小檬與媽媽對答

打風唔成三日雨，但係星期六日就好在冇落雨，我地又可以去玩喇！

星期六得我同婆婆湊小檬，我地下午就同佢遊下巴士河！



由美孚搭到tst總站，行彌敦道都坐到小檬眼瞓。。

坐我地後面的C9，傾計不停咁講口。使唔使多呀？？
講自己啲仔女都出口哂魚蝦蟹，我同小檬都唔想聽架～
其實公眾地方係咪應該顧吓其他人感受呢？

去到碼頭一落車，小檬就叫Duck Duck，吓？ 你唔係咁都認得呀？
我地都未試過喺呢邊行去海港城果邊，你冇理由認得呢到就係睇DuckDuck嘅地方，真係好驚訝！


以下係返到屋企我同小檬嘅對答：

小檬媽：你搭咩野出TST 呀？
小檬答：巴～(好溫柔嘅聲音) ("爸爸"就好雄壯的)

小檬媽：你去TST睇咩呀？
小檬答：Bo～池 (boat)

小檬媽：咁之後邊個同你一齊食飯呀？
小檬答：虎虎 （舅父）

小檬媽：仲有呢？
小檬媽：姐姐
突然可以同佢傾計咁，一問一答，好開心！