零入球

每次小檬VV”緊” 嘅時候都識講比我地知Wee，

即係每次行去廁所嘅時間已經去緊！

入到廁所仔當然咩都完事啦
淨係好似面壁思過咁

攪吓青蛙仔


搣吓個兜（可以證明好實）

所以，現時射入嘅次數係～～～～～～～ 零 ！！

 零入球啲觀眾會悶架，呀仔～

手足之情

我很喜歡大哥哥保護妹妹的感覺
 可能我也有哥哥吧˜
很感恩能否夠帶一個妹妹給小檬

自有B be開始已經洗腦話比小檬聽，有妹妹喺肚入面，

要錫妹妹呀~ 妹妹好鍾意哥哥架~

到B be出世回家當日，亦代B be送一份禮物給小檬。

（不過B be太突然早咗出嚟，
於是我用其他朋友送給佢未開嘅禮物比佢，哈哈）

B be 初生時喺屋企都盡量陪住小檬，唔好比佢覺得有咗妹妹就冇人同佢玩。

到而家開始有啲互動，就要教佢要分享，佢要比架車車妹妹，

雖然B be仲未識，不過我會代B be 拎住之後讚小檬。

照顧妹妹都會叫佢一齊幫吓手，拎塊片片或者紗巾，

小檬要錫佢或者攬住佢，會盡量比，當然要睇住佢先得，

如果唔係熱情嘅小檬，溶咗B be都有份

盡量唔會用佢地嚟做比較，話妹妹乖啲食晒奶喇之類說話，
或者會從正面出發，睇吓妹妹幾乖乖，食哂奶喇, 
有時婆婆會話，好喇，你唔食比妹妹食哂,
或者，你唔要我就比妹妹喇
好似妹妹同佢爭咁，我就會同婆婆講唔可以咁講。
小朋友清純無知，好多時都係大人從中令佢地有猜忌, 
我要成日提醒婆婆

成日同小檬講要同小朋友分享玩具，
今日佢自己主動拎妹妹嘅玩具比妹妹，
之後話「同妹妹分享！」

媽咪聽到真係好開心！

小檬好錫妹妹，兩個一起溫馨感覺不言而喻，
沒有什麼比這樣, 令做父母的感安慰

能給你們的沒有什麼，希望珍惜這份手足之情

願你們永遠相親相愛

兜兜

好耐之前見到韓國嘅冰鎮小企鵝男孩子尿兜，

不過精品店sales（男人）居然話要洗多個唔煩咩？  

又係喎，因為果時冇工人姐姐幫手，真係洗少一樣得一樣！

呢排再開始介片（放棄咗一排）又見到田鼠B咁叻仔用到兜，

於是又淘一個試吓！

RMB29

我鍾意白色，容易知道污jo

個兜可以拆出嚟洗

用吸盤，好穩陣！
(本來想拆出嚟再加相，原來真係好實！)

暫時未要跌因為尋晚先黐。。哈哈

淘開又淘，小朋友學習褲仔，

日單原單 RMB 7.50@

全部都係小檬啲friend，著起應該好開心～ 

有標籤，質量都OK

佢講我就信，冇深究係咪堅

小檬29months喇！！

今日29M喇!! 

準備返工嘅媽媽見到啱啱起身嘅佢，眼仔突然腫哂，

結果媽媽請假同佢睇醫生！ 

我諗呢個係苦肉計。。。

食：

食物種類多咗，唔鍾意都係會唔食，不過起碼肯試，

我已經好開心。之前唔食嘅肉肉，而家都食喇，有時都會話唔食（都唔明點解）

不過引誘佢都會肯食落肚。

出街一大碗上海麵都可以差少少自己食哂

之前佢唔係好肯食野，於是婆婆都會出手餵佢，不過我又想佢自己畢多啲。

如果佢自己畢唔食我都會好擔心，好矛盾,不過而家情況應該有改善，

於是唯有叫婆婆盡量比佢自己食啦。

飲水：

已經可以自己用杯杯飲，方便返學之後食茶點。轉杯過程好簡單，

就係等佢知道如果唔揸好飲就會漏，漏濕自己。我諗道理同介片一樣！

瞓：

自從有左巴C床之後，都係自己瞓，

weekday就婆婆瞓下面，放假就自己瞓架喇。

瞓之前都要我同佢講吓故事，睇吓書。有時就要吓婆婆，要吓爸爸，

不過都以我為正選, 佢地係後備.

當果日我冇被點燈，其實內心暗暗高興，

可以出嚟做吓自己野，睇吓B be（再係咁比佢霸住我驚B be唔認得我喇）

不過有時最後都要我入返去收場

由於佢超級反瞓, 平時都有碌落婆婆度，婆婆抱返佢返去瞓佢都唔醒！

冇人喺下格床嘅時候, 就拎啲cushion同被墊住條木邊，

驚佢撞到，反而自己瞓又冇試過自己碌落床!!

自行如廁：

可以話係一半一半啦。。。

poopoo會叫，話要去廁所果到，

佢會自己坐喺到poopoo. 都算成功嘅

有時唔夠快，即係ing先講，好多時都會已經有一兩舊喺片，

去到廁所去埋後半。如果唔著片就仲大鑊，會跌咗舊金落地，

婆婆話試過佢自己唔知仲hi到！！！

VV呢，又係ing先講，跟本冇可能去到廁所。如果冇著片喇，

瀨咗等佢唔舒服，佢都係未可以喺事前講, 佢V 咗唔會同佢換褲住，

等佢唔舒服。尋晚一連三次，都最後我地話冇褲換要佢企喺到等條褲乾。。。

佢黐住又唔舒服，行嘅時候將兩隻腳撐開，好好笑。

唯一叻就係朝早就可以去到落廁所。佢每次都招招積積自己讚自己好叻。

我都知呢場仗好漫長，唔知要經歷幾耐先介到呢？？？

小檬語錄

企喺sofa望出窗台講："爸爸媽媽咁夜都未返嘅。。。”

喺樓下公園玩完，上到嚟自己同婆婆講：”頭先有個細路女同個哥哥撞到個頭好痛之後喊呀”  

成件事清楚表達到又啱

poopoo咗落地喺廁所沖緊，聽到我返嚟,好緊張同婆婆講： “媽媽返嚟喇。。點算呀？”

同佢瞓教，佢突然同我講：”爸爸媽媽瞓大房，婆婆軒軒瞓呢度” 

於是叫我返去瞓，軒軒自己瞓

拍拍呀妹個頭話：”你乖乖地呀吓”

識得用個”佢”字，我叫房叫出面爸爸攞個電話比我，

佢聽唔清楚入面嚟問咩事，小檬話：”攞個電話比”佢”呀”

“爸爸,呢首係軒軒最鍾意聽果首ABC呀”

妹妹喺車度喊，我同妹妹講，就到喇，唔好喊呀。。到咗之後

佢拍拍妹妹話：”妹妹到喇，唔好喊喇”

已經可以打電話返屋企同佢傾，好似大人咁溝通，同自己個仔傾電話感覺好有趣！

好耐冇返過婆婆屋企，玩魚缸玩得好開心

我自己爬喇！

reading time

吹bubble。。哈哈

瀨濕咗罰企，罰都咁開心

與媽咪妹妹自拍比出差嘅爸爸

食雪條（影完食得一啖就沒收）

曳仔爬上妹妹high chair

多謝GG母母嘅袋仔

起身自己開工。。。早過我

用水樽碌保齡球。。。

好玩又唔使錢

world cup kids

又要影

呢個糖叫hawaii(其實佢想講kawaii)

小檬哥哥講故事

而家小檬有咗自己張床，都會係自己床到玩，

有日抱埋B be入去同佢坐喺度小檬哥哥就講故事比B be聽

初初都好溫馨架...

點知最尾，變咗熱情的小檬~

嚇親B be，呢件事成日都喺屋企發生!! 
又溫馨又好笑~ 

香港文化博物館

星期六已經晨咁早準備出門去睇~  

吉卜力工作室場面設計手稿展‧高畑勲與宮崎駿動畫的秘密
2014年5月14日 - 2014年8月31日

@沙田~ 香港文化博物館

唔知點解整吓整吓都食lunch時間先去到新城市。

本來都諗住帶埋B be嘅，不過果日天色唔明朗，

車泊喺新城市行去，如果落雨就好麻煩，

於是就放 B be返婆婆屋企，等婆婆同姐姐湊住佢喇！

（B be唔好嬲我地呀，你大個啲一定唔會賴低你）

食完lunch時間到，嘩，超多人！

淨係排入場都好多人，買飛notice board話應該要排個幾鐘，

仲要排隊入場。我諗加埋起碼兩三個鐘！

於是我地就plan B，淨係去其他展館。

好在成個館都好多地方可以影吓相～ 
首先係波兒




突然間拖住錫一啖手手
小檬 you are so sweet～


而家小檬好合作

一有野影大部分時間都自己行埋去，不過得一兩秒

煤炭C鬼仲自動波坐低

好靚嘅大樹下

冇襯過嘅灰與藍 , 出到嚟先知!

千與千尋 

估吓呢到喺邊到影？

Totoro

又自己坐低

自己創作媒碳C鬼 

貼~ 

yeah~  

之後行下其他館，龍貓喺邊到呀？ (真實對白)

真係笑C我喇。。。

好明顯冇咩心機繼續睇。。於是轉場 

兒童探知館

佢一見到啲哥哥姐姐除鞋喺到玩就自動波自己除，

可能佢覺得好似去咗club house咁。

其實都唔太多野玩,不過個傻豬走嚟走去都已經好開心。 


佢玩完落返嚟先知原本唔玩得。。。sorry～

臨走影埋呢個唔知係咩嘅熊熊

回程都已經四點幾(如果排埋隊我想七點都未走到)
爸爸話抱小檬都係一貫C撐唔使, 坐低Tea 一Tea先

之後去買份禮物比契仔契女當係幼稚園畢業禮物。

有哥哥姐姐同佢玩，又用後備電喇！

去咗咁多次都冇入嘅snoopy land

終於有機會係門口影返張相喇。

小檬又做一字馬喇

契仔識諗啲，又就叩門撲學位,，明顯瘦咗

契女就樂天又幸運，就愈來愈有肉地。

有時做人真係樂天啲好~