小檬識行之後一返到屋企之後
就教佢自己要除鞋仔
一開始，幫佢除，等佢除最後一吓，等佢有成功感
跟住教佢除魔術貼，再用手指公，推鞋鞋跟位，
襪仔就難除啲，所以我會幫佢
都好快佢已經自己除，不過我會睇住
有時佢都話媽媽除（其實佢識，不過我覺得佢係炸嬌要我幫）
不過我都會堅持佢自己除。
不過我都會堅持佢自己除。
到尋晚，我地返到屋企，大家忙住放好啲野，都唔記得咗佢，
轉頭已經見佢自己攪掂拎住對鞋。
轉頭已經見佢自己攪掂拎住對鞋。
自己攪掂！
我好希望佢可以有自理能力，
就算有姐姐都唔可以依賴！
大個仔..好多野都可以自己黎, 唔洗大人幫手啦, good~
回覆刪除係呀，咁樣我哋都可以多d時間比細果個
刪除我都覺得佢地既自理好緊要.
回覆刪除田鼠b除完鞋, 仲會自己擺番鞋架原位 (令我有啲慚愧...)
叻仔，咁幫媽媽擺埋囉
刪除佢地真係好手尾過大人。。。哈哈
回覆刪除一定好過我老公先=p
刪除小檬大個仔啦﹗我都教緊燒腩仔呢樣嘢，仲專登搬咗張Ikea凳仔放門口，但暫時佢仲未有返到屋企要坐定定除鞋呢個concept囉﹗
回覆刪除試下每次要佢除完先準入去玩（你幫下佢手都得，佢掂下鞋仔都算）要等佢習慣下先再慢慢教佢除
刪除有呀，不過佢有時好似記得會自己停低幾秒等我咁，有時就一枝箭咁標咗去playmat到，睇來都要重複多好多次佢先會識
刪除檬檬好叻仔呀, 要同你取經點教仔, 我教極蛇仔明都唔肯自己揸奶樽, 好沮喪
回覆刪除小檬過咗一歲先肯自己揸呀，慢慢黎啦
刪除E? 剪左頭髮?
回覆刪除係呀，太長喇
刪除小檬好叻仔呀！抵讚！
回覆刪除多謝EE！
刪除wow...真係大個仔啦喎
回覆刪除其實識咗好耐,不過今次唔記得望下佢之後自己完成比個suprise我！
刪除我都係等佢識行就教佢返屋企除鞋，現在都係幫佢除一半，之後佢就會除埋另一半，之後放係鞋櫃，有時仲要幫大人放埋鞋，再收埋個鞋櫃。
回覆刪除而襪佢就一早自己除，我無教佢，但佢就好鐘意自己除囉，天氣凍，我怕佢腳凍，幫佢著完，轉頭就自己除左佢，好鬼煩!
佢地手尾應該好過我哋！
刪除小檬媽講得好啱，就算有姐姐都要識自理呀，小檬好叻仔，媽咪放心晒啦^^
回覆刪除