校服鎖匙扣@姑里手作

多謝Little K 媽咪通知，
等我可以同小檬班同學仔組團整鎖匙扣！

經過一輪混戰
追交相片，相片像數唔夠大，再追，終於齊，
交錢，打表，相片檔案改名，upload相，
同supplier clarify資料，工廠開工，
收到貨，對貨人名數量，分貨，約交貨！

以上過程歷時兩個月！！

終於收到貨！
好得意呀～

如果已經有呢間學校校服喺到，就唔使再比設計費用

越多人一齊訂價錢就越平，
有興趣嘅可以睇睇啦～

姑里手作

母女裝

自從喺日本買咗母女裙之後
返到香港都未買過。

就只係同妹妹買咗件母女運動衫去小檬運動日

母女親子裝

有日見到呢套melody睡衣，於是又買嚟試吓

每一晚，妹妹豬好期待同我一樣著呢套睡衣

如果唔著又會俾人話 
"你唔同我一樣喇？"

跟住出街襯衫時，睇吓有冇差不多嘅衫襯到先～

呢日同妹妹豬著Minnie，諗起自己都有Minnie喎

 black and grey, same tone一樣得

白衫，花花褲？媽媽一樣有

white + pink ~ 都有 

Bland & White  。。 easy 

白色lace上衣+灰色沙沙裙~ 有

唔使買都襯到，全因揀衫買衫都係媽咪，一定有啲衫差不多！

  今年再著日本母女裙，妹妹啱啱好，真係要著多幾次喇！

點解我好覺得窄咗嘅？！ = (

拜年Look 。小檬

小檬初一同初二都係功夫衫，真係煩少樣！

不過都唔可以一個look到尾

年初三

eb kids係媽媽嘅產品，之前落貨都未結婚，

不過見靚都唔理，留件俾自己先

而家可以俾小檬著喇

年初四

呢件棒球褸仔好靚，係我好同事，

兼舊同學留俾小檬，真係開心～（<==媽咪，因為可以慳返啲！）

年初五 

 年初六

呢件wonder kids 係啲出口衫，面層可以煽水，

裡面有有薄絨布保暖。啱哂呢啲又凍又落雨嘅天氣，

多謝RB叔叔供應～真係開心～（<==媽咪，因為可以慳返啲！）

年初七

呢日太混亂，冇影單人照

呢件外套好靚,

兩袖唔同顏色

又係我好同事，兼舊同學留俾小檬,

 真係開心～（<==媽咪，因為可以慳返啲！）

年初一到七，小檬都著住對boom唔捨得換，
因為呢對係舅父買俾佢嘅生日禮物！紅色好襯新年前，所以冇換過～

小檬又邊個look最靚仔呢?

拜年Look 。 妹妹豬

新春節目一籮籮，都唔知由邊到寫起，

不如先嚟一個新年碌

睇吓小檬同妹妹豬嘅打扮先～

農歷新年去拜年，當然唔少得拜年Look，

個人比較喜愛簡單不浮誇嘅款式，

小檬亦開始大，拜年Look真係著埋一兩年就唔再著，

著返件功夫啦～

妹妹豬呢。。媽咪買咗件新嘅拜年衫俾佢，

點知大得滯又薄得滯，啱啱好返吓唔敢再凍親，

於是又摷返舊年前果件俾佢著，

好在仲啱著，因為舊年其實大咗啲。

於是年初一

就中國拜年look出場。

 年初二

唔想再著同一套衫，諗起舊年契媽媽買俾妹妹豬嘅拜年衫，

灰色桃紅色紗裙,今年終於啱著喇～

唔知點解我覺得呢啲衫一定要紮返個髮髻仔

於是膽粗粗試吓，要知道一個小朋友要坐定定俾你整係嘅咁難，

呢頭整完，果頭又散哂～～ （暈） 

好在個個見到佢都話得意，

雖然仲有少少唔舒服，不過都好精靈！

之後果幾日，冇咩時間諗，天氣又成

日變都係隨心

年初三

薯蛋頭先生其實係個散子包，

係之前同小檬兩個去食妹妹冇份去，

買俾佢補償嘅（其實係媽咪自己鍾意）

我加咗條紅色繩，就變咗斜孭袋仔。

裙仔公司辦＄50, 好抵

年初四

zara kida 鞋仔上年見到忍唔到手買定

年初五

Tommy cashmere 外套仔，同事辦，超暖

其實妹妹豬有好多對鞋，

不過每次俾其他鞋佢都唔鍾意。。

好在呢對三間高筒紫灰色波鞋都好好襯～

年初六

tommy外套仔公司辦 $50好抵

上年著嘅zara kids熱褲

  

年初七 

髮型方面，仲可以再多啲變化，不過一朝著完三個嘅衫之後，

都冇咩氣力再整，時間亦唔夠！

手袋仔有成十個係屋企，不過呢個妹鍾情呢兩個，

邊個造影型最靚呢？？

{淘} ～毛巾

雖然唔係第一年開學，不過都要睇吓有啲咩物品要準備。

N班中段運動鞋已經買過一對，

黑鞋之前嘅都仲啱著（因為最細都好大）

所以都冇咩要買。

學校今年要求小朋友每日帶一條小手拍喺袋，抹手抹咀都環保啲。

其實呢，屋企都有啲手巾仔，不過小檬想要佢偶像，

於是我又走去{淘} 吓喇～

質量好柔軟，應該都堅係原單！

喺精品店見到一樣架
rmb5

rmb3

巴斯依然靚仔，未見中毒情況，應該唔似A貨
rmb3

呢條最貴，唔知喺街賣幾錢？！
小檬指明要Forzen（男仔都可以好鍾意forzen）
rmb18

小檬/妹妹豬一人一條
rmb12

洗手間抹手巾～
唔知咩sanrio兔  rmb10.50 

Tsumori Chisato 呀～ 

我喺精品家居店都見過呢兩條
rmb18.5

真係好靚呀

rmb10.5 

  

格咗幾間價，都咁上吓，呢間叫多啲款啱心水，就揀呢間
{淘}毛巾
(如果有其他更平更好歡迎交流～)

其實我好鍾意買毛巾，因為覺得好靚，其實想買多啲。
不過買得太多又要搵位放，今次又第一次買，

唔敢買咁多，既然而家知道質量真係好OK，

遲啲再買吓先。。。

買野真係女人嘅強項!! 

母女親子裝

喺日本見到妹妹豬條裙仔，好靚呀！

 一見鍾情，於是就決定買，我都已經唔記得幾錢。

再睇原來呢個牌子有親子裝架！！

即刻問個sales呢個色有冇媽咪嘅？？？

 sales摷咗好耐話冇，

不過佢揭而不捨，再入倉到搵！

yeah，搵到比我喇！

(好在遇都一個同我一樣揭而不捨嘅人)

果一刻立吓個價錢就買

因為我知道啱心水嘅就要即刻買，

唔係返香港實後悔！ 

登凳~ 

果時都唔知夏天時候嘅妹妹豬啱唔啱著架！

雖然好似長咗少少，不過可以著多年，下年襯legging

小檬，唔好意思喇。。今次親子裙冇你份

純屬母女專利 ~ 

日本戰利品

雖然然只係4日3夜嘅日本，不過以我超強嘅購買能力。

買到一床都係，唔係難事。

雨衣

（大家買雨衣記得睇吓有冇書包啪鈕位呀，

咩孭起書包會好好多架！）

小朋友用品

化妝品/藥房

我真係好鍾意日本棉珠耳環/衫

鞋鞋鞋鞋鞋鞋

環保袋 

 star war 冰格，筷子 

香港好少見好

好錫小檬嘅表舅父好鍾意,買比佢

後感

其實4日3夜真係唔太夠，不過又唔想再同學校再請假

而且，又唔好意思自己去玩，放低妹妹比婆婆咁多日。

自己亦掛住個女

算啦，去多兩日我就更加血流不止

小檬一如以往，好肯行，唔會扭抱，唔使帶車仔，

介咗片，所有都好方便

返到嚟先發覺我一樣野都冇買比小檬爸爸

只有喺遊戲舖裡面攞嘅一個sega膠袋...

我諗我要再去多轉買返份禮物比老公至得!

新鞋仔／ 新羽絨／ 新風褸

妹妹呢排都係著住哥哥嘅舊嘅白色波鞋仔，好在白色都尚算好襯。

不過媽媽都成日心CC想返啲女仔鞋比妹妹。

可能睇慣小檬啲波鞋仔，唔知點解覺得女仔鞋好少覺得靚！ 

又或者有就太貴！！

於是上偉大嘅TB睇睇, 本來想淘對雪boot仔，

不過Jessie EE已經上星期買左比佢兩兄妹，

冇理由再重覆。

拖吓拖吓過年前的起心干終於淘到啱心水

揀咗日本原單

之前NEXT一條帶嘅鞋仔都成日甩，所以都買多對包實隻腳仔嘅。

呢對係有聲BB鞋，不過可以自己拎走個BB塞。

忍唔住再買咗對有帶

橫掂都買，又買咗件風褸仔比小檬。 

頂帽可以收埋

  

最後就係呢對Jordan，其實都冇計劃買，

不過有個中學同學兼同事佢入左啲鞋返嚟賣，

諗住呢對小檬著完第日妹妹著啲都好靚，於是都支持咗佢一對!

所以小檬都有新鞋過年喇！  

仲有其他款, 有冇媽咪啱？話我知啦 

而家著緊嘅棉褸係契仔嘅，雖然都好暖，

不過呢件羽絨又真係好暖喎！

同事F EE送嘅羽絨，兩年前送，

今年終於啱著, ISSUE原價1200

年尾減價，佢好似一折定兩折買

（太熟佢都唔介意比我知道價錢！）

所以過年前買定大少少嘅衫，真係會抵好多！

之前一買咗新衫同鞋， 都有啲時間心機影吓

已經冇影好多喇！

有時間再分享吓先！

因為買衫真係好開心架！！哈哈