Lesson 8 @ Bambini

最後一堂喇~

呢日佢好乖，一入課室就坐定定，
今次主題係vacation，
酒店食雪糕，上山看風景，同埋去海灘，
問小朋友想去邊到。。

之後就拎啲行李出嚟叫小朋友幫手執


比啲cap / 太陽眼鏡佢地戴,

叫佢地影相!


今堂勞作。

最後一堂未知會唔會繼續join 定係揾吓第間，
同啲姐姐Miss影張相留念先！

Lesson 7 @ Bambini

今次好乖，冇扭要玩先入去

今堂比較少人，得三位小朋友。

講camping。。。
有時我喺到諗佢地其實知唔知道發生咩事呢。。。
camping 喎，我諗我都到小學先接觸呢啲啦，
不過而家真係唔同哂喇。

set up 咗個火之後就燒野食。。。
Miss 準備咗棉花糖。
燒咗一陣子就食得。。。小檬係未試過食糖架，
不過我肯定佢唔食。
我真係了解佢，真係lur返出嚟，佢唔鍾意啲食物係林嘅。

結果我要我食～

今次勞作, 都喺爸爸同佢整

Lesson 6 @ Bambini

呢堂最曳！

趕頭趕命出門口，去到已經final call，除咗鞋洗埋手就衝入課室，
今呢日全滿，佢入到去唔使兩秒即喊，
我估計都係因為冇得玩，
唉，又考我點做嘅時候，我咪唯有同佢講上完先玩，
都好似冇咩理由喺果到凶佢，
於是我就快啲同Miss一齊唱歌，分散佢注意！

好在都好快坐定定。。。

有一part， Miss 拎咗個basket ball出嚟，有個BB都周圍走，
miss 就捉咗佢坐喺大髀同佢一齊拍波，
本來坐喺我大髀到嘅小檬突然間仰起頭

爆。喊。
不過係冇聲嘅，只係面部表情情度已經去到十級
嚇C我，好驚，
過咗三秒之後就喊出聲，好啲，不過都驚，
唔通唔舒服？
 即刻抱起佢，安撫佢，問佢咩事，
跟住我諗一諗，應該都係個玩字，
我諗佢見出面又有個小朋友，就以為自己冇得玩個籃球。
於是又扭。。。

唉，冇得比佢玩慘過咩。
同佢解釋話Miss講完就會一齊玩，
又比佢掂吓個波先囉，
我諗佢都唔會聽得入耳。
之後有得玩，就冇事......唉～

今次玩pompom佢又唔鍾意

又E口E面

可能都係桔桔地

爸爸同佢做勞作，你睇吓佢幾開心

可能爸爸都係亂嚟，兩個會玩得放啲
wakaka ....

今堂勞作，champion～

點解爛玩得咁緊要？
下堂叫爸爸陪佢上，睇吓會唔會好啲先?！

Lesson 5 @ Bambini

經過上次經驗，佢入課室之前我唔會比佢再玩，

洗完手之後就同姐姐傾計玩。
姐姐知道佢要玩，就快啲抱佢入課室先，
點知都係唔得，入到課室就喊，指住出面喊
唯有用其他野引開佢，到其他小朋友入嚟都喺到喊。。。
醜C怪！

唱welcome song 之後就好啲，我諗下次要夠鐘入去，然後衝入課室!!

今次主題應該係森林嘅動畫！

佢都好合作，Miss叫佢做嘅都好乖乖做。
第二part 又玩吓音樂instrument，
（上堂玩過，今堂再玩，所以我都有聽過啲家長唔鍾意呢點，
但我呢。。唔。。我都成日重覆講一樣野佢先學到，唔。。）

每人一個樂器, 佢被分到搖鼓，就唔鍾意，
要人地嘅吉他或者鋼片琴～

唔得架你要分享嘛。。。小朋友玩完先到你嘛。。。
唔得架你要分享嘛。。。小朋友玩完先到你嘛。。。唔得架你要分享嘛。。。小朋友玩完先到你嘛。。。
講到我都口乾

唉，我好驚佢喺到扭呀
好在都仲制止得住

第二part今次係我，整貓頭鷹樹林。
佢拎住個海綿，黐到啲顏料，就"E" 一音，

原來佢咁怕污jo架？？
好好笑～

之後放樹葉我就1比佢自己放（從旁協助佢）

完成

今次媽媽衫遭殃了

落堂之後比佢玩返夠本!
 

Lesson 4 @ Bambini

上星期母親節skip咗一堂，可以在最後補返（有一次quota請假）

今次上PG如常喺出面玩咗一吓，就入去上堂，
點知小檬唔肯
要扭返出去玩，仲扭到喊添，

呢隻仔真係玩就大過天！！！！

我都好想話佢，但果個情況，唯有同佢講話一陣先玩，
佢又點會聽，繼續喊..
Miss 都要開始唔理佢喇，唱Hello歌時就收咗聲。。。
勉強可以開始。

呢次超曳，Miss 拎每一樣野佢都爭住玩，
又走出去摷Miss個玩具箱！

今次topic係music instrument
Miss 拎咗啲吉他／搖鼓／鋼片琴。。。etc

小檬好鍾意鋼片琴，自己玩哂，唔分享比第二個！
我拎比第二個佢差啲又想喊！

好不容易先上完第一節

第二節，佢反而扭要癡住爸爸上，
好似未試過，唔通佢話我好唔比佢玩？

咁就叫完成嘅吉他

玩到襪仔都甩埋。

Lesson 3 @ Bambini

一個星期話咁快就過。。。

又係返PG時候。

本來諗住雞咳(呢個名詞係婆婆教嘅)咁早就去睇咗duck duck先，
不過到最後放左自己飛機！

今朝小檬瞓到10點先起身，同我地落去食咗個早餐之後，返上嚟已經要出門口！

喺車到叫佢瞓一吓，佢又懶型咁聽住Leslie嘅"想妳"望窗唔瞓。

去到探熱完，洗完手仔就開始，
今次坐低好乖，冇再叫喺出面嘅爸爸！

有6位BB上堂，應該Maximum嘅。

有一位一入到嚟已經喊緊，另一個就久唔久喊吓。。。

中間唱唱吓歌，小檬突然食起手手嚟，呢個係佢眼瞓嘅跡象。。。
跟住我唯有更加用力令佢對Miss講嘅野有興趣！ 

唱遊完，Miss問啲BBs有冇去個fishing，
我心諗，唔係嘛，咁細個點fish呀？
之後佢叫我地幫BBs除咗隻襪仔，同摺好衫袖，褲腳。。。

突然間Miss唔知喺邊到點樣拎咗個魚池仔出嚟

真係估佢唔到！

啲BBs將個撈fai嚟fai去，即係會係小檬同我個頭上出現。
仲要夾住啲水滴緊落嚟

之後有啲BB用手撻啲水水，更加多嘅水花喺面前出現，


撈呀撈，小檬都算乖，淨係用隻手去拎啲fish fish 算好斯文。



所以我可以偷吓雞影吓相


最後有個BB申埋隻腳入去玩添。。佢爸爸禁到禁唔住
（上PG BB時如果唔聽話或者扭計，搗蛋，好似考緊啲家長應該點做好）

玩完喇，抹乾手仔腳仔就break一吓。

今次下半堂，由爸爸試吓。

我喺條罅到裝佢地，
爸爸~摺高啲小檬隻袖啦，咁長佢點髹呀。。
爸爸~扶住個圖畫小檬先髹到架。。。

爸爸~ ~ ~

唉，算啦，我諗你地明見到老公做得唔合心水又出唔到聲音嘅時候，
唯有就係當見唔到啦！

"著"一聲，就唱Bye bye song 喇!

呢個就係小檬爸同小檬嘅傑作

好明顯，爸爸冇出手幫吓，
啲水草同啲魚係好癡纏咁一舊嘅！

Lesson 2 @ Bambini

都是媽媽陪檬上，今次入班房之後，小檬望住出面的爸爸，叫papa，
然後一副想喊嘅樣。。。
我即刻引開佢注意，好在冇再扭要出去。

發現Miss唔同咗樣，原來上堂係代課老師，
唔怪之上堂我聽到佢個名唔同啦，好在我啲listening都唔係咁差！

唱吓歌，學吓啲生字。。小檬今次曳咗啲，有想走出去拎miss啲教材。
Miss叫佢出去拍拍，成功之後我地都會讚佢，佢果個沾沾自喜嘅樣不知幾滿足！
其他小朋友比人讚之後都係好開心，
我相信我地比多啲鼓勵BB地應該會學得更加好！

break之後，又係手工時間，本來想同比爸爸同佢玩，
但諗到爸爸真係唔係咁容易handle到
就變返我喇。。。今次係油圖畫！

坐好喇，Miss 已經比咗個G字小檬, 係咪Gen 呀？？？


原來係Giraffe


Miss已經放好啲顏料喺檯上，有個掃比我地油
哇。。真係好高難度

我左手要"禁"住個G字，右手要捉住小檬隻手，佢隻左手又開始郁，
點顏料時，佢左右手又掃，又想拎個掃，
到我捉住佢隻左手時佢右手又伸去隻顏料碟到

唉。。原本諗住盡量唔整污糟隻手，驚佢食，
算啦，豁出去啦
由得佢用手掂到都冇辦法，
好在Miss呢個時候話啲顏料係可以食嘅好安全，我更加安心。

之後就用極速油埋，之後就貼貼啲點點同個頭。

終於完成！

傑作

我件衫都中咗招，想講應該啲媽媽都要買條圍裙先啱！
污糟手手！！


重溫小檬＠Bambini

Lesson 1

1st Lesson @ Bambini

星期日小檬上了第一堂PG。

呢班有四位同學仔，唔係，係應該同學女先啱，咁啱都係女同學。
上堂喇~
一字排開，小檬乖乖坐喺到
聽住老師講野，好乖，
明明唔知佢up 咩架，佢都眼定定我都驚佢會走去玩Miss啲教材, 好在佢冇
不過咁多次試堂佢都係乖乖咁坐喺到，
我應該對佢有信心。

Miss有叫每位小朋友
將啲學習嘅教材拍拍黐喺個板板到

到檬檬喇~
佢初頭唔係好知做咩，因為始終用英文同佢講，
我冇用廣東話解釋比佢知，因為我希望喺堂上面盡量唔講廣東話，
等佢自己摸索，我只係示意比佢知，
之後佢就著著聲咁起身，走出去貼好。
又著著聲好似有啲驚咁走嚟坐返喺我大脾到。

（唔知點解呢一刻好感動，好似小檬已經大個仔，
要自己面對做自己嘅事情，媽媽就喺後面支持佢，鼓勵佢）

佢好似識聽Miss講咁樣，好留心，唔會兩頭擰。

第二樣教佢嘅係Miss將啲動物放喺隻扭蛋到，之後叫小朋友擰開再貼上board，
我一見係扭蛋就知幣，因為小檬好鍾意，
果然，Miss叫佢扭開之後拍拍，佢淨係拎住隻蛋啦，
我要的起佢出去拍拍先得。。。
仲C lur住隻蛋嚟玩

Miss都有播吓音樂，但係小檬好似冇咩音感，冇咩un patpat果啲。

之後有個5mins break，比佢飲吓水水/ 玩吓


啲野菇可能有毒，唔食得架 !!


第2part做手工時間，今次好輕ken，只係畫畫貼貼

好似好用心喎~

小檬都有著圍裙仔，用支雪條棍畢膠漿，
小檬又只係鍾意支棍。。。

再嚟畫筆油油，佢都好似淨喺玩支畫筆

其實係我幫佢整

(點解話唔比影相，我又影到？因為其中一位媽咪問Miss可唔可以影，
Miss話其他媽咪話得就得，咁大家冇反對啲爸爸就入咗嚟影一兩張)
Miss 之後要佢拎住影張相。。。佢郁到暈

我的傑作


唯有我捉住佢影


後感：檬檬好乖，唔會周圍走去攪野，只喺唔捨得放隻扭蛋，
不過都冇喊，都係Err咗一吓，好快冇事。

呢件喺Ikea買1set2件，Miss話叫買啲長啲遮埋隻腳會好啲喎
其實有另一件仲長啲，不過佢太細粒，好論盡