煩惱。。。

一路小檬都好鍾意食婆婆煮嘅野，
有時用五條紅三魚拗湯做米汁或者星星粉湯喎，
梗係好味啦!!
(我都整個魚湯，對於一個懶媽媽，真係好大工程！)

有時星期六／日返到嚟，一食我煮啲野就唔係咁開胃，又哎又西！
有日婆婆煮定啲飯仔我地一齊出去食，
我試吓啲肉，哇，有味嘅？！
唔怪之得唔係咁食我果啲啦。

我問婆婆，你點整啲肉架，佢話，咪比幾粒鹽，或者幾豉油落去囉。。
我話都話唔可以食鹽同豉油咯！！
佢話, 幾滴啫。。。

1。我當然冇話佢，不過同佢講盡量唔好比佢咁早開始食鹽同豉油。
2. 我明白人喺佢到，好難限住佢，佢湊住佢已經辛苦，亦唔想比好多限制佢。

好在果日大眼妹妹嚟同佢爸媽傾計到有講到呢個問題，
我地輩嘅媽媽就會知道盡量唔好。
但佢地可能會話你地都係咁大，而家咪又係咁青春美麗，活潑動人！！！
所以我唔知點

不過講完之後今日婆婆已經聽我講，變返無添加，
好啦好啦, 小檬即刻唔係好食佢啲野！！
我同佢講返唔到轉頭架！！ 自己都係啦
所以今日淨係食吓蕃薯，麵包咁。

究竟我應該堅持等佢餓就食架啦？( 我好明顯做唔到)
定係之前幾滴，而家變一滴比佢繼續食呢？？

大眼BB妹妹

星期日有個小BB嚟探我地。

小BB3個多月，眼仔好精靈，同小檬一樣，好似帶左大眼仔咁！

小檬同佢零交流，淨係我地叫佢錫吓BB，同BB玩吓，佢先拖吓佢。
一嚟就錫，我接受唔到果喎~

妹妹你唔使咁怕醜喎


大眼妹妹，你唔識玩唔好拎住啦


篤。。篤。。



婆婆幾～楷仙



好耐冇抱過細BB，好似唔識抱添！！


Hello EEs~

我細細個已經好鍾意BB，到大咗咁鍾意BB～

我有個朋友以前好憎BB，好憎小朋友。。。
不過唔知點解又生咗個B，之後就好鍾意BB！

我相信女人天生係充滿母愛嘅！

Lesson 2 @ Bambini

都是媽媽陪檬上，今次入班房之後，小檬望住出面的爸爸，叫papa，
然後一副想喊嘅樣。。。
我即刻引開佢注意，好在冇再扭要出去。

發現Miss唔同咗樣，原來上堂係代課老師，
唔怪之上堂我聽到佢個名唔同啦，好在我啲listening都唔係咁差！

唱吓歌，學吓啲生字。。小檬今次曳咗啲，有想走出去拎miss啲教材。
Miss叫佢出去拍拍，成功之後我地都會讚佢，佢果個沾沾自喜嘅樣不知幾滿足！
其他小朋友比人讚之後都係好開心，
我相信我地比多啲鼓勵BB地應該會學得更加好！

break之後，又係手工時間，本來想同比爸爸同佢玩，
但諗到爸爸真係唔係咁容易handle到
就變返我喇。。。今次係油圖畫！

坐好喇，Miss 已經比咗個G字小檬, 係咪Gen 呀？？？


原來係Giraffe


Miss已經放好啲顏料喺檯上，有個掃比我地油
哇。。真係好高難度

我左手要"禁"住個G字，右手要捉住小檬隻手，佢隻左手又開始郁，
點顏料時，佢左右手又掃，又想拎個掃，
到我捉住佢隻左手時佢右手又伸去隻顏料碟到

唉。。原本諗住盡量唔整污糟隻手，驚佢食，
算啦，豁出去啦
由得佢用手掂到都冇辦法，
好在Miss呢個時候話啲顏料係可以食嘅好安全，我更加安心。

之後就用極速油埋，之後就貼貼啲點點同個頭。

終於完成！

傑作

我件衫都中咗招，想講應該啲媽媽都要買條圍裙先啱！
污糟手手！！


重溫小檬＠Bambini

Lesson 1

點笑穴

唔知道點解小檬夜晚就會好high，呢晚臨沖涼前等媽媽點佢笑穴先！

poo poo ~

呢兩日小檬好似有兩吓克痴，婆婆話佢唔係好肯食野，我就問婆婆佢有冇poo poo咁

之後我問小檬點樣poo poo架，佢居然識做比我睇。。。
真係笑到我同婆婆C。。。哈哈哈！！

我都唔明點解佢會識。。可能有時佢Ng緊我地就喺則邊話佢可能係poo poo，
就問佢係咪。。不過佢唔識答，估唔到佢今日突然間識poo poo就係ng果時嘅意思!!

小檬15月喇！！

@26/04/2013.

小檬15月喇！！

啱啱瞓醒look
今個月嘅進展都好好，尤其係講野方面，
基本上我地講一句佢就跟住講，不過就有啲音唔係好準。

佢自己認得識講：

13M ：媽媽，爸爸，奶奶，mum mum，，波波，貓貓，汪汪，卜（book）po（apple），bear bear, bye, ra bit (rabbit)

14M：寶寶（瑞士寶寶），片片, 巴（巴士），伯伯，婆(po),  

啤（士多啤梨）, 包包(麵包)

15M：車車 (之前所以嘅車佢都會叫做巴，而家教到佢叫，不過有時變咗爹爹)
水水 (好難發音，所以唯有叫住wa ter ，佢會叫咗ter)
姐姐( 見到啲女仔就會自己指住叫姐姐)
Baby (細路仔BB都叫人地做baby)
錶錶/ pat pat/ 鼻鼻/抹抹/Mic (mickey)/舖（食奶奶舖紗巾)/
比野佢幫佢之後會要講咩呀 :  橋（thank you）/piz （please）
po po（低音）:可能好難發音，真係呢個月先叫po po。婆婆開心到暈啦！

 蕉蕉/餅餅

跟住講之前都係兩個音
反而尋晚話比佢知道已經黑媽媽，佢居然跟到講 "hak 媽媽" !

聽指令:

13M : 踢波波，比(佢好大方），拎野比我，除襪襪, 行慢啲，攬住，錫錫，

拜拜，請請，恭喜發財，

點蟲蟲，give me five，wash your hand, raise up your hand,飛吻(飛咗去耳仔到) 

暈低, 僕僕瞓，落sofa，放野入袋, 著鞋

14M: dump垃圾, 熄呔盤, 飛吻（飛返咀咀到）

邊個係小檬？佢會舉起手15M bend down/ touch your nose/ turn around/raining/ 上sofa/落sofa/

入房，行出去，企喺到等我（不過三秒就走。。）扶住／攬實／用咀咀錫
cheers/ yeah (勝利。。啲手指未係好識舉起，不過有時好成功
自己進食同我一齊好多時都出咗街，喺街好難訓練, 唯有靠婆婆，不過都好似冇咩進展。。
食飯仔，婆婆有時將啲餸分開揾筷子夾比佢／把落佢個口到，
我老公話冇諗過一歲BB1用筷子，我都唔明點解婆婆要咁做，
不過算啦，我都唔可以太過限住佢，佢地兩個都OK就得！飲水水，可以用杯杯飲，不過都要我地睇住，慢慢飲。

而家依然六隻牙仔，可能坳緊裡面果啲，有時都會搵隻手new啲牙。
懶惰媽媽仍然未同佢刷。。

夜晚果餐奶繼續

訓練自行如廁：
小檬已經知道咩叫poo poo，婆婆換片時有poopoo 就叫佢睇，
話佢知呢啲就叫poo poo，佢通常早上poo ，
我地問佢有冇poo 佢淨係話冇呀。冇呀。（佢都未識有同冇嘅分別）
（其實問親佢有冇佢都會話冇呀冇呀）

自己除鞋除襪襪, 每次返屋企一定要佢放好先比佢去玩，

而家已經識自動自覺。
（不過有時都會心急去玩唔記得咗。)

而家洗頭係超難，一包住佢已經喊，嗌哂救命咁！

點解突然間會咁嘅呢？？

沖涼企喺到用花灑，而家仲識自己捽泡泡！更加識睇眉頭眼額，有時曳曳，話佢佢會即刻扁咀喊，
同佢玩唔小心整到我話好痛，佢會好內疚，知道闖禍，埋嚟錫返我，
有一次我扮喊，啲戲好得滯，
佢個樣好似好擔心我咁喊起嚟，仲收唔到聲添！
不過果一刻我好開心好感動，個仔都好緊張我！
你知啦，比人緊張嘅感覺好sweet架嘛！

佢行得超快，尤其喺係屋企，最鍾意喺房衝行咁走出嚟走去sofa，
有時入房又快得滯定個灣, "敏"得滯，撞到啲門框，
不過唔係好痛又係佢自己衰嘅，佢都唔會喊。

體重：冇磅過。。

高度：冇度過。。

麵包超人度高仍然未掛出嚟，應該用嚟收藏

健康：OK (咪講!!)

諗唔到喇，再有值得分享嘅就再寫啦!!

媽媽與小檬自拍照!

 

小檬@14M

明天檬檬便15M大，

就今天送上14M的生活照

天皇之座


Rab～bit


大鴨鴨游咗嚟我呢到!



呀飛與呀檬～


邊個激嬲你呀？


行去接媽媽


art 檬


狂奔


reading~



表情一樣


舊年Vivian EE送的泳褲仔，試吓今年啱著未


食魚


go shopping...

佢推得快到呢。。。嚇親我

揸住戰車行街街


突然有兩個妹妹衝埋嚟，貼支旗喺檬檬身上，
原本係賣旗

第一次買旗

姐姐伸隻手過去貼旗嘅時候，小檬仲錫錫隻姐姐添。。
哈哈，真識把握時機！

笑！

1st Lesson @ Bambini

星期日小檬上了第一堂PG。

呢班有四位同學仔，唔係，係應該同學女先啱，咁啱都係女同學。
上堂喇~
一字排開，小檬乖乖坐喺到
聽住老師講野，好乖，
明明唔知佢up 咩架，佢都眼定定我都驚佢會走去玩Miss啲教材, 好在佢冇
不過咁多次試堂佢都係乖乖咁坐喺到，
我應該對佢有信心。

Miss有叫每位小朋友
將啲學習嘅教材拍拍黐喺個板板到

到檬檬喇~
佢初頭唔係好知做咩，因為始終用英文同佢講，
我冇用廣東話解釋比佢知，因為我希望喺堂上面盡量唔講廣東話，
等佢自己摸索，我只係示意比佢知，
之後佢就著著聲咁起身，走出去貼好。
又著著聲好似有啲驚咁走嚟坐返喺我大脾到。

（唔知點解呢一刻好感動，好似小檬已經大個仔，
要自己面對做自己嘅事情，媽媽就喺後面支持佢，鼓勵佢）

佢好似識聽Miss講咁樣，好留心，唔會兩頭擰。

第二樣教佢嘅係Miss將啲動物放喺隻扭蛋到，之後叫小朋友擰開再貼上board，
我一見係扭蛋就知幣，因為小檬好鍾意，
果然，Miss叫佢扭開之後拍拍，佢淨係拎住隻蛋啦，
我要的起佢出去拍拍先得。。。
仲C lur住隻蛋嚟玩

Miss都有播吓音樂，但係小檬好似冇咩音感，冇咩un patpat果啲。

之後有個5mins break，比佢飲吓水水/ 玩吓


啲野菇可能有毒，唔食得架 !!


第2part做手工時間，今次好輕ken，只係畫畫貼貼

好似好用心喎~

小檬都有著圍裙仔，用支雪條棍畢膠漿，
小檬又只係鍾意支棍。。。

再嚟畫筆油油，佢都好似淨喺玩支畫筆

其實係我幫佢整

(點解話唔比影相，我又影到？因為其中一位媽咪問Miss可唔可以影，
Miss話其他媽咪話得就得，咁大家冇反對啲爸爸就入咗嚟影一兩張)
Miss 之後要佢拎住影張相。。。佢郁到暈

我的傑作


唯有我捉住佢影


後感：檬檬好乖，唔會周圍走去攪野，只喺唔捨得放隻扭蛋，
不過都冇喊，都係Err咗一吓，好快冇事。

呢件喺Ikea買1set2件，Miss話叫買啲長啲遮埋隻腳會好啲喎
其實有另一件仲長啲，不過佢太細粒，好論盡