妹妹豬@Kindermusik

妹妹終於完成人生第一個課程 
Kindermusik

呢個課程喺哥哥學校上堂，由出面嘅老師教嘅Kindermusik，主要環繞音樂, 
 以故事同歌曲形式學習, 都幾生動, 又可係屋企當作親子活動重溫故事同歌曲。

當妹妹剛上完bambini PG之後就冇繼續
（好在冇俾錢，因為好快就收到佢倒閉嘅消息！）

呢到Kindermusik參加人數眾多，
需要抽籤，申請咗好耐
咁啱喺呢個時候抽到妹妹豬, 有位比妹妹上！
真係好幸運!!

同妹妹豬上PG都係想佢可以坐定定，同老師小朋友又互動
一開始，妹妹豬都比較緊張，始終有其他陌生人。

雖然係咁，上堂時都會好留心老師說話，
初時唔係太肯自己出去，不過後來都已經可以聽完音樂
自己出去拍拍圖畫答問題。

每堂都會唱仔，用下啲小樂器，加埋做動作，
而呢啲動作都係同家長一齊做，
好似搖小船／開車／騎馬...etc
成班小朋友連同家長一齊唱吓跳舞，拍手踢腳仔

慢慢佢開始熟悉課堂模式，知道一開始就係hello song，
story time初時要我坐後面陪住佢聽，
到後來一拎story blanket已經自己講magic word~
 one two three
自己都可以乖乖坐定定聽故事。

媽咪坐到好後都冇問題

仲會派故事書同音樂CD，妹妹豬返到屋企就當係寶成日唱，
喺車都係聽緊呢啲歌

曾經見有家長話上呢到學唔到野。。。
我自己上呢啲PG都唔會諗住學到啲咩學術，
而我想妹妹豬學到嘅，就全部都學到
有時候要坐定定，一齊唱吓歌，要聽老師指令, 
佢又上得好開心! 

最重要就係上堂地點喺哥哥學校課室，
可以比佢熟悉到interview時嘅環境／同學校門口行政嘅職員，
個個星期見到面打招呼
到interview時都唔使陌生，好似平時上堂咁。

我自己都好鍾意，上堂唱吓歌，做吓動作，跳吓玩吓。。迫我郁吓做吓運動, 
又可以同妹妹一齊玩，雖然有時候都幾需要體力跳舞做動作, 
但係每次都上完都好開心!

就到最後一堂，整左張咭送比老師。


夾咗妹妹豬啲BB相


妹妹豬好鍾意上堂，成日問幾時返學，
好鍾意呢位老師, 係咪見CC老師？
有日扭眼瞓唔肯起身話老師會問妹妹去咗邊，佢即刻彈起身

CC 老師話通常第一個都會鍾意
點都好，相信有啲唔好嘅小朋友真係唔會鍾意。
我相信妹妹豬真係真心鍾意嘅!!

老師都話妹妹豬都算係好乖嘅學生!! 

影張相留念, 大個等妹妹豬都可以睇返

再踏上呢段路嘅時候
就係要返學喇!!

妹妹豬返Playgroup

唔返唔返終需返!! 

小檬哥哥果時上咗一期8堂PG，

都算肯坐定定嘅小檬嚟講，都冇咩問題，

而PG對於N班嘅面試有好大幫助咩？又唔覺好大，

不過都可能有幫到吓，因為都算去一啲陌生環境，

有啲老師嘅人要比啲指示，學吓坐定定～ 

而坐定定呢part呢，妹妹豬真係要改善吓，

於是都終於的起心干同佢返PG。

由於懶嘅關係，而小檬哥哥果間都OK吖，

於是就唔揀喇，報返佢就算～

小檬哥哥玩住等妹妹

啱妹妹豬嘅年齡時段堂嘅老師係外籍男士

（即gwai lo，我字眼唔可以太粗俗）

妹妹豬對於陌生人通常用一兩分鐘適應，

一入到去都肯喺軟墊坐，

我就拖住佢手仔比啲安全感佢啦。。

大家小朋友打吓招呼，聽吓teacher講吓，

頭半段都肯坐定，其他小朋友示範完，

就到妹妹豬第一次去試將啲faces拍拍到板上面，

好在都算識

teacher 好浮誇咁讚佢。

上半堂好似都順利，不過到下半堂，已經冇耐性，

有時行咗出去，有時行去門口，有時捉住我手示意要出去。

可能知道哥哥同爸爸喺出面玩

其他小朋友有啲有走嚟走去，有啲又好乖。。。

整體嚟講係我好累~ 到最後十分鐘就喊起嚟，

當然唔係我喊，係妹妹喊!

不過如果可以我都想喊

突然好掛住小檬。。。

因為佢好肯定自己上堂，由PG肯坐定，

到返學或者興趣班。。全部都可以好獨咁自己一個人上

（上畫畫班同TKD都見過小朋友喊扭要媽媽陪）

見到咁，小檬嘅獨立成真係好強～

唔使我操心！！！！！！

(轉咗讚哥哥添)

妹妹豬，雖然係咁，媽咪都一樣會好有心機陪你上堂，

希望你可以好快適應 

或者叫爸爸陪你上。。haha

努力呀～