美素佳兒親子微影集

早前參加咗美素佳兒網上嘅親子微影集
呢個微影集，係upload 媽媽同寶寶一齊共處嘅美好時光相片。

以為就咁喺網上同分享比朋友睇，點知。。。


我今朝收到email通知
原來會做廣告，仲係大型廣告牌！！


美素佳兒親子微影集戶外廣告模特兒歡樂片段
展示時間28/06～18/07沙田大會堂(担杆莆街) 巴士站候車亭
大型廣告燈箱
未去睇呀，唔知係點嘅呢?! 我都唔記得比咗啲咩相，不過我記得啲溫馨語句我諗得好辛苦，
所以後尾好似有啲求其

睇吓邊日去影吓自己先, 希望唔好有人幫我加鬍鬚啦!!!

小檬17M喇!!

@26/06/2013.

小檬17M喇!!

差啲唔記得咗添！
好忙，好累。
小檬呢幾日夜夜都唔肯瞓，要扭出去玩！

我皮膚敏感食咗啲藥已經眼瞓到爆，好在佢跟爸爸，
我都唔理得佢兩個咁多，最終都12點幾1點瞓。

沖涼洗頭，唔肯洗頭已經係事實，仲加多個唔肯沖涼。
你係咪想加入丐幫呢？

食
出已經唔係好肯食我地煮嘅野食，要食我地果啲，
所以有時都唔徙心機煮比佢帶出街食（喺屋企就食因為熱辣辣好味，出到街啲飯仔點都冇咁好食）
不過小朋友鍾意嘅豆腐呀／蒸蛋呀佢係唔鍾意嘅，
佢鍾意有得咬嘅食物。
佢又好多野唔肯食，有時一唔食就lur，好煩！
同佢食完一餐飯，啲飯餸傷凍哂，攪到我都冇哂謂胃口。
（好, 當減肥, 雖然磅數有跌，但手臂肚嘅肥肉好似冇遠離過！）

說話能力
 而家講咩佢都好似已經明白哂，說話能力強，
我講一個字佢跟一個字
識簡單對答，識講自己個名

活動能力
好快，好曳。
自己擒凳。自己開櫃桶（梗有夾到啦）
自己禁電視，禁到冇哂畫面得雪花就揾婆婆話驚驚，
之後比個remote佢都唔肯要，潑開唔要話驚。

跑
而家好似識跑，比之前行得快嘅速度仲快。我都要跑住捉佢。。。
有時要喺沿地踏步扭吓左右幾步先跑，好攪笑！

學習能力
識入面哂啲入面形狀。啲動物形狀吸吸都識哂，搭啲兜兜都好叻

自己進食~ 有待進步
自行如廁~PooPoo識叫婆婆

識你講佢，識怕醜，拎手機拍佢就唔做。。好衰，
識分左右腳，尋晚識埋左右手，有時都會撈亂，不過都應該係記得識分。
識攬住哥哥姐姐，
每蓬錫完一個，一定錫埋其他！
 繼續努力！

媽媽錫哂!!

新車落地

唔係有舅父嘅推動，我地都唔知幾時先會拎架車落去玩。。。

仲要淨係叉咗兩個字嘅電，喺咁差嘅準備底下（有準備過咩？）

淨係郁咗兩步！！頭搖又尾擺
飄移境界~


嚟個正面先


丁字腳係咪淑男啲呢


媽媽，點解要呢啲老土post呀？

好啦，應酬吓你啦!  笑~~


不如30/06拎出嚟同大家一齊玩吖！？

“DESPICABLE ME2 x Kids-Tokei” project

{回到五月 15M}

有日喺網站上看到這個網站招募小模特兒嘅廣告

 宣傳壞蛋掌門人2
“DESPICABLE ME2 x Kids-Tokei” project!

於是我地去咗參加，好開心小檬被揀中為其中一位~

安排咗到影樓，而我們（即係我）要準備一個message board
 "to someone who you love"
要表達嘅喺愛嘅信息。

媽媽嘅美術天份差不多係零。。。我都唔知點喺3日時間裡面諗好同整好，
其實佢地一星期之前已經通知我，只係我冇check email

諗唔到寫咩，簡簡單單I LOVE YOU啦，
再加啲唔同顏色嘅圓點& 自己個名

終於大公告成！！

每粒圓型逐粒剪，真係剪到我暈，仲要係等小檬瞓咗先整得，
唔係我諗唔使三分鐘就已經唔見哂，十點幾先開工，手腳慢，整到一兩點

其實未係好滿意，不過對於美勞零分嘅我嚟講，都過關嘅，
自己一個人真係冇咁多時間喇。。算啦！(老公最後果日有幫我碌雙面膠紙貼架)

影相當日去到之後，職員就比咗呢張白色嘅board 我地填時間，
即係小檬負責的報時 00: 40

腦裡一片空白，唔知點寫好，果到又混亂，求其喇！

真係好求其囉哈哈哈

到埋位喇，真係辛苦到暈，
要佢拎住塊board笑住嚟影相嘅難度分係11分，

我加埋兩個姐姐又捉佢，又氹佢。。再加埋帶埋呀Mic嚟打氣，
影咗大約20至30分鐘終於完成，最後連爸爸媽媽都影咗一兩張添！

職員同我地講解呢間係日本公司攪嘅，第一次喺香港招募，
要得意可愛先可以入圍，
喺日本好似話好多人想被揀到，
我都好開心小檬比揀到，好快就可以喺呢個網站到見到小檬。
最後職員話我地可以用優惠價錢買返小檬啲相。。。
咁難得機會，我地都乖乖奉獻， 不過唔使即刻比錢。到收貨物先比都得！

我諗呢個都係策略嚟，哈哈，
所以話賺小朋友媽媽錢真係最容易！！

曳曳

小檬曳事

 好薄皮。

有一次我先帶佢入餐廳，入到去，唔知做咩，突然見到啲侍應望住佢，
佢以為人話佢就爆喊。。。 

每次佢自己食完，又要扭落地，唔比之後又會扁哂咀埃住我隻手，
係咁lur住我隻手，


所以我永遠要坐佢右邊，比隻左手佢埃，唔係我隻右手唔使食飯。

每次話叔叔話架，姐姐話架，佢唔使兩秒就爆喊，冇一次例外，
就算係舅父話架，都唔得。。即喊！！！

指住爸爸，因為佢知道爸爸先帶佢去行街街

唔食就lur
lur到餐廳成地都係。。。都唔知佢想點。

擒凳
入房一吓10秒出嚟已經見佢自己企喺張凳到。
入廚房都係，又企喺sofa去電腦揾野玩

快樂的一天

星期日約了兩位C兄家出來聚一聚，

幸好沒有下雨。

本來已經諗住著白鞋仔，點知開櫃時小檬自己拎住Jordan，叫 "dan"，
我問佢係咪想著 "dan" 佢話係，咁咪同佢著囉。

雖然好似冇咁襯，不過我會尊重佢嘅意見。



一見面好似有點陌生


當然，已經有差不多半年沒有見，
有讀緊書嘅小朋友特別忙，我理解的

小檬係第一個起身走咗去



當然大果啲又乖啲，細佬仔又得一歲兩個月，未識行。
佢係最容易走佬嘅一個

小檬實在不能玩那些滑梯，太多小朋友喇～

好在媽媽準備了他的最愛（好似有好多最愛咁嘅？）

bubble  O 。。O 。。O。。O。O。。。

坐好未呀？？

等我數一。二。。三。。。
先準起身架！！


預備。。。1..2...3...
小檬雖然細粒，但一啲都唔輸蝕架。


小檬會沿地踏步幾步先再走。。。
好好笑～


今次好在拎呢把槍，唔使吹得咁辛苦！
你識唔識架？妹妹姐姐??


一齊扮花喎！


4yrs x 2 ~ 3yr~.17M ~ 14M


 玩完啦，食飯契女拖住小檬，都係女仔乖

好在Pris EE拎咗啲書比小檬可以等佢同妹妹姐姐一齊reading

食飽飽，拖住走，
開心到小檬呢！

2013 年曆咭

2013已經過咗一半喇...



有咗BB生咗小檬之後，就會參加吓啲產品活動，
呢個年歷咭，自己上載四張相，
之後雅培就會寄返三張硬咭年歷！


我將佢color copy 用埋喺公司個墊添！！

唔知今年仲有冇呢

麵包超人入形狀

都唔記得幾時買呢個麵包超人嘅入形狀，買果時諗佢都未咁快知識，
不過想拎住啲形狀教吓佢。
初初都好有心機嘅，圓形。。邊個係圓形呀？咁佢就拎返比我。。

之後又玩佢呢玩吓路，都係間唔中先逐個教佢。

入形狀我會先拎住幫佢放好，佢pak落去，之後就等佢自己放。
初頭都好難，尤其果啲發屋仔／星星／五角型。。

過左一排，再同佢玩，佢已經自己識哂，佢個款仲好似好hea咁，
即係好似考我地講1234567咁。
佢自己入完仲拍手自我鼓勵添！！

小檬與媽媽對答

打風唔成三日雨，但係星期六日就好在冇落雨，我地又可以去玩喇！

星期六得我同婆婆湊小檬，我地下午就同佢遊下巴士河！



由美孚搭到tst總站，行彌敦道都坐到小檬眼瞓。。

坐我地後面的C9，傾計不停咁講口。使唔使多呀？？
講自己啲仔女都出口哂魚蝦蟹，我同小檬都唔想聽架～
其實公眾地方係咪應該顧吓其他人感受呢？

去到碼頭一落車，小檬就叫Duck Duck，吓？ 你唔係咁都認得呀？
我地都未試過喺呢邊行去海港城果邊，你冇理由認得呢到就係睇DuckDuck嘅地方，真係好驚訝！


以下係返到屋企我同小檬嘅對答：

小檬媽：你搭咩野出TST 呀？
小檬答：巴～(好溫柔嘅聲音) ("爸爸"就好雄壯的)

小檬媽：你去TST睇咩呀？
小檬答：Bo～池 (boat)

小檬媽：咁之後邊個同你一齊食飯呀？
小檬答：虎虎 （舅父）

小檬媽：仲有呢？
小檬媽：姐姐
突然可以同佢傾計咁，一問一答，好開心！

Lesson 8 @ Bambini

最後一堂喇~

呢日佢好乖，一入課室就坐定定，
今次主題係vacation，
酒店食雪糕，上山看風景，同埋去海灘，
問小朋友想去邊到。。

之後就拎啲行李出嚟叫小朋友幫手執


比啲cap / 太陽眼鏡佢地戴,

叫佢地影相!


今堂勞作。

最後一堂未知會唔會繼續join 定係揾吓第間，
同啲姐姐Miss影張相留念先！

密瓜蛋糕

經過蛋糕店，見到好靚。
咁啱同事喺FB post 呢啲蛋糕
就留言話我都想買

順便拎埋幾張書仔教小檬生果！！
又靚又唔使錢

放工時候老公已經買定嚟等我放工，
佢話睇到我嘅留言喎～

一共四個味，巨峰提子冇貨，買咗密瓜。
由小檬切啦。。。

扮得幾好喎!

好味呀。。
細細個，唔算甜
多謝老公～

Disney 後感

disney 手信
買比檬&契女契仔嘅


Mickey碟
好好，可以分埋啲餸，一碟過！

襟章

喺日本好興，不過香港朋友好似唔太熱衷。
我就買咗一個比小檬留紀念，嚟一次買一個，
睇吓到大個會有幾多。
第一次買個基本嘅米奇先啦

特價，棉花糖盒，＄30幾蚊，
我諗住要個盒裝野



Miceky糖棒
小檬好鍾意屋企支晾衫果支棍，成日要拎嚟，買呢支啱哂，啲糖我地食哂～

mickey杯
好靚，出面一層可以轉，支筒唔拎得出嚟！不過倒轉就會倒哂啲水～

大會攝影相片


冇海浪果邊咁積極，啲哥哥又冇果邊咁主動咁熱情去引小檬。
不過我都買咗。。。哈哈



唔知點解啲膚色好似深咗咁，變咗碳燒檬！






Disney 後感

諗住佢鍾意Mickey，點知全程都係驚！
返到屋企夜晚要我攬住先肯瞓，朝早醒仲話驚！！
真係難為咗佢喇, 都係等佢大啲先再去～

唔見咗小檬頂帽同媽媽嘅太陽眼鏡。
湊仔去玩好易唔見野。。真係要再小心啲！

唔算太多人，不過玩遊戲都要排隊。
有自由行，行埋嚟打尖，老公問佢是否同"前面一塊"
佢又唔答，扮哂野，問多兩問就話你先，
吓？ 咩到你話讓我呀？？ "那麼神奇！"