自創歌曲 <提子包> + 靜夜詩 ~更新片~

原來之後upload 錯咗段片，而家整返啱先

聽聞而家香港樂壇青黃不接，淨得一兩位歌手，

(啲新歌手我真係一個都唔識)

小檬得知此消息後，突然自己作曲作詞，
推出第一首作品提子包，
希望為樂壇出一分力

再送埋靜夜詩給大家欣賞！
希望大家多多鼓勵!!!

呢個月開始小檬就有咗唱歌呢個concept（有音域果隻）

有時我會叫佢唱ABC，因為聽得最多，但都唔係好成功

反而有一日佢自己突然開金口自創提子包一曲~

真係笑到我碌低!!

靜夜詩就已經唔玩野，講返啱，仲唔使提水添～

不過開始有啲性格，

唔係即叫即做，叫佢做多次會話唔好=_=