3.29.2014

睇恐龍 + 自己叫麥當當

見到咁多人去睇恐龍,趁可以weekday去,又出走! 


嘩,隻恐龍真係好大隻呀。。估唔到唔使入去都睇到! 
我都諗過小檬呢隻細膽豬驚驚,但估唔到出面大果隻就唔驚,
反而入面果啲就驚喎~ 


year pass 會遲啲先買,因為今次得我一個,
咁啱星期三正館免費, 比$20都冇所謂。
睇完諗住走人,行過小檬見到麥當當,係咁講。。
麥當當。。。麥當當。。。

我都唔諗住同佢食,點知,我諗起廣告果個椰子新地,
我就投降入咗去試吓~ 
有啲搵笨,就咁淋啲椰子汁同啲肉就係。
本來諗住淨食雪糕就走,點知買野比錢果時,
小檬自己同姐姐講"細橙汁,細薯條,喺到食。"
姐姐雖然聽唔到佢噏咩,淨係收我雪糕錢,
但我唔忍心見佢講完冇得食於是又買咗比佢食。

(點解佢會自己叫???? 因為我喺屋企有同佢玩去麥當當叫野食,
我扮收銀姐姐,  佢扮買野食,買完再用手扮八達通do咗)


行去尖東站搭車,以為係總站,點知紅堪先係,
好在抱住小檬上車有人讓位在比我地,我叫佢瞓陣啦,
佢仲口硬話要睇野,
點知佢唔使兩秒就瞓咗,


我。。。已經好耐冇喺街到抱小檬喇! 
大肚之前佢歲幾,冇而家咁重(雖然佢都算輕身),
但我都真係覺得好重,之後仲要轉巴士(唔知道點解唔諗住搭的士)
見到㗎車就開仲去追車,真係辛苦,
不過幾辛苦都冇諗過叫醒佢,因為我都係慈母 ~ 


新Car seat

B be 出世之前都有係咁意睇過吓啲car seat ,不過未決定買邊張。
到B be突然搶閘出世之後都冇理過呢件事,諗住都未咁快出街,
去吓健康院都可以手抱住先。
點知老公啲同事今次又夾份買比我地,
(之前張Recardo 都係佢地送)
順理成章,可以初生用嘅呢張就比B be坐,
我地就叫佢地買張可以比小檬坐到大啲嘅


我地有去過吉吉島比小檬試吓坐,點知一拎落嚟佢就喊,唔肯坐,
不過呢張Combi 可以場3歲坐到11歲,千幾蚊好底, 
所以都唔理喇,叫同事們照買。

為免佢又發癲唔肯坐
返到嚟我就貼啲貼紙上去

佢初頭一見到都話唔坐,
我就用好浮誇嘅語氣話,
~~~~~~~好多貼紙呀!!!!
係woody/巴C嚟㗎!!!!

好在咁佢先肯坐咋
小檬都算細粒,仲要呢張比3歲先用得,
不過冇理由又買另一張比兩歲之後先換,
不過坐落都OK嘅。未至於好鬆動


有時同佢影,佢會話 :唔好唔好!!!

之前一路都唔知兩張car seat應該點放,
如果兩張放哂中間座位,
我坐前座冇得睇住B be又得唔得
(雖然有啲話佢都係坐嘅啫,唔使理佢,
咁初生car seat 向咗後面又見唔到
但我諗佢一喊我就會擔心佢唔知做咩) 

B be 


而家兩張car seat 就放中間排位,我就可以坐前坐,
我都試過坐兩張car seat 嘅中間,都未至於好迫,又OK喎!




諗住初時都睇吓B be習唔習慣,如果佢到OK,我就會坐返前坐

又攪掂一樣!!

3.24.2014

小檬碌吓碌吓

好懷念以前小檬喺床仔到碌吓碌就瞓著嘅佢
記得差不多兩歲時佢成日要話玩唔瞓,
一入房就發哂癲,有一排又要喺sofa度瞓, 真係咩都試
好在我大肚後期都已經叫做回復正常,
喺我地張床到碌,不過我就要身手敏捷啲,
因為佢隻飛毛腿會除時fing嚟fing去,我就要捉住佢唔好踢到B be,
唔知點解佢又鍾意瞓喺我兩隻大脾中間,好似生仔咁=_=


好喇,正常之後,就係我話要瞓喇,佢就會拎啲玩具入房,
碌吓碌吓, 望住啲玩具瞓
最經典係要拎個超大嘅停車場,我地當然唔比啦。。每日拎嘅玩具都唔同

爸爸或者婆婆同佢瞓又唔得
而家每晚我已經累到未瞓落張床已經瞓著咗,(好難明哩)
我仲要同佢玩東玩西,雖然我真係好愛佢,但係我都真係好眼瞓架嘛。。。

呢晚仲夜媽媽同佢切生日蛋糕,唱生日歌! 

(不過我又聽得好開心喎,哈哈)

有一晚就瞓低同佢玩,唔使講,梗係自己瞓著咗啦,
有時佢會話媽媽唔好瞓,
但係呢晚佢就自己玩,冇理我瞓咗喎!
 但當我醒返嘅時候, 就咁喇。。。。。。

佢差不多所有玩具都搬咗入嚟
爸爸喺出面對住個情人,點會記得阻止佢吖! 

呢晚又要砌puzzle, 可以砌到6個圖畫出嚟,


每粒有6面

老實講,我就覺得幾難, 睇到一舊雲,
但小朋友呢,對於玩,好多時就叻過大人! 
已經係兩三個月前買,而家已經可以自己砌到

首先砌好一個個character先

點解同一套睡衣仔嘅?因為佢日又砌

夜又砌 

完成!

今晚又砌 仲要話軒軒自己自己~好叻
笑C我

小檬: 媽媽~再多次吖。。。 
 (媽媽暈低喇@_@)

坐完月~

坐完月喇。。真係唔知由邊到講起!
萬千樣野想講,但每日都冇時間寫, 隨意講吓啦...
 (如果寫blog好似whatsapp或者wechat可以講就好喇
呢篇全靠兩個都瞓咗先可以咁順利!)

B be 好大食,差不多兩三個鐘,
呢頭餵完,掃完,果頭又話食,我好似每日都坐喺果個位置冇郁過。

婆婆已經好多野做,所以今次由我幫B be沖涼,
之前小檬我一次都未試過,但試過又好似唔係好難,
B be 沖涼都算冷靜,所以我都冇咁lei hea。

有時B be啲poo poo 真係好似肉醬,太勁,

所以我會走去用花灑沖,方便快趣!
小檬以前換親片都喊,B be又係好冷靜,唔喊嘅!乖

有時婆婆同姐姐煮緊飯,我又餵緊妹妹,

小檬如果扭吓計要東要西,你都唔知點攪。
已經多野做,我去吓廁所/食吓飯小檬會話唔好啦,
都要黐住我,瞓教又係我,瞓晏教,同夜晚都要我同佢瞓, 
當抱住B be 小檬扭住我嘅時候,
真係想仆暈是但一個!
有一晚攪掂哂一點先記得未沖涼
(好在已經坐完月,唔使用薑水)
到第二日先記得要沖,有日朝早起身掛住去餵奶,連牙都未刷添
小檬又未識自己走去poo,淨係poo完同你講,又要洗poo
喺屋企已經婆婆姐姐,有時爸爸幫手都忙到甩碌
我嘅樣就好似家有喜事嘅吳君如,差在冇啲鬚根咋,
完全明白點解會變黃面婆
我真係好佩服果啲FTM, 如果湊兩個冇工人姐姐嘅FTM 仲勁

我有睇余人生嘅產後調理,所以婆婆仲要煲中藥比我,早晚一碗
(仲有薑水沖涼,米水代茶,有時又要煲吓湯,燉吓野, 諗埋藏煮咩餸,
煮埋飯比我地, 姐姐仲要係月中先嚟. 其實婆婆最忙)


B be之前淨係肚餓先喊,不過而家都好似成日扭抱。。。
好細膽,小檬哥哥又點會就住玩啲玩具吖, 
少少聲都會嘈醒佢,又喊過,所以有時推佢去走廊瞓
小檬見佢喊又走去拍拍佢


B be 喊緊


叫妹妹睇mickey唔好喊喎
(我已經唔知幾時佢喺邊到自己取得Ipad)

周身唔得閒,真係冇時間同小檬玩,
呢日佢自己好乖咁玩
所以我一得閒就會同佢玩,唔想忽略佢

呢日就出走同佢去咗葵芳

食薯條 

走走走 



一齊sir梯梯 

星期日FB比同陽光玩遊戲嘅一家大細相洗板,
於是瞓醒晏教趁仲有少少陽光(其實係夕陽)
即刻落樓下同小檬玩一陣

四人自拍難度又高咗


媽媽嘅吳君如look 
嚇親 B be...haha

日落,又要返去忙碌過! 

3.23.2014

巧虎。11月號

生B be 之前已經寫好,不過未post,而家先記得post 返~

呢期嘅巧虎玩~ 

係醫生遊戲呀~ 
醫生箱裡面有聽筒/針筒/藥水/藥膏/探熱器/藥丸











有紙咭聽筒探耳器可以幫巧虎睇病


小檬似模似樣幫佢啲兄弟睇病。
喂~ 打針針唔係前面架,係打patpat架!


呢個聽筒一按吓就會出唔同嘅公仔話比你知道佢有咩病,
頭痛,肚痛,流鼻水.

今期童謠~ 小老鼠

認識家居安全

你睇, 喺屋企亂擒就會跌親屬架喇!! 




認識家庭用品








玩完嘅咭咭入好落袋,就唔使下次玩唔見啦

每期都有家長手冊,今次有講寶寶哭鬧嘅處理方法

真係明白到咗呢個階段我地會遇到嘅問題!