妹妹豬@Letterland Party

幼稚園活動真係一浪接一浪！

剛完咗個水果日又另一個活動

好在嘅只係妹妹豬班嘅活動！

Letter Land Party

到學期尾，學晒26個字母，就嚟個Letterland party

得知當天老師會問小朋友想揀咩角色時，

我就同妹妹豬再介紹一下有邊個角色可以打扮吓（冇hardsell架）

妹妹豬就揀咗vicky violet喇
一如以往，小朋友要參與
要幫手做


完成道具


爸爸負責買花，好努力搵到呢個似嘅Violet 花


用個膠樽扮Vase

咁啱妹妹豬個英文，名又有個V字，整大啲突出啲先

costume方面呢，就好辛苦，終於搵到件紫色top同紫色褲，
唔知點解要搵紫色衫時又會咁難搵

日子有工，訓練有素，今次加工時間係前一晚！！=___=
雖然有啲趕又有啲眼瞓，但諗起妹妹豬著住我嘅心機，
拎住我嘅心思，就咩到抵返

登~凳~ 

似唔似呀？調黃邊係絲帶嚟架！

其實有啲似畢業袍=p

每逢有呢啲活動日子，我都盡量送佢地返學，
妹妹豬而家懂事喇，於是同我講

"我要媽咪送我返學"

妹妹豬一句，於是又全家總動員（其實都係我同爸爸）
送佢哋返學


當日喺學校，小朋友扮演自己鍾意嘅角色

catwalk行天橋，

見到妹妹豬都玩得好開心!

當然啦。。滿滿愛！

Letterland Party ~ Water Walrus檬

學校水果日@K2 & PN

每年學校也會舉辦水果日，今年都唔例外！
第一年小檬扮pear，其實都唔係扮，只係著件TEE係啤梨仔。
學校水果日

第二年小檬扮西瓜仔！
小檬學校水果日@K1

到今年，水果日差不多殺到埋身嘅時候，
我都未諗到同未有時間整，今年仲要一整整兩個！
最後一個星期，入直路！問過兩位主角，要扮咩先真正動手，
唔係攪完一大輪又話唔肯就麻煩！

小檬大個仔喇，太卡通未必適合，
於是買咗件黃色tee比小檬，然後簡單咁加啲v扮菠蘿釘，
再加頂帽仔扮菠蘿葉。






妹妹豬呢，當然要扮可愛嘅水果啦～ 
好快就鎖定目標做士多啤利妹妹！

上身搵咗件紅色TEE
剛好RB叔叔之前俾嘅聖誕節tee係紅色，但身上啲聖誕鹿太礙眼，

於是反轉佢著就算，一日半日，影相冇人發現嘅！
淨紅色好似好悶，

又剪啲綠葉襯托一吓加埋個名就完工！

買咗條紗裙，再剪好啲士多啤梨核，

貼上去就得

  

再埋啲葉~

 完成


士多啤利妹妹與菠蘿仔

學校嘅返圖！ 

拎埋個菠蘿仔！！

不過妹妹應該被認錯為西瓜！！哈哈哈

係喎。。又幾似喎！
整吓整吓我都唔知自己整咗啲咩！
唔緊要啦。。。（自我安慰中）

妹妹豬Christmas Performance@PN

睇完小檬哥哥聖誕表表演之後嘅一日

就到妹妹豬喇

之前已經講過一吓。。妹妹豬呢排好怕面對咁多人。。。

於是媽媽不停鼓勵佢，

全部都係小朋友啲爸爸媽媽好錫小朋友嘅

表演只要望家長／唔好耷低頭，唔喊，

我都比個最佳表演獎佢（門檻愈來愈低！）

一入到去，快速搜查

見到妹妹豬喇。。帶左聖誕帽嘅好可愛呀～

"鵝司哥尾厲迪星旦花......"

小朋友跟住有歌詞的音樂唱～

一路做吓動作

妹妹豬全程最多時間嘅就係自我放鬆，即係發呆！

轉圈啦。。 搖手手。。。企高。。。踎低。。。跳起。。。

全部都慢一拍！

好叻呀。。一拍之內都算係跟到架喇！

N班小朋友唔好諗住可以走位。。。佢地唔走開自己個位已經算係咁。

唱完三首聖誕歌之後就完成表演喇！！！

好感動。。。記得昨天佢係學校影全家福嘅情況嗎？

好擔心佢唔肯表演

到真正自己表演終於完成到，

真係好感動（又眼濕濕中）

到小朋友大合照喇。。妹妹豬肯定笑呀！！！！ 

為咗鼓勵佢，預先買左支白雪公主滋潤唇膏，

話表演乖乖就送比佢！

收到喇。。幾開心！！

媽咪見到好開心，比之前我預計嘅反應好好多！！

正當我興奮開心感動之際, 突然見到小檬出現!!!

原來昨天妹妹豬影唔到靚嘅全家幅，比英文老師見到

小檬Christmas Performance@K2

於是今日又叫返小檬出嚟同我哋影返張相！！！

真係好感動！！！！老師真係好好！！

好窩心～咁都記得

仲要記住妹妹表演完之後再同小檬出來

真係感動到想喊出嚟！！好在只係眼濕濕！

我比咗個好情深嘅擁抱佢，感謝佢

小檬影完就入返班房

回神過來

跟住妹妹豬都同咗位最熟悉，

一齊坐校車嘅同學仔影咗張相

其他嘅佢話唔影，我都冇迫佢！

影完聖誕老人就離開學校

呢兩日嘅聖誕表演，真係百般滋味在心頭！！

好感激，入到間好學校，遇到好老師！

School Christmas Party Snack

好喇。。到第二個project喇～

就係準備學校聖誕小食，

要健康，容易整，小朋友鍾意（即係唔健康啦）

真係頭到爆！

又係x2(暈) 

點都要搵啲容易整嘅整！

先整小檬嘅

一開始當然係偷食時間

買左啲朱古力餅乾, 先黐對耳仔

用朱古力醬容易好多

黐對眼睛／鼻／咀

（買左啲聖誕葉當咀。紅色波當鼻）

細細粒，黐到眼到矇

耳朵就用餅乾

小檬完成呢個作品，五官不太端正，不過都算係咁啦

小檬當然整唔到咁多，分工合作，佢都好肯整，跟住雪一晚

登凳~

靚唔靚呀？？？ 當場搵個最靚嘅影相啦～

後面有啲冇咁靚仔架。。

不過都唔算難整，就咁黐住啲眼耳口鼻就得！

而妹妹班BB啲，於是用生果！

好容易，只係切切切／吉吉吉

（不過建議即日做，因為香蕉返到學校都有啲黑咗

學校唔敢比小朋友食！）

切好晒之後，妹妹豬幫手整幾支！

呢個為食肥妹仔當然有係一路整一路話要食

婆婆都有幫手，所以先咁快完成！

媽咪, 好靚呀!!（我知，媽咪好靚!!!)

媽咪食得未呀？？

第二朝，吉好落盒就完成！（自製包裝紙！）

整好咗，如果唔自己送返學，佢地應該拎唔到，

於是lunch時間爸爸就出嚟接埋我，一齊送佢地返學校！

全家總動員！

希望小朋友食得開心，媽咪就開心！！

yeah 又KO一樣～

School Artwork ~ 親子環保廢料盆栽

好喇好喇。。。全家病完一輪

終於回複正常！

有三樣事情排住隊等我哋（我）～

• 親子環保廢料立體盆栽或植物
• 聖誕派對食物
• 聖誕咭

首先KO第一樣～

學校一月份有開放日，主題為「親親地球」
選取環保廢料，設計立體盆栽或植物，

材料：舊雜誌／朱古力盒／飲管

做法：好簡單剪剪黐黐貼貼

見公司有啲舊雜誌，色彩繽紛，於是就用雜誌紙啦～

花盆就用朱古力盒，用photo apps print啲靚圖案出貼上去，
就變靚靚花盆

雜誌紙盡量用唔同顏色嘅，
花嘅顏色都會五彩繽紛！

難就唔難, 不過呢個真係side心機，
我做咗兩種花咋

將紙對摺之後就剪成一條條，一捲就會成花型狀！

小檬都好努力幫手架。。雖然有啲佢做唔到，但捲吓黐吓貼吓都冇問題

剪好之後用幼條捲灣佢，花瓣就會捲曲～

唔望一步登天，整咗大約一星期，晚上剪吓貼吓！

登登登凳～ 

貼返個圖片襯返學校主題，順便遮吓牌子名


盡量用唔同顏色嘅雜誌紙，呢本係客人時裝雜誌，
啲顏色感覺都好有品味！wahhahah..


我就最鍾意呢朵粉紅小花花




呢朵紫色都好鍾意


整啲圖畫貼住啲朱古力label


整多個牌寫個名先


橙色呢朵都好燦爛

（有邊朵唔鍾意架？)

最後仲將個製作過程貼喺後面


小檬都好滿意個作品！！


唔好以為我收得工！仲有妹妹嘅～ 

準備好晒啲材料～


用裝雞蛋嘅盒，剪好


再上顏色


小心亦亦


好比心機油架


完成花花喇～

紅綠藍色紫果個係小檬哥哥幫手嘅

繼續....
搣雙面膠紙，

貼貼貼

再嚟搣泥土

妹妹豬大個喇。。。真係做到架喇。。

雖然唔靚，但都係佢做吖！

妹妹豬作品

前後左右就寫吓學校名／自己名

open day主題

最後仲將個製作過程貼喺後面 

妹妹豬好滿意個作品！！

上星期去睇佢地聖誕表演時

順便比佢地自己拎埋入學校

老師見到讚靚，兩位小朋友好開心～～

當然啦。。有媽媽嘅愛心+心機襯底，

open day當天應該都洋溢住我哋滿滿嘅愛~