玩驚喜的B be @ 37W 出世喇!!!

續。。。

舅父車到我哋返屋企，已經10點幾，

瞓落床11點幾，點知1點幾又要起身去廁所！

好在好快瞓返，點知2：15突然感覺到her一聲~穿水！

(我都有預感佢會早啲出嚟架喇，

因為果幾日B be個頭仲好似鑽緊出嚟咁，

我真係感覺到佢郁吓郁吓咁，

隻大脾條筋位扯住好痛，連行都痛，

不過就真係冇諗過早到咁！)

第一胎都係咁穿水, 好冷靜咁標去廁所,其實都有少少拗

跟住同自己講"冷靜"（真係講出嚟架！）

之後叫婆婆起身，話穿咗水，叫佢打比舅父嚟車我。

又係第一次咁，係咩巾都冇準備，

求其攝條毛巾就出去打電話比老公，

檬媽：喂，老公

檬爸：係

檬媽：穿水...你返嚟喇！

檬爸：哦，好！

再通知醫生我生得，好在之前都有執咗個走佬袋，雖然未係全部執好哂，

我媽係緊張大C，話要同我落樓，我話梗係唔得啦。。

落個樓我都仲得！
我叫婆婆咩都唔使做，淨係睇住小檬就得，

等舅父其間不停咁諗仲有咩要安排....

不過個腦都係一片空白!

舅父飛車唔使15分鐘已經到我屋企樓下車我去醫院，

佢明明話識路，但我send咗個msg比老公之後就發覺佢行遠咗啲啲嘅第二條路....

不過都好在係遠少少，到咗大圍之後，佢問我點行。。。。。(汗)

今次真係大佬喇。。我唔係揸車果喎!

好在坐得老公車多，我認路都OK，

可能舅父驚我大肚，揸到超慢，慢到我真係驚要喺佢架車生！

 我就同佢講而家我穿咗水要生仔，理論上係應該揸快啲嘅！！

 終於到醫院, 辦手續,  check係兩度

有冇驗血報告？冇喎，吳醫生話幫我同醫院追

有冇驗B鍊嘅報告？ 14／2先做，未知有結果。。要問吳醫生喎

你睇我地幾咁準備好!!

3:15  

入待產室, 咁啱又係上一次嘅床位，有啲親切感

好快駁好機，等。。。

舅父就坐我則邊，問吓我東問吓我西!

我瞓喺床，心諗都冇咩痛, 咦...唔係喎

講唔夠兩吓，已經有啲痛，不過都係少少，

未需要咩止痛

講咗唔夠兩吓，又開始痛，問定d笑氣喺邊，

其實我都唔想用, 因為唔想好wing，

但係開始有啲大痛, 有用,不過唔係聞咗好多吓

5:00

再有啲大痛, 又問定護士係咪再痛就可以用打止痛針？！

話要check吓開咗幾度先，一check已經5度

佢話5度已經唔可以打喇。。
吓？咁快嘅咩？

5:15
再check 已經開到8度!!

我又唔係話痛到癲咗咁, 不過真係痛，一吓之後到一吓

都要叫"好痛呀。。好痛呀。。"

5:21

入產房喇!!

20分鐘時間內

我由想打止痛針變咗入產房話要生，

有少少唔敢相信咁快

舅父一路we chat住老公，所以先記得哂啲時間。

好明顯，我老公未趕得切落嚟啦。。。

不過我都唔理得咁多

入咗產房之後我就問醫生喺邊？ 

護士話返緊嚟，

吓？？我好似想生囉喎。。。

痛痛痛,痛嘅程度，都真係幾痛，

好在都有啲笑氣頂住

我又問醫生返未呀? 護士話好快架喇。

我話我要生喇。。（其實未..嘻嘻）

佢叫我放鬆, 乜得嘅咩?

我諗等咗5分鐘，吳醫生就返到，好快又有一吓嘅痛，

大家又叫我push。。如是者push咗3~4次

都未得，佢地叫我努力啲push，我話我已經好努力架喇!

我話好痛呀。。。吳醫生呢個時候仲要話生仔係痛架喇。。

真係比佢激C我！ 

如是者我諗都有6-7下，醫生話就得架喇,

不如又幫吓我喎，咁就梗係好啦，又唔快啲講，

原來都係用吸盤! 唔知點解，最後果幾吓真係好痛, 好辛苦！！

又係果啦~push長啲，唔好叫，忍住到氣一次過push 出嚟，

終於我順利將B be 帶到呢個世界喇！

B be @ 19/02/2014 (37W)
 6.1lbs  

喺出面等嘅舅父好快手影咗張B be 單眼相

其實爸爸返大陸出差, 已經計劃是我生B前最後一次，
結果B be整蠱爸爸,要爸爸從睡夢中趕回來！
六合彩又唔見咁啱,雖然最後只有我在產房與B be大戰，
爸爸仍未趕到,但冇辦法啦，
母女平安已經感恩! 

(NT哥哥要出trip三星期,所以出發之前嚟同我影咗幾張靚相。

你快啲返嚟同我再影呀˜)

5 days B be @ NT photography

Hi ~ 各位EE, 我係B be 呀~ 多多指教!!

B be @36W4D~36W6D

呢幾日發生咗好多事...

星期日晩：

耳仔神經痛，我唔知係咪叫神經痛，

係d有淋巴嘅地方位置一下一下咁戚住痛，

位置次次唔同（我屋企人都有）痛不欲生，好辛苦！

星期一：

返到公司食Panadol(醫生ok的）以為頂到，點知由朝痛到晚！

痛到喊，嚇c同事，終於要去睇醫生，

原來作感冒耳仔發炎，要滴耳仔食抗生素！

夜晚食完薬，十一點幾早d瞓，點知瞓到兩點幾，

聽到小檬咳咗兩聲

之後就聽到errrrrrrrrrrrrrrrrrrrrrrrrr一聲！

佢嘔！我飛落地即刻抱起安慰佢，

爸爸如夢初醒，之後爸爸清潔換床單，坐喺sofa,見佢冇咩，

諗住睇定d先，拍下拍下佢瞓返...點知再嚟，

猶豫好冇去急症，但又冇咩嘢，仲識去玩同笑，估可能食滯咗！

後來又嘔，不過已經冇嘢嘔，之前積住d鼻涕就嘔返出嚟！

見佢唔舒服，問佢玩想玩咩，佢話玩電話，真係識趁打火打劫,

之後冇嘔，不過咳到er啲痰or 鼻涕出嚟，

好似仲好,如是者陪佢坐到5點，終於瞓返！

星期二：

爸爸同佢睇醫生，話d感冒菌令佢嘔，

叫唔好比奶佢食，就算比都要好稀，清下先！

得返半條人命嘅我就食咗薬好d，好多嘢做，照返工！

夜晚約咗幾位公司同事同我食生日晚飯（我十月中生日，太難就時間！）

諗過唔去，但又想生B之前快d食埋餐飯,大家就我喺婆婆屋

企附近食完即陪埋我返屋企幫手鍡薬比小檬，等舅父返嚟車我哋返屋企！

（因小檬爸爸返咗大陸，應該係我生之前最後一次返大陸廠，

諗過星期二或三，見舅父可以星期二車我哋，

佢就決定早一日返！我都情願佢早一日去，早一日返....）

待續。。。

情人節快樂!!

小檬送上香吻一個～ 

祝大家情人節快樂！！！

拆利是

小朋友時候過年最開心，因為有得逗利是～

記得爸爸媽媽話要過咗初十五先可以拆利是，

不過到我同呀哥大啲嘅時候，

就已經將呢個期推前到初七~ 人日拆

（自己叫做係一個日子到拆囉。。哈哈）

到而家，已經結咗婚嘅我地，

只會收到長輩嘅利是，所以唔多，拆嘅只係小檬嘅利是。

今年公司好早返工，唔係好多假期喺屋企

（冇再攞假因想留返多啲假期之後用）

所以，都唔得閒去幫助小檬拆利是，

終於尋晚拆咗喇～

長輩利是加埋公司利是，

仲有有啲已經比緊B be 嘅利是，

因為收嘅時候就咁袋，好難再分開，

所以就全部豪比小檬啦!

（好在之後又入返佢嘅戶口which is under我嘅！！wakaka）

B be嘅，就冇辦法，未出世就益吓哥哥先啦！

之前一路都未有時間諗點處理啲利是錢，

而家再多咗啲，係時間諗諗喇。。大家又點安排呢？？

有冇好提議參考一吓呢？

密謀作反

星期六約咗NT哥哥，不過今次唔係影相，而係去食tea，

天氣突然轉冷同有雨，好在喺室內，唔係實凍僵！

我部O仔嘅測光麻麻

（其實係我呀哥講，我唔係太識嘅，

總之喺室內就永遠唔識tone返去啲啱嘅顏色到）

但你睇呀NT哥哥求其拎架機仔影啲相都咁靚

見到佢部機, 真係令我太羨慕 ~ 

於是乎我又密謀作反喇。。。

(其實可能比到我都係咁=___=)

生日咭@ NT哥哥

小檬生日時收到張好有心思嘅生日咭呀~ 

除咗玩具反斗城之後，
你係第一個送生日咭比佢架！！

多謝NT哥哥!!

B be @ 35W

啱啱過咗B be 35W (就嚟36W)

上一星期嘅checking已經話BB有5磅，

如果到時足月太大隻就可能要開刀。。。好驚！ 

不過老公話之前小檬果時都係咁講，

不過到出世又野生變咗中碼，

而家仲係細粒B添～

啲人話係因為第二胎會容易啲大隻喎。

小檬果時手腳到中期已經開始腫，但B be呢，

到尋晚先發現突然間腫（可能前一晚食咗韓國BBQ）

到尋晚long對腳加老公按摩加今日勁飲水就好似好啲，

不過啲戒指好似又唔啱啦。

好多親戚話生女又會早啲，第二胎又會早啲，

攪到我成日要諗定點安排，有啲緊張。

萬一老公真係出咗差，呀哥又返咗工，

搵定哂啲朋友做backup

呢個星期真係行都辛苦咗，
差不多每晚四點幾去完廁所就瞓唔返，

碌嚟碌去，轉身都辛苦！

兩邊腰位同尾龍骨又淵！ 

上一次檢查嘅相片，睇到之後我問

"點解老公喺我肚入面嘅？ "

仲好似有鬍鬚添~ 

好多人都話小檬似我，睇返d朋友，

都係仔仔似媽媽，女女似爸爸。

唔同B be 真係會似爸爸？？？
噢。。。

我是歌手 ~ ABC song

由細聽到大嘅ABC song 終於可以一口氣全部有音域咁唱出嚟喇！！

現在有請小檬高歌一曲，多謝支持~!!

小檬 2nd Birthday @ Disney Hotel

今年小檬生日，有咗B be，唔想太操勞，

所以冇攪生日會，最後去咗disney飲中午茶

點解話最後？？ 係咁嘅

因為初頭諗住都係簡簡單單同佢去佢鍾意嘅地方玩吓。

於是第一想法就係去disney慶祝。

上網搵資料，喺disney慶祝生日，
除咗最大型book間function room 之外，

就可以book佢地嘅自助餐，終於"自己" (係自己) 打去問到，

於是便快手快腳book位，因為"我地"做好多野都慢人幾拍

（永遠都會係full哂, 唔夠時間呀果隻）

拿拿林book好諗住安心，但諗深一層，

我地一家人7個人大一位B晚餐buffet連蛋糕

（一定要同佢地訂）埋單要成＄5000落褸!!! 
忽然間又覺得好貴，我都覺得自己好遲鈍

仲要兩段時間，只得2個鐘（之前網上睇話有4個鐘）

雖然到時會有卡通人物陪同staff拎蛋糕出嚟，可以合照，

但除此之後我地啲時間應該非常趕，坐低安頓好。

影吓相，出去拎野食，餵小檬，傾吓講吓，

食吓蛋糕又影相，相信呢兩個鐘會超快過，
小檬又唔知會唔會話驚啲米奇

話咁快又要交檯，顧住個仔，
大家都唔知道食出個咩
....
下刪一百字
好唔化算，所以我都係決定唔食dinner buffet!! 
(英明決定, yeah! )

轉去中午飲茶，order啲特式點心，都一樣開心！

book咗10點半，大家都好準時，

入去之前仲早到咗少少，要喺面間舖行吓先

（之後就知蠢咗，因為小檬行完之後已經成日心思思要再去）

一坐低啲點心未嚟，就影吓相

送吓禮物，爸爸媽媽送嘅金元寶仔！

好難都影到張靚嘅！

錫錫媽咪

親親daddy

之後到爺爺嫲嫲

唔知發生咩事，好快就整喊咗佢 =____=

主角需要再陪養情緒，過一陣
到舅父同姐姐

婆婆送禮物

有點心到，於是便食點心先。

特式點心要預先訂

米 奇  煎 薄 餅  (四件) x 1 $68

  

“雞 丁 ” 蓮 蓉  包 (兩件) X 2  $72




“Duffy 迪  士 尼 小  熊” 紅  豆 蓉  包 (兩件) x 1 $72


綠 色  小 人 菜  肉 包(三件) x 1 $88

  “大 眼”雞 包 仔  (兩件) x 2 $68


好明顯貴在個樣

其他點心好鹹。。。係個飯正常啲，

不過算啦，掛住影相同玩，個個都冇咩心機放喺食到。

（好在冇食buffet啫，明智決定）

小檬每十分鐘就要到對面巡鋪...好勤力

好在舅父送嘅禮物可以留住佢喺都玩到一陣

好難先捉到佢影張相

（啲玩具上次內disney佢朋友幫我地用半價買，
而家先拎出嚟當生日禮物）

臨急臨忙先去訂嘅呢個蛋糕
(唔。。。本來呢。。。想。。。。點知。。。算啦!)

最後算係咁啦！(自我安慰中)

淨係玩插蠟燭都唔知玩咗幾耐

成個人蛋糕啲位都差不多比佢插暈 @@

終於成功~

不過調轉咗=___=

吹蠟燭喇！！

好鍾意佢吹到咁~ haha

生日快樂！！

切蛋糕喇~ 

比佢玩咗好耐

切餅費都唔貴，一百元

之後到咗樓下草地玩

小檬自己落樓梯

最後一步仲自己話"好叻呀" 

比佢笑C

有得走就開心


佢一開心自己就打筋抖

見都斜坡就自己用腳sir梯梯

仲要我一齊sir （滴汗中)

Magic ~ 

扮心心相印~ 

難得有人揸機,快啲影先

玩到3點幾，返屋企小檬小休，

我就沖咗個涼，真係太熱喇。

夜晚去咗食pizza

舅父誠意拳拳叫我地影夜景照

(但其實咩都睇唔到嘅=-=)

食檸檬先啦~ 

希望小檬都玩得開心啦!!