終於都爸喇！

媽咗咁耐，終於都爸吓喇！

之前都試過發"bye bye"嘅音，但都未爸到！

呢兩個星期，就爸得好正！而家爸爸問佢，佢會識叫爸爸。。

但可能佢太興奮，新野梗要用多啲，連問我都係叫"爸爸"。。。

有時就識轉chanel，分到"爸爸"同"媽媽"，
尋日仲勁，叫我就變咗 "媽媽爸"！一箭雙雕!!

今日你幾多歲呀？

今朝同小檬準備去生日會換衫果時教佢，好快就識，可能因為之前都有教佢指隻手指出嚟玩點蟲蟲！

小檬檬1歲喇！！

小檬一歲喇！！  

時間走得真快，
由上年初四穿水見紅經歷12小時生產過程,
小檬伏在我心口來到這世界的那一刻開始，
就改變我倆的一切。
這年間，生活很是忙碌，但也很開心，
每天看到他已經是最欣慰滿足的。

小檬當初是一個睡在我臂彎的乖乖小B，到現在已經可以自己周圍走，
當中的每一步也令媽媽興奮，
儘管是一個簡單的反身，或是搖搖擺擺的試著行路，
看在媽媽眼中都是多麼的重要!!
不經意的一句媽媽或簡單的一個飛吻，已經足夠令媽媽甜在心頭!!

這些細微的開心小事，媽媽說半天也說不完，只有媽媽們才明白。
看著這年你迅速的轉變，有點不捨得你成長得那麼快，真矛盾!!

我的小檬，你永遠也是媽媽的心干寶貝！

祝小檬生日快樂！

爸爸湊仔系列

突然間諗起小檬爸爸湊仔啲好笑野，自己都要重溫一下

totseat

另類親子活動

Happy Happy Halloween

爸爸湊檬

牛欄牌

唔知道點解啲BB真係好鍾意啲奶粉廣告，佢地真係知道果啲係BB?? 係細路仔?? 真係會睇得開心啲！
(小檬都好鍾意SK3，skin care 啲靚姐姐啲廣告）

之前一出bearbear 熊，佢就笑哂。
呢期最鍾意牛欄牌，一出就不得了，玩玩吓都揼底哂手上啲玩具好緊張咁跑去電話前面睇
之後跟啲小朋友舉高對手, 仲要好肉緊果隻。

婆婆話有一日又做呢個廣告，佢又係衝埋去，但唔小心跌低咗，趴喺到都要舉高對手，笑C婆婆

呢晚咁啱比我錄低咗佢睇牛欄牌 ～ 你睇婆婆幾開心

另一問題，我要諗吓點樣唔比佢咁前睇電視

點笑呀 & 叫媽媽

前幾日教咗佢點笑今朝再問返都記得！

笑

而家叫佢叫我，佢會"媽媽媽媽"~ 甜哂！

（其實爸爸同婆婆問，答案都係媽媽媽媽）

唔理喇，係叫我架喇!!

魚。蝦。蟹

婆婆屋企有個都幾大嘅魚缸（都算大呱！）

婆婆都會同佢睇吓魚魚，陶冶性情
（實情係等佢乖乖地，唔使周圍走）
佢都好鍾意睇。

舅父呢缸魚都有啲寄居蟹，寄居蝦之類。

隻蟹呢埋咗......影唔到

所以我地都已經教咗佢魚蝦蟹呢三樣好重要嘅海產
（欠葫蘆，金錢，雞未教）

不過佢仲未識分。。。。

totseat

終於都買到，而家買一樣野都好似好辛苦咁，
又要就時間，又要唔好咁遠，

以前我冇雷公咁遠都會去
之前已經喺淘寶買左, 但點知買咗人地批發嘅（唔怪之咁平啦）

終於喺啲商場見到就買埋。
 $128冇啲團採購咁平, 是但啦，又係用錢買時間!

去啲冇BB凳嘅地方可以唔使煩，有啲就算有BB凳都好，
冇得圍住一樣要人肉圍欄，

後面個扣有啲流，好鬆，好容易掉，
土炮啲自己綁！佢仲有另一條帶，比你再cool住佢

{爸爸湊仔時間}

爸爸對啲有繩嘅野應該唔係好耍家，
永遠都唔會綁得啱，可能佢綁埋佢隻手唔使等佢攪攪震啦!!

無奈的檬


爸爸，下次幫我拎返出嚟呀，唔該！

陪婆婆元朗還神

星期六和舊鄰居及到了元朗，陪婆婆還神。

我兒時已經到這裡，現在小檬出世，也帶他來一下。
這天只有媽媽及婆婆帶小檬，要由山腳行斜路到那裡，雖然只是十多分鐘的路程，
但媽媽孭住小檬，還要上斜路，真的行兩步就停一步！終於都到！！

廟內的狗雖然綁著，但可能太興奮，不停的吠！
小檬又唔係話好驚。。。
婆婆拜神，我們便周圍行

自家種的生菜，即摘即食，好新鮮！

這裡不是常常有齋食，而且這裡的齋和我們常吃不太同，很好吃！

小時候，住在屋邨，兒時已經認識的鄰居像家人一樣，
熟到連他們的親戚也friend 埋。左邊這位是星媽，TBB的其中一位男年青主持的媽媽

落山好在有朱生抱！
 

姐姐，你做咩拎我個頭呀？？
我想你望鏡頭呀
舊相時間，媽媽細細個已經到呢度架喇

共你相識在童年，共你知心永不變！！
時間飛逝，當天我抱住你而家就你抱住我個仔！
老公成日笑我副眼鏡大個快面
哇，肥咗幾多
到了朱太屋企，瞓醒之後又再玩！！angry birds


唔食得架。唔食得。唔食得架。唔食得。唔食得架呢句說話我冇停過咁講，佢都不停咁要放落口，
仲要唔同色又放一次！！唔通係林林地所以覺得食得？預習吓先, 生日快樂！

落樓下公
園玩咗一陣
好累但開心的一天!! 

笑

小檬好鍾意笑，但有時叫佢笑，佢就淨喺O咀，Jit 都唔笑

之兩日同他出去玩，望住人地架相機就git都唔笑，攝影師都捕唔到佢嘅笑容。
唔通淨係媽媽先影到佢笑？

尋晚喺婆婆屋企沖完教佢笑，（通常兩個人，靜靜地佢先會快啲學到）
我問點笑架，就比個誇張10倍的笑容話佢知，佢之後就學到。

今朝問佢點笑, 就比咗呢個笑容我。。。


再嚟過誇張啲嘅~

爸爸早晨呀!!!
你喺孟加拉好嘛？

小檬食橙

小檬而家差不多一歲，可以比佢試吓拎住啲食物自己食，

之前試過菜芯，meet 哂出面，淨係要入啲遠，不過佢唔係好食。。
趙兩趙就唔鍾意，lur返出嚟

呢晚喺婆婆屋企就比佢試吓食橙，諗住佢會一啖一啖咁食，
冇錯，咪就係我地自己諗住囉，
佢就有佢成舊塞落個口到！！！！

啲汁又漏哂出嚟食到周圍都係。。。


好在有呢件黃色波點飯衣。
我仲問婆婆喺邊到整呢件野出嚟，佢話係我買架喎。。。
吓，點解我真係完全冇印象嘅？
FB有朋友話好靚喺邊到買，我都唔識答！
個腦真係裝唔到咁多野喇!!!

黯然銷魂

之前都見過呀檬僕喺到瞓，果排我唯有喺窄窄嘅床罅度拖住佢嚟瞓！

之後都冇喇，呢兩日又係咁，
唔知佢係瞓醒想起身之後又眼瞓過吖？定係想轉未轉到身而又眼瞓得滯呢？

起身就見到佢黯然銷魂咁僕喺到。

尋日朝早

今日朝早其實我返工之前唔想起身但又要起果隻，
都會咁喺床"女"吓，
我老公稱之為~~

{朝拜}

唔同佢學咗我？？
但我大肚時冇朝拜果喎。。。點解呢？

我見有個朋友嘅B都係咁。
乜咁好瞓啲咩？
 點先可以唔比佢再反？

玩襪襪

之前喺床同小檬玩，我同佢玩臭腳！
（我諗冇咩媽媽教個仔臭腳，其實我要教返啱佢叫腳仔）

有時除左片片，我地會好不自覺地撥吓撥吓隻手話好臭，
唔知幾時，佢又學左我地
有次我都未出聲佢已經自己撥吓撥吓隻手，笑c我！

而家同佢玩好臭，唔知點解佢拎隻腳嚟玩
玩自己對襪，尋晚仲拎嚟咬

小檬的101分

每次問小檬啲動作題，佢都好合作。今次試吓問多啲一次過，Eee。。又得喎，不過差飛吻，hello，"冇咯"未做，媽媽唔記得問，又驚佢爛尾。
不過媽媽都比101分架喇！！

各位EE，你又比幾分呀？

連環圖

小檬好鍾意人地啲"蝦碌"，所以引佢笑嘅其中一個方法係放啲野喺個頭到，然後跌落嚟。
而家佢仲又扮我地將啲野放喺頭到，自己笑。。。

wahahahahahhahahahaha..............................