好似好可憐咁凍咁。。。所以就冇幫佢搽Face Cram :Mustela , so far OK~
抹舌頭: Soft Touch : OK 夠大快!
Cotton Ball. Cotton Stick : Soft touch OK 好用
士多啤梨盤: 裝水濕棉花球

情人節禮物!!!

坐月其間的情人節, 沒有想過會慶祝,但原來老公也有準備驚喜給我!!!!!

我們的愛情結晶,就喺情人節攞出世紙啦!!!!!!!
出世紙登記日期係14/02~

這就是我們最好的情人節禮物!!!

祝大家也有最好的情人節禮物!!

仁安分享

今次book左仁安生bb, 我揀左自己生, 其實我係想有個一路跟進自己嘅醫生幫我接生, 好多私家醫生都only 鍾意開刀,睇BK講吳醫生好願意接自己生嘅mami,唔會一味叫你開刀, 於是我先搵佢!

而且仁安醫院的服務十分好!!
入院

• join了仁安的package，基本產婦用品和日用品都包了，我只帶了睡衣,拖鞋 (其實醫院的拖鞋也OK) ; 可以帶廚房用的抹手紙，或厚身啲嘅tempo盒裝紙，方便清潔及唔會太容易爛.
• 我揀了4人房。我有要求同香港媽咪一齊，佢地都會盡量配合
• 見姑娘時要決定奶粉： 就算想餵人奶，也要先揀定。 &要決定兒科醫生, BB出世後，兒科醫生會每日和BB檢查&報告。

住院

• 每隔一段時間姑娘就會來量血壓
• 每天早上兒科醫生會報告我知BB的情況，包括大小便次數.聽力測試合格..etc
• 主診醫生每朝晚會睇我嘅情況
• 普通探訪時間是早上7時至晚上9時
• 餵奶房嘅姑娘除左教我餵奶之餘，仲教左我換片片，佢地有啲雖然好後生，但係都教得好好，好nice！
• 嬰兒餵哺時間： 共6節，分別為02:30、 07:30、 10:30、 14:30、 18:30及22:30，無論餵母乳或奶粉，按時去育嬰室，都可以親自餵BB。
• 嬰兒沐浴示範：逢星期日、一、三、五下午4時在三樓育嬰室。
• 睇BB時間：每日下午1時至8時，可以隔著玻璃窗睇BB，每節限時十五分鐘，每次只限兩位親友。但其實都可以多過兩個，不過如果太多人security 可會趕吓人
• 親子時間：只限父母，三樓育嬰室有兩節，17:00至17:30、17:45至18:15，五樓育嬰室有三節，16:15至16:45、17:00至17:30、17:45至18:15，有名額限制。所以要快啲報名
• 產後運動時間： 只限女士，逢星期一及四下午1時，地點是二樓物理治療部的運動室。
• 我第3日開始上奶，有需要可帶定奶泵去醫院，泵出嚟冇咁辛苦! 但唔知有冇得雪

出院

• 醫院嘅禮物包，主要是尿片、濕紙巾等嬰兒用品的試用裝。另外有BB First Album、嬰兒健康記錄冊和針卡，日後去母嬰健康院也要帶著
• 準備好BB嘅出院衫，拎到育嬰室給姑娘，她們會幫BB換上。 我唔知應該穿厚定薄，又有包被，所以我比多件姑娘幫我安排著幾多件
• 拿著付款收據和出院文件，就可以到育嬰室接BB。
• 核對身份後，姑娘幫BB和我剪掉手帶腳帶，我有keep 住手帶做紀念

Baby G 生產回憶 1

預產期是1月30日(初八)的我，已經問好醫生，
假如到時仍未有跡象，便要再約催生期

其實也有少許心急， 因足月便希望可快些見到BB！
亦可快些擺脫那些懷孕晚期的不適， 如腰兩則寃痛，
手腕根漲痛，手水腫，手指不能屈埋等等

（我知道其實baby G 已經算錫我）

原來Baby G也不想催生. 趕在初四早上作動！

初四那天有很多節目，老公中午要到老闆家拜年兼打牌
而我哥哥公司就安排在晚上一家人吃開巿飯！
誰不知給baby G 殺一個措手不及....

早上8：50

仍未睡醒之際，突然感覺到有一股暖水湧出，
直覺是穿水， 於是立刻叫醒在旁的老公，
再用紙巾看看有否見紅,已經抹到粉紅色,
之後叫老公幫我找孕婦衛生巾, 但後來才發現原來我根本冇買！
哈！因知道仁安的媽咪包已包括....於是用平時的衛生用品。
由於不可以沖涼洗頭， 我們便開始梳洗準備出門口，
情況比我想像中平靜， 只好像平時返工遲了起身的那樣行動快些少~

(但其實蠢咗,應該要吃早餐!)

去到仁安醫院是大約9點多，首先姑娘幫我檢查是否真的穿水，
 我都好肯定, 因不是少少的滲出！

老公另一方面就幫我辦入院手續.

確定之後，姑娘給我穿上醫院袍，換上孕婦衛生巾及網衭， 
我便送到待產房,睡在床上的我跟平時沒什麼特別感覺，

姑娘知我沒有吃早餐， 便叫老公買杯飲品給我，
才駁check BB心跳機同子官收縮機

過左一陣，吳醫生就到咗來睇我嘅情況，只開咗一度，
醫生問我想唔想快啲，於是決定落藥令子宮收縮快些 ！
check 官頸度數時真係好痛，果穜痛係冇辦法形容！
我覺得呢種痛仲腰心腰肺 

我痛到捉住醫生隻手， 係甘叫唔好唔好唔好唔好唔好唔好唔好唔好唔好唔好......
等我抖陣先，我仲不自仲扭住姑娘隻手指！
(之前睇過BK話有個案Mami 仲痛到扯住吳醫生條呔添!)

跟住姑娘同我講如果我需要聞笑氣就係側邊, 佢教我要喺有少少痛嘅時候，
已經開始要聞，要大啖大啖咁吸

如果痛得犀利，仲可以打止痛針，有四個鐘頭效力， 
但要過20分鐘先覺有效。

之後嘅片段都係迷迷糊糊咁有記憶,好多實際時間已經斷片!

進入呢間待產室時間好似係10點多，整頓好之後好似已經12點㡬,
初時嘅痛係可以接受的， 所以我都堅持唔吸笑氣住,
因聽人講到時迷迷糊糊仲唔識用力生！
不過好在我即刻問姑娘，佢叫我唔使擔心，有需要就吸，
同打針,唔係點捱咁耐~

佢哋部機會睇住我嘅情況，知道我的官縮及開嘅情度，
 差唔多就唔會比我聞就可以，
叫我千奇咪辛苦自己！

於是乎，整個下午我都是瞓喺床，一有少少感覺到痛就開始吸， 
吸果時有啲似做戲果d道友咁！
吸咗有少少wing 所以唔覺好痛,人就唔係太模糊,都知道我媽咪黎咗!

慢慢痛的感覺更強烈及密，我記得我䦎始要求打止痛針， 打完等20分鐘先有效！
打咗感覺好似好D,  其實都分唔到邊樣嘅效用好D, 我只係知道果一刻有咩就做咩！

我痛嘅情度都箅可以,可能有笑氣同止痛針幫手啦...都冇痛到大叫!

除咗喺張床度痛之外，就係好多急尿嘅感覺， 上床之前只係飲咗杯阿華田，
已經在床上的pan pan去咗一次小便之後,
應該冇咩嘢去，但bb越來越落， 令我有急尿的感覺，
所以姑娘叫我唔好諗！

迷迷糊糊過下過下好似4/5點，只記得就黎痛就吸...情況冇咩大變

又好似見到我媽媽， 我諗當時係6/7 點，
由於佢係心急人，中午畤佢已經嚟過，但只係喺度等， 我叫佢返屋企先，
所以佢呢個時候再黎， 佢問我而家點.....等等問題，
我已經唔太清醒， 仲點有心機答佢！

過咗我諗有2/3個鐘，bb再落d，更加有急大大的感覺， 
反而我覺得呢種感覺仲辛苦!!!
所有下面部位都好似被壓住， 我係咁話來想去大大！
d姑娘話錯覺黎架，唔好諗就得！

第一支止痛針過咗，我又要求打第二支，
之前聽過有人話打咗之後bb都要打返針， 但果在刻真係冇諗呢個問題，
同埋，我要相信醫生！

如是者，痛下聞下瞓下（聞左氣好wing） 到咗差唔多九點幾十點，就話可以入產房！
我記得入去之前見到老公食麥當當，我心諗，乜呢度有麥當當咩？
証明其實我都頗清醒嘅!

(原來我哥哥買黎比佢食嘅)

第一次瞓響床被人推住，情況好似拍戲果隻，望住d燈， 心情比想象之中平靜
去到產房， 已經有一個嬸嬸年紀的助產仕喺度，
當時又唔係話痛得好勁， 只係好似密左好多，呀B壓住咗所有嘢，下面果個位唔知想點！

之後醫生都入埋嚟,大家開始叫我用力，要好長的力， 
但用力時又唔好叫出聲，
試下出力生.....
嘩，大佬，用力嘅時就梗係叫架啦！ 點唔好出聲呢？？
我當然努力配合啦!

瞓喺度果張椅, 有個手抦同腳撐，
助產仕好似叫口號咁叫我, 一有陣痛時利用佢地"手推腳撐推~！"
 我做咗幾次，醫生叫我唔好連個人都移埋前，
 佢話唔夠位接bb架喇！
唉，咁用力就梗會自己都郁埋架啦~
我點顧到咁多呀~
老公喺我身邊不停咁重複助產仕的說話， 叫我加油，
仲同我講我手應該喺手抦上"推"，唔係"拉"，
唔知點解， 我覺得有手抦就係"拉" ...原來錯咗！

如是者，醫生叫我一有陣痛時就用力推， 其實就好似去大大咁，
我已經唔記得推咗幾多次，我估大約七八次，出盡哂力,
醫生話見到個頭髮，我心諗咁快??
我老公裝一裝仲以為係我D毛毛添！
跟住醫生叫我用力d，話BB心跳開始慢...我果刻真係好驚！

我唔知自己咁樣係咪已經係最盡力，成十個鐘頭冇食嘢， 
中間又痛又wing, 我仲係咪可以出更大嘅力？
果一刻想不如而家開刀啦, 我唔想BB有事!
但又知道只爭少少，冇理由甘就放棄，
 醫生話不如用吸盤幫下我，我梗係信醫生啦！
好在個吸盤係透明， 有cyber feel! 唔似係瑪加烈聽講座時見嘅鐡咁恐怖！

於是我用盡所有氣力加上助產仕嘅推肚+吸盤， 在各人嘅打氣喊吶喊聲下...
終於生左Baby G出黎!!!
果一刻真係成個鬆哂!!!!

見到佢成身血， 助產仕即刻放佢晌我心口，問係仔定女， 
我話完仔仔之後就即刻幫佢清理，打Patpat

我平靜落黎，等佢喊，等左幾秒，但好似已經等左好耐, 佢都未喊，
老公果時話，快d喊啦大佬...
呢一刻反而我係最驚！有少少淚光.....
腦裡空白一遍......

終於聽到大喴一聲，真係放下心頭大石！
(做媽媽嘅真係好多嘢擔心)

之後就抱左埋黎幫我地影左張全家福！
我仲勉強有笑容!

跟著我就繼續將胎盤之類排出，清好之後就縫針，
其實幾時剪， 我都唔知，所以剪同聯針我拫本唔覺得痛,
只係下面嘅各部位已經好似唔係自己咁,冇咩感覺！

生完之後，唔知點解我的脈搏跳得超快, 但我好平靜架喎...
醫生話部機係咪壞呀？ 再攞第二部來，都係咁...仲有血色素徧低，
於是醫生要我喺加護病房渡過第一晩!

待續...

Baby G 12朝喇!!

07/02/2012 {back issue}

BABY G 今日12朝了!!!!

湊B的時間簡直日夜顛倒,好像與外界隔絕....
新手爸媽亦努力學習,尚算合格呱 !

分享一下BABY G 這段時候嘅相片
BB樣真係日日都唔同!

BABY G 剛出世時,在仁安的相簿時的照片

27/01/2012 Day 2 

31/01/2012 Day 5

01/02/2012 Day 6

呢張超過chok~
Baby G 其實係雙眼皮,但影相仍未看到!

同一日影,但遮住下巴就已經唔同左樣
兩邊面珠應該用黎裝糧食~

& Gen Mami回覆 after bathing

今日媽咪同我梳左個 {型仔頭}

剛沖完涼,懞懞樣!!!

04/02/2012 Day 9
Baby G & Gen Mami回覆

Baby G & Dadi Mami

沖完涼, 今次Mami 同我梳個 {蛋撻頭}~~



06/02/2012 Day 11

逗利是!!!
媽咪話要正經啲~

04/02/2012

大哭~

Chok~

07/02/2012 Day 12

伸俐

扮可愛 ^^

Baby G
很愛很愛你~~~